Strabo, Geography, book 15, chapter 1 72:

(스트라본, 지리학, book 15, chapter 1 72:)

ἐπὶ δὲ τῇ συμβολῇ τούτου τε καὶ τοῦ ἄλλου ποταμοῦ [Ἐραννοβόα] τὰ Παλίβοθρα ἱδρῦσθαι σταδίων ὀγδοήκοντα τὸ μῆκοσ πλάτοσ δὲ πεντεκαίδεκα ἐν παραλληλογράμμῳ σχήματι, ξύλινον περίβολον ἔχουσαν κατατετρημένον ὥστε διὰ τῶν ὀπῶν τοξεύειν· προκεῖσθαι δὲ καὶ τάφρον φυλακῆσ τε χάριν καὶ ὑποδοχῆσ τῶν ἐκ τῆσ πόλεωσ ἀπορροιῶν. τὸ δ’ ἔθνοσ ἐν ᾧ ἡ πόλισ αὕτη καλεῖσθαι Πρασίουσ, διαφορώτατον τῶν πάντων· τὸν δὲ βασιλεύοντα ἐπώνυμον δεῖν τῆσ πόλεωσ εἶναι, Παλίβοθρον καλούμενον πρὸσ τῷ ἰδίῳ τῷ ἐκ γενετῆσ ὀνόματι, καθάπερ τὸν Σανδρόκοττον, πρὸσ ὃν ἧκεν ὁ Μεγασθένησ πεμφθείσ. τοιοῦτο δὲ καὶ τὸ παρὰ τοῖσ Παρθυαίοισ· Ἀρσάκαι γὰρ καλοῦνται πάντεσ, ἰδίᾳ δὲ ὁ μὲν Ὀρώδησ ὁ δὲ Φραάτησ ὁ δ’ ἄλλο τι.

상위

Geography (지리학)

목록

일치하는 문장이 없습니다.

SEARCH

MENU NAVIGATION