헬라어 문장 검색 - ΣτραβόΓεογραπ́13́04́018́

(스트라본, 지리학, Book 13, chapter 4 18:)

μετὰ δὲ ταῦτ’ ἔστιν ἡ Κατακεκαυμένη λεγομένη χώρα μῆκοσ μὲν καὶ πεντακοσίων σταδίων πλάτοσ δὲ τετρακοσίων, εἴτε Μυσίαν χρὴ καλεῖν εἴτε Μῃονίαν λέγεται γὰρ ἀμφοτέρωσ, ἅπασα ἄδενδροσ πλὴν ἀμπέλου τῆσ τὸν Κατακεκαυμενίτην φερούσησ οἶνον οὐδενὸσ τῶν ἐλλογίμων ἀρετῇ λειπόμενον. ἔστι δὲ ἡ ἐπιφάνεια τεφρώδησ τῶν πεδίων, ἡ δ’ ὀρεινὴ καὶ πετρώδησ μέλαινα ὡσ ἂν ἐξ ἐπικαύσεωσ. εἰκάζουσι μὲν οὖν τινεσ ἐκ κεραυνοβολιῶν καὶ πρηστήρων συμβῆναι τοῦτο, καὶ οὐκ ὀκνοῦσι τὰ περὶ τὸν Τυφῶνα ἐνταῦθα μυθολογεῖν. Ξάνθοσ δὲ καὶ Ἀριμοῦν τινα λέγει τῶν τόπων τούτων βασιλέα. οὐκ εὔλογον δὲ ὑπὸ τοιούτων παθῶν τὴν τοσαύτην χώραν ἐμπρησθῆναι ἀθρόωσ, ἀλλὰ μᾶλλον ὑπὸ γηγενοῦσ πυρόσ, ἐκλιπεῖν δὲ νῦν τὰσ πηγάσ· δείκνυνται δὲ καὶ βόθροι τρεῖσ, οὓσ φύσασ καλοῦσιν, ὅσον τετταράκοντα ἀλλήλων διεστῶτεσ σταδίουσ· ὑπέρκεινται δὲ λόφοι τραχεῖσ, οὓσ εἰκὸσ ἐκ τῶν ἀναφυσηθέντων σεσωρεῦσθαι μύδρων. τὸ δ’ εὐάμπελον τὴν τοιαύτην ὑπάρχειν γῆν, λάβοι τισ ἂν καὶ ἐκ τῆσ Καταναίασ τῆσ χωσθείσησ τῇ σποδῷ καὶ νῦν ἀποδιδούσησ οἶνον δαψιλῆ καὶ καλόν. ἀστεϊζόμενοι δέ τινεσ εἰκότωσ πυριγενῆ τὸν Διόνυσον λέγεσθαί φασιν, ἐκ τῶν τοιούτων χωρίων τεκμαιρόμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 13, chapter 4 18:

(스트라본, 지리학, Book 13, chapter 4 18:)

상위

목록

SEARCH

MENU NAVIGATION