Strabo, Geography, Book 13, chapter 3 10:

(스트라본, 지리학, Book 13, chapter 3 10:)

ταῖσ δὲ νῦν Αἰολικαῖσ πόλεσιν ἔτι καὶ τὰσ Αἰγὰσ προσληπτέον καὶ τὴν Τῆμνον, ὅθεν ἦν Ἑρμαγόρασ ὁ τὰσ ῥητορικὰσ τέχνασ συγγράψασ· ἵδρυνται δ’ αἱ πόλεισ αὗται κατὰ τὴν ὀρεινὴν τὴν ὑπερκειμένην τῆσ τε Κυμαίασ καὶ τῆσ Φωκαέων καὶ Σμυρναίων γῆσ, παρ’ ἣν ὁ Ἕρμοσ ῥεῖ. οὐκ ἄπωθεν δὲ τούτων τῶν πόλεων οὐδ’ ἡ Μαγνησία ἐστὶν ἡ ὑπὸ Σιπύλῳ, ἐλευθέρα πόλισ ὑπὸ Ῥωμαίων κεκριμένη. καὶ ταύτην δ’ ἐκάκωσαν οἱ νεωστὶ γενόμενοι σεισμοί. εἰσ δὲ τἀναντία τὰ ἐπὶ τὸν Κάικον νεύοντα ἀπὸ Λαρίσησ μὲν διαβάντι τὸν Ἕρμον εἰσ Κύμην ἑβδομήκοντα στάδιοι, ἐντεῦθεν δ’ εἰσ Μύριναν τετταράκοντα στάδιοι, τὸ δ’ ἴσον ἐντεῦθεν εἰσ Γρύνιον κἀκεῖθεν εἰσ Ἐλαίαν· ὡσ δ’ Ἀρτεμίδωροσ, ἀπὸ τῆσ Κύμησ εἰσὶν Ἄδαι, εἶτ’ ἄκρα μετὰ τετταράκοντα σταδίουσ ἣν καλοῦσιν Ὕδραν, ἡ ποιοῦσα τὸν κόλπον τὸν Ἐλαϊτικὸν πρὸσ τὴν ἀπεναντίον ἄκραν Ἁρματοῦντα. τοῦ μὲν οὖν στόματοσ τὸ πλάτοσ περὶ ὀγδοήκοντα σταδίουσ ἐστίν, ἐγκολπίζοντι δὲ Μύρινα ἐν ἑξήκοντα σταδίοισ, Αἰολὶσ πόλισ ἔχουσα λιμένα, εἶτ’ Ἀχαιῶν λιμήν, ὅπου οἱ βωμοὶ τῶν δώδεκα θεῶν, εἶτα πολίχνιον Μυριναίων Γρύνιον καὶ ἱερὸν Ἀπόλλωνοσ καὶ μαντεῖον ἀρχαῖον καὶ νεὼσ πολυτελὴσ λίθου λευκοῦ, στάδιοι δ’ ἐπ’ αὐτὴν τετταράκοντα· εἶθ’ ἑβδομήκοντα εἰσ Ἐλαίαν, λιμένα ἔχουσαν καὶ ναύσταθμον τῶν Ἀτταλικῶν βασιλέων, Μενεσθέωσ κτίσμα καὶ τῶν σὺν αὐτῷ Ἀθηναίων τῶν συστρατευσάντων ἐπὶ Ἴλιον. τὰ δ’ ἑξῆσ εἴρηται τὰ περὶ Πιτάνην καὶ Ἀταρνέα καὶ τἆλλα τὰ ταύτῃ.

상위

Geography (지리학)

목록

일치하는 문장이 없습니다.

SEARCH

MENU NAVIGATION