Strabo, Geography, Book 13, chapter 3 4:

(스트라본, 지리학, Book 13, chapter 3 4:)

εἰκοτολογεῖν δ’ ἔστι κἂν εἴ τισ τὸν ἀκριβῆ ζητεῖ κατὰ τὸν ποιητὴν ὁρ́ον μέχρι τίνοσ οἱ Κίλικεσ διέτεινον καὶ οἱ Πελασγοὶ καὶ ἔτι οἱ μεταξὺ τούτων Κήτειοι λεγόμενοι οἱ ὑπὸ τῷ Εὐρυπύλῳ. περὶ μὲν οὖν τῶν Κιλίκων καὶ τῶν ὑπ’ Εὐρυπύλῳ τὰ ἐνόντα εἴρηται, καὶ διότι ἐπὶ τὰ περὶ τὸν Κάικον μάλιστα περατοῦνται. τοὺσ δὲ Πελασγοὺσ εὔλογον τούτοισ ἐφεξῆσ τιθέναι ἔκ τε τῶν ὑφ’ Ὁμήρου λεγομένων καὶ ἐκ τῆσ ἄλλησ ἱστορίασ. ὁ μὲν γὰρ οὕτω φησίν Ἱππόθοοσ δ’ ἄγε φῦλα Πελασγῶν ἐγχεσιμώρων, τῶν οἳ Λάρισαν ἐριβώλακα ναιετάασκον· τῶν ἦρχ’ Ἱππόθοόσ τε Πύλαιόσ τ’ ὄζοσ Ἄρηοσ, υἱε͂ δύω Λήθοιο Πελασγοῦ Τευταμίδαο. ἐξ ὧν πλῆθόσ τε ἐμφαίνει ἀξιόλογον τὸ τῶν Πελασγῶν οὐ γὰρ φῦλον, ἀλλὰ φῦλα ἔφη καὶ τὴν οἴκησιν ἐν Λαρίσῃ φράζει. πολλαὶ μὲν οὖν αἱ Λάρισαι, δεῖ δὲ τῶν ἐγγύσ τινα δέξασθαι, μάλιστα δ’ ἂν τὴν περὶ Κύμην ὑπολάβοι τισ ὀρθῶσ· τριῶν γὰρ οὐσῶν ἡ μὲν καθ’ Ἁμαξιτὸν ἐν ὄψει τελέωσ ἐστὶ τῷ Ἰλίῳ, καὶ ἐγγὺσ σφόδρα ἐν διακοσίοισ που σταδίοισ, ὥστ’ οὐκ ἂν λέγοιτο πιθανῶσ ὁ Ἱππόθοοσ πεσεῖν ἐν τῷ ὑπὲρ Πατρόκλου ἀγῶνι "τῆλ’ ἀπὸ Λαρίσησ," ταύτησ γε, ἀλλὰ μᾶλλον τῆσ περὶ Κύμην· χίλιοι γάρ που στάδιοι μεταξύ· τρίτη δ’ ἐστὶ Λάρισα κώμη τῆσ Ἐφεσίασ ἐν τῷ Καϋστρίῳ πεδίῳ, ἥν φασι πόλιν ὑπάρξαι πρότερον, ἔχουσαν καὶ ἱερὸν Ἀπόλλωνοσ Λαρισηνοῦ, πλησιάζουσαν τῷ Τμώλῳ μᾶλλον ἢ τῇ Ἐφέσῳ· ταύτησ γὰρ ἑκατὸν καὶ ὀγδοήκοντα διέχει σταδίουσ, ὥστε ὑπὸ τοῖσ Μῄοσιν ἄν τισ τάττοι ταύτην. Ἐφέσιοι δ’ αὐξηθέντεσ ὕστερον πολλὴν τῆσ τῶν Μῃόνων, οὓσ νῦν Λυδοὺσ φαμέν, ἀπετέμοντο, ὥστ’ οὐδ’ αὕτη ἂν ἡ τῶν Πελασγῶν Λάρισα εἰή, ἀλλ’ ἐκείνη μᾶλλον. καὶ γὰρ τῆσ μὲν ἐν τῇ Καϋστριανῇ Λαρίσησ οὐδὲν ἔχομεν τεκμήριον ἰσχυρὸν ὡσ ἦν ἤδη τότε· οὐδὲ γὰρ τῆσ Ἐφέσου. τῆσ δὲ περὶ τὴν Κύμην μαρτύριόν ἐστι πᾶσα ἡ Αἰολικὴ ἱστορία μικρὸν ὕστερον τῶν Τρωικῶν γενομένη.

상위

Geography (지리학)

목록

일치하는 문장이 없습니다.

SEARCH

MENU NAVIGATION