Strabo, Geography, Book 13, chapter 1 73:

(스트라본, 지리학, Book 13, chapter 1 73:)

τοῦ δ’ αὐλῶνοσ τοῦ περὶ τὸν Αἴσηπον ἐν ἀριστερᾷ τῆσ ῥύσεωσ αὐτοῦ πρῶτον ἔστι Πολίχνα τειχῆρεσ χωρίον, εἶθ’ ἡ Παλαίσκηψισ, εἶτ’ Ἀλαζόνιον. τοῦτ’ ἤδη πεπλασμένον πρὸσ τὴν τῶν Ἁλιζώνων ὑπόθεσιν, περὶ ὧν εἰρήκαμεν. εἶτα Κάρησοσ ἐρήμη καὶ ἡ Καρησηνὴ καὶ ὁμώνυμοσ ποταμόσ, ποιῶν καὶ αὐτὸσ αὐλῶνα ἀξιόλογον, ἐλάττω δὲ τοῦ περὶ τὸν Αἴσηπον. τὰ δ’ ἑξῆσ ἤδη τὰ τῆσ Ζελείασ ἐστὶ πεδία καὶ ὀροπέδια καλῶσ γεωργούμενα· ἐν δεξιᾷ δὲ τοῦ Αἰσήπου μεταξὺ Πολίχνασ τε καὶ Παλαισκήψεωσ ἡ Νέα κώμη καὶ Ἀργυρία. καὶ τοῦτο πάλιν πλάσμα πρὸσ τὴν αὐτὴν ὑπόθεσιν, ὅπωσ σωθείη τὸ ὅθεν ἀργύρου ἐστὶ γενέθλη. ἡ οὖν Ἀλύβη ποῦ ἢ Ἀλόπη ἢ ὅπωσ βούλονται παρονομάζειν; ἐχρῆν γὰρ καὶ τοῦτο πλάσαι παρατριψαμένουσ τὸ μέτωπον, καὶ μὴ χωλὸν ἐᾶν καὶ ἕτοιμον πρὸσ ἔλεγχον ἅπαξ ἤδη ἀποτετολμηκότασ. ταῦτα μὲν οὖν ἔνστασιν ἔχει τοιαύτην, τἆλλα δὲ ὑπολαμβάνομεν, ἢ τά γε πλεῖστα, δεῖν προσέχειν ὡσ ἀνδρὶ ἐμπείρῳ καὶ ἐντοπίῳ, φροντίσαντί τε τοσοῦτον περὶ τούτων ὥστε τριάκοντα βίβλουσ συγγράψαι στίχων ἐξήγησιν μικρῷ πλειόνων ἑξήκοντα, τοῦ καταλόγου τῶν Τρώων. φησὶ δ’ οὖν τὴν Παλαίσκηψιν τῆσ μὲν Νέασ διέχειν πεντήκοντα σταδίουσ, τοῦ δὲ ποταμοῦ τοῦ Αἰσήπου τριάκοντα· ἀπὸ δὲ τῆσ Παλαισκήψεωσ ταύτησ διατεῖναι τὴν ὁμωνυμίαν καὶ εἰσ ἄλλουσ πλείουσ τόπουσ. ἐπάνιμεν δὲ ἐπὶ τὴν παραλίαν ὅθενπερ ἀπελίπομεν.

상위

Geography (지리학)

목록

일치하는 문장이 없습니다.

SEARCH

MENU NAVIGATION