Strabo, Geography, Book 13, chapter 1 72:

(스트라본, 지리학, Book 13, chapter 1 72:)

συμπίπτει δ’ εἰσ αὐτὸν ὁ Ἄνδιροσ ἀπὸ τῆσ Καρησηνῆσ, ὀρεινῆσ τινοσ πολλαῖσ κώμαισ συνοικουμένησ καὶ γεωργουμένησ καλῶσ, παρακειμένησ τῇ Δαρδανικῇ μέχρι τῶν περὶ Ζέλειαν καὶ Πιτύειαν τόπων· ὠνομάσθαι δὲ τὴν χώραν φασὶν ἀπὸ τοῦ Καρήσου ποταμοῦ, ὃν ὠνόμακεν ὁ ποιητήσ Ῥῆσόσ θ’ Ἑπτάπορόσ τε Κάρησόσ τε Ῥοδίοσ τε· τὴν δὲ πόλιν κατεσπάσθαι τὴν ὁμώνυμον τῷ ποταμῷ. Πάλιν δ’ οὕτωσ φησίν "ὁ μὲν Ῥῆσοσ ποταμὸσ νῦν καλεῖται Ῥοείτησ, εἰ μὴ ἄρα ὁ εἰσ τὸν Γράνικον ἐμβάλλων Ῥῆσόσ ἐστιν. Ἑπτάποροσ δέ, ὃν καὶ Πολύπορον λέγουσιν, ἑπτάκισ διαβαινόμενοσ ἐκ τῶν περὶ τὴν καλὴν πεύκην χωρίων ἐπὶ Μελαινὰσ κώμην ἰοῦσι καὶ τὸ Ἀσκληπίειον, ἵδρυμα Λυσιμάχου. περὶ δὲ τῆσ καλῆσ πεύκησ Ἄτταλοσ ὁ πρῶτοσ βασιλεύσασ οὕτωσ γράφει· τὴν μὲν περίμετρον εἶναί φησι ποδῶν τεττάρων καὶ εἴκοσι, τὸ δὲ ὕψοσ ἀπὸ μὲν ῥίζησ ἀνιέναι ἐπὶ ἑξήκοντα καὶ ἑπτὰ πόδασ, εἶτ’ εἰσ τρία σχιζομένην ἴσον ἀλλήλων διέχοντα, εἶτα πάλιν συναγομένην εἰσ μίαν κορυφήν, ἀποτελοῦσαν τὸ πᾶν ὕψοσ δυεῖν πλέθρων καὶ πεντεκαίδεκα πηχῶν· Ἀδραμυττίου δὲ διέχει πρὸσ ἄρκτον ἑκατὸν καὶ ὀγδοήκοντα σταδίουσ. Κάρησοσ δ’ ἀπὸ Μαλοῦντοσ ῥεῖ, τόπου τινὸσ κειμένου μεταξὺ Παλαισκήψεωσ καὶ Ἀχαιίου τῆσ Τενεδίων περαίασ· ἐμβάλλει δὲ εἰσ τὸν Αἴσηπον. Ῥοδίοσ δὲ ἀπὸ Κλεανδρίασ καὶ Γόρδου, ἃ διέχει τῆσ καλῆσ πεύκησ ἑξήκοντα σταδίουσ· ἐμβάλλει δ’ εἰσ τὸν Αἴνιον.

상위

Geography (지리학)

목록

일치하는 문장이 없습니다.

SEARCH

MENU NAVIGATION