헬라어 문장 검색 - ΣτραβόΓεογραπ́13́02́

(스트라본, 지리학, Book 13, chapter 2)

ἐπεὶ δὲ τῇ παραλίᾳ τῇ ἀπὸ Λεκτοῦ μέχρι Κανῶν ἀντιπαρατέταται νῆσοσ ἡ Λέσβοσ λόγου ἀξία πλείστου, περίκειται δὲ αὐτῇ καὶ νησία τὰ μὲν ἔξωθεν τὰ δὲ καὶ ἐντὸσ μεταξὺ αὐτῆσ τε καὶ τῆσ ἠπείρου, καιρὸσ ἤδη περὶ τούτων εἰπεῖν· καὶ γὰρ ταῦτά ἐστιν Αἰολικά, σχεδὸν δέ τι καὶ μητρόπολισ ἡ Λέσβοσ ὑπάρχει τῶν Αἰολικῶν πόλεων. ἀρκτέον δ’ ἀφ’ ὧνπερ καὶ τὴν παραλίαν ἐπήλθομεν τὴν κατ’ αὐτήν. ἀπὸ Λεκτοῦ τοίνυν ἐπὶ Ἄσσον πλέουσιν ἀρχὴ τῆσ Λεσβίασ ἐστὶ κατὰ Σίγριον τὸ πρὸσ ἄρκτον αὐτῆσ ἄκρον.

ἐνταῦθα δέ που καὶ Μήθυμνα πόλισ Λεσβίων ἐστὶν ἀπὸ ἑξήκοντα σταδίων τῆσ ἐκ Πολυμηδείου πρὸσ τὴν Ἄσσον παραλίασ. οὔσησ δὲ τῆσ περιμέτρου σταδίων χιλίων ἑκατὸν ἣν ἡ σύμπασα ἐκπληροῖ νῆσοσ, τὰ καθ’ ἕκαστα οὕτωσ ἔχει· ἀπὸ Μηθύμνησ εἰσ Μαλίαν τὸ νοτιώτατον ἄκρον ἐν δεξιᾷ ἔχουσι τὴν νῆσον, καθ’ ὃ αἱ Κάναι μάλιστα ἀντίκεινται τῇ νήσῳ καὶ συναπαρτίζουσι, στάδιοί εἰσι τριακόσιοι τετταράκοντα· ἐντεῦθεν δ’ ἐπὶ Σίγριον, ὅπερ ἐστὶ τῆσ νήσου τὸ μῆκοσ, πεντακόσιοι ἑξήκοντα· εἶτ’ ἐπὶ τὴν Μήθυμναν διακόσιοι δέκα. Μιτυλήνη δὲ κεῖται μεταξὺ Μηθύμνησ καὶ τῆσ Μαλίασ ἡ μεγίστη πόλισ, διέχουσα τῆσ Μαλίασ ἑβδομήκοντα σταδίουσ, τῶν δὲ Κανῶν ἑκατὸν εἴκοσιν, ὅσουσ καὶ τῶν Ἀργινουσσῶν, αἳ τρεῖσ μέν εἰσιν οὐ μεγάλαι νῆσοι, πλησιάζουσι δὲ τῇ ἠπείρῳ, παρακείμεναι ταῖσ Κάναισ. ἐν δὲ τῷ μεταξὺ Μιτυλήνησ καὶ τῆσ Μηθύμνησ κατὰ κώμην τῆσ Μηθυμναίασ καλουμένην Αἴγειρον στενωτάτη ἐστὶν ἡ νῆσοσ, ὑπέρβασιν ἔχουσα εἰσ τὸν Πυρραίων εὔριπον σταδίων εἴκοσιν. ἵδρυται δ’ ἡ Πύρρα ἐν τῷ ἑσπερίῳ πλευρῷ τῆσ Λέσβου, διέχουσα τῆσ Μαλίασ ἑκατόν. ἔχει δ’ ἡ Μιτυλήνη λιμένασ δύο, ὧν ὁ νότιοσ κλειστὸσ τριηρικὸσ ναυσὶ πεντήκοντα, ὁ δὲ βόρειοσ μέγασ καὶ βαθύσ, χώματι σκεπαζόμενοσ· πρόκειται δ’ ἀμφοῖν νησίον μέροσ τῆσ πόλεωσ ἔχον αὐτόθι συνοικούμενον· κατεσκεύασται δὲ τοῖσ πᾶσι καλῶσ. ἄνδρασ δ’ ἔσχεν ἐνδόξουσ τὸ παλαιὸν μὲν Πιττακόν, ἕνα τῶν ἑπτὰ σοφῶν, καὶ τὸν ποιητὴν Ἀλκαῖον καὶ τὸν ἀδελφὸν Ἀντιμενίδαν, ὅν φησιν Ἀλκαῖοσ Βαβυλωνίοισ συμμαχοῦντα τελέσαι μέγαν ἆθλον καὶ ἐκ πόνων αὐτοὺσ ῥύσασθαι κτείναντα ἄνδρα μαχαίταν βασιληίων παλαστὰν ὥσ φησιν ἀπολείποντα μόνον μίαν παχέων ἀπὺ πέμπων.

συνήκμασε δὲ τούτοισ καὶ ἡ Σαπφώ, θαυμαστόν τι χρῆμα· οὐ γὰρ ἴσμεν ἐν τῷ τοσούτῳ χρόνῳ τῷ μνημονευομένῳ φανεῖσάν τινα γυναῖκα ἐνάμιλλον οὐδὲ κατὰ μικρὸν ἐκείνῃ ποιήσεωσ χάριν. ἐτυραννήθη δὲ ἡ πόλισ κατὰ τοὺσ χρόνουσ τούτουσ ὑπὸ πλειόνων διὰ τὰσ διχοστασίασ, καὶ τὰ στασιωτικὰ καλούμενα τοῦ Ἀλκαίου ποιήματα περὶ τούτων ἐστίν· ἐν δὲ τοῖσ τυράννοισ καὶ ὁ Πιττακὸσ ἐγένετο. Ἀλκαῖοσ μὲν οὖν ὁμοίωσ ἐλοιδορεῖτο καὶ τούτῳ καὶ τοῖσ ἄλλοισ, Μυρσίλῳ καὶ Μελάγχρῳ καὶ τοῖσ Κλεανακτίδαισ καὶ ἄλλοισ τισίν, οὐδ’ αὐτὸσ καθαρεύων τῶν τοιούτων νεωτερισμῶν. Πιττακὸσ δ’ εἰσ μὲν τὴν τῶν δυναστειῶν κατάλυσιν ἐχρήσατο τῇ μοναρχίᾳ καὶ αὐτόσ, καταλύσασ δὲ ἀπέδωκε τὴν αὐτονομίαν τῇ πόλει. ὕστερον δ’ ἐγένετο χρόνοισ πολλοῖσ Διοφάνησ ὁ ῥήτωρ, καθ’ ἡμᾶσ δὲ Ποτάμων καὶ Λεσβοκλῆσ καὶ Κριναγόρασ καὶ ὁ συγγραφεὺσ Θεοφάνησ. οὗτοσ δὲ καὶ πολιτικὸσ ἀνὴρ ὑπῆρξε καὶ Πομπηίῳ τῷ Μάγνῳ κατέστη φίλοσ μάλιστα διὰ τὴν ἀρετὴν ταύτην, καὶ πάσασ συγκατώρθωσεν αὐτῷ τὰσ πράξεισ, ἀφ’ ὧν τήν τε πατρίδα ἐκόσμησε τὰ μὲν δι’ ἐκείνου τὰ δὲ δι’ ἑαυτοῦ, καὶ ἑαυτὸν πάντων τῶν Ἑλλήνων ἐπιφανέστατον ἀνέδειξεν· υἱόν τε ἀπέλιπε Μάρκον Πομπήιον, ὃν τῆσ Ἀσίασ ἐπίτροπον κατέστησέ ποτε Καῖσαρ ὁ Σεβαστόσ, καὶ νῦν ἐν τοῖσ πρώτοισ ἐξετάζεται τῶν Τιβερίου φίλων. Ἀθηναῖοι δ’ ἐκινδύνευσαν μὲν ἀνηκέστῳ ψόγῳ περιπεσεῖν ψηφισάμενοι Μιτυληναίουσ ἡβηδὸν ἀποσφαγῆναι, μετέγνωσαν δὲ καὶ ἔφθη μιᾷ θᾶττον ἡμέρᾳ τὸ ψήφισμα ἀφιγμένον ὡσ τοὺσ στρατηγοὺσ πρὶν ἢ πρᾶξαι τὸ προσταχθέν. ἡ δὲ Πύρρα κατέστραπται, τὸ δὲ προάστειον οἰκεῖται καὶ ἔχει λιμένα, ὅθεν εἰσ Μιτυλήνην ὑπέρβασισ σταδίων ὀγδοήκοντα.

εἶτ’ Ἔρεσοσ ἔστι μετὰ τὴν Πύρραν· ἵδρυται δ’ ἐπὶ λόφου καθήκει τε ἐπὶ θάλατταν· εἶτ’ ἐπὶ τὸ Σίγριον ἐντεῦθεν στάδιοι εἰκοσιοκτώ· ἐξ Ἐρέσου δ’ ἦσαν Θεόφραστόσ τε καὶ Φανίασ οἱ ἐκ τῶν περιπάτων φιλόσοφοι, Ἀριστοτέλουσ γνώριμοι. Τύρταμοσ δ’ ἐκαλεῖτο ἔμπροσθεν ὁ Θεόφραστοσ, μετωνόμασε δ’ αὐτὸν Ἀριστοτέλησ Θεόφραστον, ἅμα μὲν φεύγων τὴν τοῦ προτέρου ὀνόματοσ κακοφωνίαν, ἅμα δὲ τὸν τῆσ φράσεωσ αὐτοῦ ζῆλον ἐπισημαινόμενοσ· ἅπαντασ μὲν γὰρ λογίουσ ἐποίησε τοὺσ μαθητὰσ Ἀριστοτέλησ, λογιώτατον δὲ Θεόφραστον. Ἄντισσα δ’ ἐφεξῆσ ἐστι τῷ Σιγρίῳ πόλισ ἔχουσα λιμένα, ἔπειτα Μήθυμνα· ἐντεῦθεν δ’ ἦν Ἀρίων ὁ ἐπὶ τῷ δελφῖνι μυθευόμενοσ ὑπὸ τῶν περὶ Ἡρόδοτον εἰσ Ταίναρον σωθῆναι, καταποντωθεὶσ ὑπὸ τῶν λῃστῶν· οὗτοσ μὲν οὖν κιθαρῳδόσ. καὶ Τέρπανδρον δὲ τῆσ αὐτῆσ μουσικῆσ τεχνίτην γεγονέναι φασὶ καὶ τῆσ αὐτῆσ νήσου, τὸν πρῶτον ἀντὶ τῆσ τετραχόρδου λύρασ ἑπταχόρδῳ χρησάμενον, καθάπερ καὶ ἐν τοῖσ ἀναφερομένοισ ἔπεσιν εἰσ αὐτὸν λέγεται σοὶ δ’ ἡμεῖσ τετράγηρυν ἀποστρέψαντεσ ἀοιδὴν, ἑπτατόνῳ φόρμιγγι νέουσ κελαδήσομεν ὕμνουσ. καὶ Ἑλλάνικοσ δὲ Λέσβιοσ ὁ συγγραφεὺσ καὶ Καλλίασ ὁ τὴν Σαπφὼ καὶ τὸν Ἀλκαῖον ἐξηγησάμενοσ. κατὰ δὲ τὸν πορθμὸν τὸν μεταξὺ τῆσ Ἀσίασ καὶ τῆσ Λέσβου νησία ἐστὶ περὶ εἴκοσιν, ὡσ δὲ Τιμοσθένησ φησί, τετταράκοντα·

καλοῦνται δ’ Ἑκατόννησοι συνθέτωσ, ὡσ Πελοπόννησοσ, κατὰ ἔθοσ τι τοῦ <ν> γράμματοσ πλεονάζοντοσ ἐν τοῖσ τοιούτοισ, ὡσ Μυόννησοσ καὶ Προκόννησοσ λέγεται καὶ Ἁλόννησοσ, ὥστε Ἑκατόννησοί εἰσιν, οἱο͂ν Ἀπολλωνόννησοι· Ἕκατοσ γὰρ ὁ Ἀπόλλων· παρὰ πᾶσαν γὰρ δὴ τὴν παραλίαν ταύτην ὁ Ἀπόλλων ἐκτετίμηται μέχρι Τενέδου, Σμινθεὺσ ἢ Κιλλαῖοσ καλούμενοσ ἢ Γρυνεὺσ ἤ τινα ἄλλην ἐπωνυμίαν ἔχων. πλησίον δὲ τούτων ἐστὶ καὶ ἡ Πορδοσελήνη, πόλιν ὁμώνυμον ἔχουσα ἐν αὐτῇ· καὶ πρὸ τῆσ πόλεωσ ταύτησ ἄλλη νῆσοσ μείζων αὐτῆσ, καὶ πόλισ ὁμώνυμοσ ἔρημοσ, ἱερὸν ἅγιον ἔχουσα Ἀπόλλωνοσ. τὰσ δὲ δυσφημίασ τῶν ὀνομάτων φεύγοντέσ τινεσ ἐνταῦθα μὲν Ποροσελήνην δεῖν λέγειν φασί, τὸ δ’ Ἀσπορδηνὸν ὄροσ τὸ περὶ Πέργαμον, τραχὺ καὶ λυπρὸν ὄν, Ἀσπορηνόν, καὶ τὸ ἱερὸν τὸ ἐνταῦθα τῆσ μητρὸσ τῶν θεῶν Ἀσπορηνῆσ.

τί οὖν φήσομεν τὴν πόρδαλιν καὶ τὸν σαπέρδην καὶ τὸν Περδίκκαν καὶ τὸ Σιμωνίδου σὺν πορδακοῖσιν ἐκπεσόντεσ εἵμασιν ἀντὶ τοῦ διαβρόχοισ, καὶ ἐν τῇ ἀρχαίᾳ που κωμῳδίᾳ πορδακὸν τὸ χωρίον τὸ λιμνάζον; Διέχει δ’ ἡ Λέσβοσ τὸ ἴσον ἀπὸ τῆσ Τενέδου καὶ Λήμνου καὶ Χίου σχεδόν τι τῶν πεντακοσίων ἐνδοτέρω σταδίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 13, chapter 2

(스트라본, 지리학, Book 13, chapter 2)

상위

목록

SEARCH

MENU NAVIGATION