Strabo, Geography, book 15, chapter 1 60:

(스트라본, 지리학, book 15, chapter 1 60:)

καὶ τὴν Κάθαιαν δέ τινεσ [καὶ] τὴν Σωπείθουσ, τῶν νομαρχῶν τινοσ, κατὰ τήνδε τὴν μεσοποταμίαν τιθέασιν· ἄλλοι δὲ καὶ τοῦ Ἀκεσίνου πέραν καὶ τοῦ Υἁρώτιδοσ, ὅμορον τῇ Πώρου τοῦ ἑτέρου, ὃσ ἦν ἀνεψιὸσ τοῦ ὑπ’ Ἀλεξάνδρου ἁλόντοσ· καλοῦσι δὲ Γανδαρίδα τὴν ὑπὸ τούτῳ χώραν. ἐν δὲ τῇ Καθαίᾳ καινότατον ἱστορεῖται τὸ περὶ τοῦ κάλλουσ ὅτι τιμᾶται διαφερόντωσ, ὡσ ἵππων καὶ κυνῶν· βασιλέα τε γὰρ τὸν κάλλιστον αἱρεῖσθαί φησιν Ὀνησίκριτοσ, γενόμενόν τε παιδίον μετὰ δίμηνον κρίνεσθαι δημοσίᾳ πότερον ἔχοι τὴν ἔννομον μορφὴν καὶ τοῦ ζῆν ἀξίαν ἢ οὔ, κριθέντα δ’ ὑπὸ τοῦ ἀποδειχθέντοσ ἄρχοντοσ ζῆν ἢ θανατοῦσθαι· βάπτεσθαί τε πολλοῖσ εὐανθεστάτοισ χρώμασι τοὺσ πώγωνασ αὐτοῦ τούτου χάριν καλλωπιζομένουσ· τοῦτο δὲ καὶ ἄλλουσ ποιεῖν ἐπιμελῶσ συχνοὺσ τῶν Ἰνδῶν καὶ γὰρ δὴ φέρειν τὴν χώραν χρόασ θαυμαστάσ καὶ θριξὶ καὶ ἐσθῆσι· τοὺσ δ’ ἀνθρώπουσ τὰ ἄλλα μὲν εὐτελεῖσ εἶναι φιλοκόσμουσ δέ. ἴδιον δὲ τῶν Καθαίων καὶ τοῦτο ἱστορεῖται τὸ αἱρεῖσθαι νυμφίον καὶ νύμφην ἀλλήλουσ καὶ τὸ συγκατακαίεσθαι τεθνεῶσι τοῖσ ἀνδράσι τὰσ γυναῖκασ κατὰ τοιαύτην αἰτίαν, ὅτι ἐρῶσαί ποτε τῶν νέων ἀφίσταιντο τῶν ἀνδρῶν ἢ φαρμακεύοιεν αὐτούσ· νόμον οὖν θέσθαι τοῦτον ὡσ παυσομένησ τῆσ φαρμακείασ· οὐ πιθανῶσ μὲν οὖν ὁ νόμοσ οὐδ’ ἡ αἰτία λέγεται. φασὶ δ’ ἐν τῇ Σωπείθουσ χώρᾳ ὀρυκτῶν ἁλῶν ὄροσ εἶναι ἀρκεῖν δυνάμενον ὅλῃ τῇ Ἰνδικῇ· καὶ χρυσεῖα δὲ καὶ ἀργυρεῖα οὐ πολὺ ἄπωθεν ἐν ἄλλοισ ὄρεσιν ἱστορεῖται καλά, ὡσ ἐδήλωσε Γόργοσ ὁ μεταλλευτήσ. οἱ δ’ Ἰνδοὶ μεταλλείασ καὶ χωνείασ ἀπείρωσ ἔχοντεσ οὐδ’ ὧν εὐποροῦσιν ἴσασιν, ἀλλ’ ἁπλούστερον μεταχειρίζονται τὸ πρᾶγμα.

상위

Geography (지리학)

목록

일치하는 문장이 없습니다.

SEARCH

MENU NAVIGATION