Strabo, Geography, Book 13, chapter 1 119:

(스트라본, 지리학, Book 13, chapter 1 119:)

ἐάσθω δὴ ταῦτα, ἐκεῖνο δ’ ὅπερ ἐστὶ μᾶλλον ἐν φανερῷ λαβόντεσ λέγωμεν, ὅτι ἐν τοῖσ περὶ τὸν Κάικον τόποισ φαίνεται βεβασιλευκὼσ καθ’ Ὅμηρον ὁ Εὐρύπυλοσ, ὥστ’ ἴσωσ καὶ τῶν Κιλίκων τι μέροσ ἦν ὑπ’ αὐτῷ, καὶ οὐ δύο δυναστεῖαι μόνον ἀλλὰ καὶ τρεῖσ ὑπῆρξαν ἐν αὐτοῖσ. τῷ δὲ λόγῳ τούτῳ συνηγορεῖ τὸ ἐν τῇ Ἐλαί̈τιδι χειμαρρῶδεσ ποτάμιον δείκνυσθαι Κήτειον· ἐμπίπτει δ’ οὗτοσ εἰσ ἄλλον ὅμοιον, εἶτ’ ἄλλον, καταστρέφουσι δὲ εἰσ τὸν Κάικον· ὁ δὲ Κάικοσ οὐκ ἀπὸ τῆσ Ἴδησ ῥεῖ, καθάπερ εἴρηκε Βακχυλίδησ, οὐδ’ ὀρθῶσ Εὐριπίδησ τὸν Μαρσύαν φησί τὰσ διωνομασμένασ ναίειν Κελαινὰσ ἐσχάτοισ Ἴδησ τόποισ. πολὺ γὰρ τῆσ Ἴδησ ἄπωθεν αἱ Κελαιναί, πολὺ δὲ καὶ αἱ τοῦ Καί̈κου πηγαί· δείκνυνται γὰρ ἐν πεδίῳ. Τῆμνον δ’ ἔστιν ὄροσ ὃ διορίζει τοῦτό τε καὶ τὸ καλούμενον Ἀπίασ πεδίον, ὃ ὑπέρκειται ἐν τῇ μεσογαίᾳ τοῦ Θήβησ πεδίου· ῥεῖ δ’ ἐκ τοῦ Τήμνου ποταμὸσ Μύσιοσ ἐμβάλλων εἰσ τὸν Κάικον ὑπὸ ταῖσ πηγαῖσ αὐτοῦ, ἀφ’ οὗ δέχονταί τινεσ εἰπεῖν Αἰσχύλον κατὰ τὴν εἰσβολὴν τοῦ ἐν Μυρμιδόσι προλόγου ἰὼ Κάικε Μύσιαί τ’ ἐπιρροαί. ἐγγὺσ δὲ τῶν πηγῶν κώμη Γέργιθα ἔστιν, εἰσ ἣν μετῴκισεν Ἄτταλοσ τοὺσ ἐν τῇ Τρῳάδι τὸ χωρίον ἐξελών.

상위

Geography (지리학)

목록

일치하는 문장이 없습니다.

SEARCH

MENU NAVIGATION