Strabo, Geography, book 15, chapter 1 44:

(스트라본, 지리학, book 15, chapter 1 44:)

ἐν δὲ τῇ Μουσικανοῦ καὶ σῖτον αὐτοφυῆ λέγει πυρῷ παραπλήσιον καὶ ἄμπελον, ὥστ’ οἰνοφορεῖν τῶν ἄλλων ἀοίνον λεγόντων τὴν Ἰνδικήν· ὥστε μηδ’ αὐλὸν εἶναι κατὰ τὸν Ἀνάχαρσιν μηδ’ ἄλλο τῶν μουσικῶν ὀργάνων μηδὲν πλὴν κυμβάλων καὶ τυμπάνων καὶ κροτάλων ἃ τοὺσ θαυματοποιοὺσ κεκτῆσθαι. καὶ πολυφάρμακον δὲ καὶ πολύρριζον τῶν τε σωτηρίων καὶ τῶν ἐναντίων, ὥσπερ καὶ πολυχρώματον, καὶ οὗτοσ εἴρηκε καὶ ἄλλοι γε· προστίθησι δ’ οὗτοσ ὅτι καὶ νόμοσ εἰή τὸν ἀνευρόντα τι τῶν ὀλεθρίων, ἐὰν μὴ προσανεύρῃ καὶ τὸ ἄκοσ αὐτοῦ, θανατοῦσθαι· ἀνευρόντα δὲ τιμῆσ τυγχάνειν παρὰ τοῖσ βασιλεῦσιν. ἔχειν δὲ καὶ κιννάμωμον καὶ νάρδον καὶ τὰ ἄλλα ἀρώματα τὴν νότιον γῆν τὴν Ἰνδικὴν ὁμοίωσ ὥσπερ τὴν Ἀραβίαν καὶ τὴν Αἰθιοπίαν ἔχουσάν τι ἐμφερὰσ ἐκείναισ κατὰ τοὺσ ἡλίουσ· διαφέρειν δὲ τῷ πλεονασμῷ τῶν ὑδάτων ὥστ’ ἔνικμον εἶναι τὸν ἀέρα καὶ τροφιμώτερον παρὰ τοῦτο καὶ γόνιμον μᾶλλον, ὡσ δ’ αὕτωσ καὶ τὴν γῆν καὶ τὸ ὕδωρ, ᾗ δὴ καὶ μείζω τά τε χερσαῖα τῶν ζῴων καὶ τὰ καθ’ ὕδατοσ τὰ ἐν Ἰνδοῖσ τῶν παρ’ ἄλλοισ εὑρίσκεσθαι. καὶ τὸν Νεῖλον δ’ εἶναι γόνιμον μᾶλλον ἑτέρων καὶ μεγαλοφυῆ γεννᾶν καὶ τἆλλα καὶ τὰ ἀμφίβια, τάσ τε γυναῖκασ ἔσθ’ ὅτε καὶ τετράδυμα τίκτειν τὰσ Αἰγυπτίασ· Ἀριστοτέλησ δέ τινα καὶ ἑπτάδυμα ἱστορεῖ τετοκέναι, καὶ αὐτὸσ πολύγονον καλῶν τὸν Νεῖλον καὶ τρόφιμον διὰ τὴν ἐκ τῶν ἡλίων μετρίαν ἕψησιν αὐτὸ καταλειπόντων τὸ τρόφιμον τὸ δὲ περιττὸν ἐκθυμιώντων.

상위

Geography (지리학)

목록

일치하는 문장이 없습니다.

SEARCH

MENU NAVIGATION