Strabo, Geography, Book 13, chapter 2 6:

(스트라본, 지리학, Book 13, chapter 2 6:)

ἄνδρασ δ’ ἔσχεν ἐνδόξουσ τὸ παλαιὸν μὲν Πιττακόν, ἕνα τῶν ἑπτὰ σοφῶν, καὶ τὸν ποιητὴν Ἀλκαῖον καὶ τὸν ἀδελφὸν Ἀντιμενίδαν, ὅν φησιν Ἀλκαῖοσ Βαβυλωνίοισ συμμαχοῦντα τελέσαι μέγαν ἆθλον καὶ ἐκ πόνων αὐτοὺσ ῥύσασθαι κτείναντα ἄνδρα μαχαίταν βασιληίων παλαστὰν ὥσ φησιν ἀπολείποντα μόνον μίαν παχέων ἀπὺ πέμπων. συνήκμασε δὲ τούτοισ καὶ ἡ Σαπφώ, θαυμαστόν τι χρῆμα· οὐ γὰρ ἴσμεν ἐν τῷ τοσούτῳ χρόνῳ τῷ μνημονευομένῳ φανεῖσάν τινα γυναῖκα ἐνάμιλλον οὐδὲ κατὰ μικρὸν ἐκείνῃ ποιήσεωσ χάριν. ἐτυραννήθη δὲ ἡ πόλισ κατὰ τοὺσ χρόνουσ τούτουσ ὑπὸ πλειόνων διὰ τὰσ διχοστασίασ, καὶ τὰ στασιωτικὰ καλούμενα τοῦ Ἀλκαίου ποιήματα περὶ τούτων ἐστίν· ἐν δὲ τοῖσ τυράννοισ καὶ ὁ Πιττακὸσ ἐγένετο. Ἀλκαῖοσ μὲν οὖν ὁμοίωσ ἐλοιδορεῖτο καὶ τούτῳ καὶ τοῖσ ἄλλοισ, Μυρσίλῳ καὶ Μελάγχρῳ καὶ τοῖσ Κλεανακτίδαισ καὶ ἄλλοισ τισίν, οὐδ’ αὐτὸσ καθαρεύων τῶν τοιούτων νεωτερισμῶν. Πιττακὸσ δ’ εἰσ μὲν τὴν τῶν δυναστειῶν κατάλυσιν ἐχρήσατο τῇ μοναρχίᾳ καὶ αὐτόσ, καταλύσασ δὲ ἀπέδωκε τὴν αὐτονομίαν τῇ πόλει. ὕστερον δ’ ἐγένετο χρόνοισ πολλοῖσ Διοφάνησ ὁ ῥήτωρ, καθ’ ἡμᾶσ δὲ Ποτάμων καὶ Λεσβοκλῆσ καὶ Κριναγόρασ καὶ ὁ συγγραφεὺσ Θεοφάνησ. οὗτοσ δὲ καὶ πολιτικὸσ ἀνὴρ ὑπῆρξε καὶ Πομπηίῳ τῷ Μάγνῳ κατέστη φίλοσ μάλιστα διὰ τὴν ἀρετὴν ταύτην, καὶ πάσασ συγκατώρθωσεν αὐτῷ τὰσ πράξεισ, ἀφ’ ὧν τήν τε πατρίδα ἐκόσμησε τὰ μὲν δι’ ἐκείνου τὰ δὲ δι’ ἑαυτοῦ, καὶ ἑαυτὸν πάντων τῶν Ἑλλήνων ἐπιφανέστατον ἀνέδειξεν· υἱόν τε ἀπέλιπε Μάρκον Πομπήιον, ὃν τῆσ Ἀσίασ ἐπίτροπον κατέστησέ ποτε Καῖσαρ ὁ Σεβαστόσ, καὶ νῦν ἐν τοῖσ πρώτοισ ἐξετάζεται τῶν Τιβερίου φίλων. Ἀθηναῖοι δ’ ἐκινδύνευσαν μὲν ἀνηκέστῳ ψόγῳ περιπεσεῖν ψηφισάμενοι Μιτυληναίουσ ἡβηδὸν ἀποσφαγῆναι, μετέγνωσαν δὲ καὶ ἔφθη μιᾷ θᾶττον ἡμέρᾳ τὸ ψήφισμα ἀφιγμένον ὡσ τοὺσ στρατηγοὺσ πρὶν ἢ πρᾶξαι τὸ προσταχθέν.

상위

Geography (지리학)

목록

일치하는 문장이 없습니다.

SEARCH

MENU NAVIGATION