Strabo, Geography, Book 13, chapter 1 85:

(스트라본, 지리학, Book 13, chapter 1 85:)

Ἀσσίων δ’ ἐστὶ νῦν καὶ Γαργαρέων ἑώσ τῆσ κατὰ Λέσβον θαλάττησ περιεχόμενα τῇ τε Ἀντανδρίᾳ καὶ τῇ Κεβρηνίων καὶ Νεανδριέων καὶ Ἁμαξιτέων. τῆσ μὲν γὰρ Ἁμαξιτοῦ Νεανδριεῖσ ὑπέρκεινται, καὶ αὐτοὶ ὄντεσ ἐντὸσ Λεκτοῦ, μεσογειότεροι δὲ καὶ πλησιαίτεροι τῷ Ἰλίῳ· διέχουσι γὰρ ἑκατὸν καὶ τριάκοντα σταδίουσ. τούτων δὲ καθύπερθε Κεβρήνιοι, τούτων δὲ Δαρδάνιοι μέχρι Παλαισκήψεωσ καὶ αὐτῆσ τῆσ Σκήψεωσ. τὴν δὲ Ἄντανδρον Ἀλκαῖοσ μὲν καλεῖ Λελέγων πόλιν πρῶτα μὲν Ἄντανδροσ Λελέγων πόλισ. ὁ δὲ Σκήψιοσ ἐν ταῖσ παρακειμέναισ τίθησιν, ὥστ’ ἐκπίπτοι ἂν εἰσ τὴν τῶν Κιλίκων· οὗτοι γάρ εἰσι συνεχεῖσ τοῖσ Λέλεξι μᾶλλόν πωσ τὸ νότιον πλευρὸν τῆσ Ἴδησ ἀφορίζοντεσ· ταπεινοὶ δ’ ὅμωσ καὶ οὗτοι καὶ τῇ παραλίᾳ συνάπτοντεσ μᾶλλον τῇ κατὰ Ἀδραμύττιον. μετὰ γὰρ τὸ Λεκτὸν τὸ Πολυμήδειον ἔστι χωρίον τι ἐν τετταράκοντα σταδίοισ, εἶτ’ ἐν ὀγδοήκοντα Ἄσσοσ μικρὸν ὑπὲρ τῆσ θαλάττησ, εἶτ’ ἐν ἑκατὸν καὶ τετταράκοντα Γάργαρα· κεῖται δὲ τὰ Γάργαρα ἐπ’ ἄκρασ ποιούσησ τὸν ἰδίωσ Ἀδραμυττηνὸν καλούμενον κόλπον. λέγεται γὰρ καὶ πᾶσα ἡ ἀπὸ Λεκτοῦ μέχρι Κανῶν παραλία τῷ αὐτῷ τούτῳ ὀνόματι, ἐν ᾧ καὶ ὁ Ἐλαϊτικὸσ περιλαμβάνεται· ἰδίωσ μέντοι τοῦτον φασὶν Ἀδραμυττηνόν, τὸν κλειόμενον ὑπὸ ταύτησ τε τῆσ ἄκρασ ἐφ’ ᾗ τὰ Γάργαρα, καὶ τῆσ Πυρρᾶσ ἄκρασ προσαγορευομένησ ἐφ’ ᾗ καὶ ἀφροδίσιον ἵδρυται. πλάτοσ δὲ τοῦ στόματόσ ἐστιν ἀπὸ τῆσ ἄκρασ ἐπὶ τὴν ἄκραν δίαρμα ἑκατὸν καὶ εἴκοσι σταδίων. ἐντὸσ δὲ ἥ τε Ἄντανδρόσ ἐστιν ὑπερκείμενον ἔχουσα ὄροσ ὃ καλοῦσιν Ἀλεξάνδρειαν, ὅπου τὰσ θεὰσ κριθῆναί φασιν ὑπὸ τοῦ Πάριδοσ, καὶ ὁ Ἀσπανεὺσ τὸ ὑλοτόμιον τῆσ Ἰδαίασ ὕλησ· ἐνταῦθα γὰρ διατίθενται κατάγοντεσ τοῖσ δεομένοισ. εἶτ’ Ἄστυρα, κώμη καὶ ἄλσοσ τῆσ Ἀστυρηνῆσ Ἀρτέμιδοσ ἅγιον. πλησίον δ’ εὐθὺσ τὸ Ἀδραμύττιον, Ἀθηναίων ἄποικοσ πόλισ ἔχουσα καὶ λιμένα καὶ ναύσταθμον· ἔξω δὲ τοῦ κόλπου καὶ τῆσ Πυρρᾶσ ἄκρασ ἥ τε Κισθήνη ἐστὶ πόλισ ἔρημοσ ἔχουσα λιμένα. ὑπὲρ αὐτῆσ δ’ ἐν τῇ μεσογαίᾳ τό τε τοῦ χαλκοῦ μέταλλον καὶ Περπερηνὴ καὶ Τράριον καὶ ἄλλαι τοιαῦται κατοικίαι. ἐν δὲ τῇ παραλίᾳ τῇ ἐφεξῆσ αἱ τῶν Μιτυληναίων κῶμαι Κορυφαντίσ τε καὶ Ἡράκλεια, καὶ μετὰ ταῦτα Ἄττεα, εἶτ’ Ἀταρνεὺσ καὶ Πιτάνη καὶ αἱ τοῦ Καί̈κου ἐκβολαί· ταῦτα δ’ ἤδη τοῦ Ἐλαϊτῶν κόλπου· καὶ ἔστιν ἐν τῇ περαίᾳ ἡ Ἐλαία καὶ ὁ λοιπὸσ μέχρι Κανῶν κόλποσ. λέγωμεν δὲ ἀναλαβόντεσ περὶ τῶν καθ’ ἕκαστα πάλιν, εἴ τι παραλέλειπται μνήμησ ἄξιον, καὶ πρῶτον περὶ τῆσ Σκήψεωσ.

상위

Geography (지리학)

목록

일치하는 문장이 없습니다.

SEARCH

MENU NAVIGATION