Strabo, Geography, book 15, chapter 1 34:

(스트라본, 지리학, book 15, chapter 1 34:)

ἀριστόβουλοσ δὲ μόνα καὶ ὑέσθαι καὶ νίφεσθαι τὰ ὄρη καὶ τὰσ ὑπωρείασ φησί, τὰ πεδία δὲ καὶ ὄμβρων ὁμοίωσ ἀπηλλάχθαι καὶ νιφετῶν, ἐπικλύζεσθαι δὲ μόνον κατὰ τὰσ ἀναβάσεισ τῶν ποταμῶν· τὴν δὲ θάλατταν ἄπλουν εἶναι τῶν ἀνέμων ἀντιπνεόντων, ἀπογαίασ δὲ μηδεμιᾶσ πνοῆσ ἐκδεξαμένησ. νίφεσθαι μὲν οὖν τὰ ὄρη κατὰ χειμῶνα, τοῦ δὲ ἐάροσ ἀρχομένου καὶ τοὺσ ὄμβρουσ ἐνάρχεσθαι καὶ ἀεὶ καὶ μᾶλλον λαμβάνειν ἐπίδοσιν· τοῖσ δ’ ἐτησίαισ καὶ ἀδιαλείπτωσ νύκτωρ καὶ μεθ’ ἡμέραν ἐκχεῖσθαι καὶ λάβρουσ ἑώσ ἐπιτολῆσ ἀρκτούρου· ἔκ τε δὴ τῶν χιόνων καὶ τῶν ὑετῶν πληρουμένουσ [ποταμοὺσ] ποτίζειν τὰ πεδία. κατανοηθῆναι δὲ ταῦτα καὶ ὑφ’ ἑαυτοῦ καὶ ὑπὸ τῶν ἄλλων φησίν, ὡρμηκότων μὲν εἰσ τὴν Ἰνδικὴν ἀπὸ Παροπαμισαδῶν, μετὰ δὲ δυσμὰσ πληιάδων, καὶ διατριψάντων κατὰ τὴν ὀρεινὴν ἔν τε τῇ Ὑπασίων καὶ τῇ Ἀσσακανοῦ γῇ τὸν χειμῶνα, τοῦ δ’ ἐάροσ ἀρχομένου καταβεβηκότων εἰσ τὰ πεδία καὶ πόλιν Τάξιλα εὐμεγέθη, ἐντεῦθεν δ’ ἐπὶ Ὑδάσπην καὶ τὴν Πώρου χώραν· τοῦ μὲν οὖν χειμῶνοσ ὕδωρ οὐκ ἰδεῖν ἀλλὰ χιόνασ μόνον· ἐν δὲ τοῖσ Ταξίλοισ πρῶτον ὑσθῆναι, καὶ ἐπειδὴ καταβᾶσιν ἐπὶ τὸν Ὑδάσπην καὶ νικήσασι Πῶρον ὁδὸσ ἦν ἐπὶ τὸν Ὕπανιν πρὸσ ἑώ κἀκεῖθεν ἐπὶ τὸν Ὑδάσπην πάλιν, ὑέσθαι συνεχῶσ καὶ μάλιστα τοῖσ ἐτησίαισ, ἐπιτείλαντοσ δὲ ἀρκτούρου γενέσθαι παῦλαν· διατρίψαντασ δὲ περὶ τὴν ναυπηγίαν ἐπὶ τῷ Ὑδάσπῃ καὶ πλεῖν ἀρξαμένουσ πρὸ δύσεωσ πληιάδοσ οὐ πολλαῖσ ἡμέραισ, καὶ τὸ φθινόπωρον πᾶν καὶ τὸν χειμῶνα καὶ τὸ ἐπιὸν ἐάρ καὶ θέροσ ἐν τῷ κατάπλῳ πραγματευθέντασ ἐλθεῖν εἰσ τὴν Παταληνὴν περὶ κυνὸσ ἐπιτολήν· δέκα μὲν δὴ τοῦ κατάπλου γενέσθαι μῆνασ, οὐδαμοῦ δ’ ὑετῶν αἰσθέσθαι οὐδ’ ὅτε ἐπήκμασαν οἱ ἐτησίαι, τῶν δὲ ποταμῶν πληρουμένων τὰ πεδία κλύζεσθαι·

상위

Geography (지리학)

목록

일치하는 문장이 없습니다.

SEARCH

MENU NAVIGATION