Strabo, Geography, Book 13, chapter 1 10:

(스트라본, 지리학, Book 13, chapter 1 10:)

ἐκ δὴ τῶν ὑπὸ τοῦ ποιητοῦ λεγομένων εἰκάζουσιν οἱ φροντίσαντεσ περὶ τούτων πλέον τι, πᾶσαν τὴν παραλίαν ταύτην ὑπὸ τοῖσ Τρωσὶ γεγονέναι, διῃρημένην μὲν εἰσ δυναστείασ ἐννέα, ὑπὸ δὲ τῷ Πριάμῳ τεταγμένην κατὰ τὸν Ἰλιακὸν πόλεμον καὶ λεγομένην Τροίαν· δῆλον δὲ ἐκ τῶν κατὰ μέροσ. οἱ γὰρ περὶ τὸν Ἀχιλλέα τειχήρεισ ὁρῶντεσ τοὺσ Ἰλιέασ κατ’ ἀρχάσ, ἔξω ποιεῖσθαι τὸν πόλεμον ἐπεχείρησαν καὶ περιιόντεσ ἀφαιρεῖσθαι τὰ κύκλῳ δώδεκα δὴ σὺν νηυσὶ πόλεισ ἀλάπαξ’ ἀνθρώπων, πεζὸσ δ’ ἕνδεκά φημι κατὰ Τροίην ἐρίβωλον. Τροίαν γὰρ λέγει τὴν πεπορθημένην ἤπειρον· πεπόρθηται δὲ σὺν ἄλλοισ τόποισ καὶ τὰ ἀντικείμενα τῇ Λέσβῳ τὰ περὶ Θήβην καὶ Λυρνησσὸν καὶ Πήδασον τὴν τῶν Λελέγων καὶ ἔτι ἡ τοῦ Εὐρυπύλου τοῦ Τηλέφου παιδόσ ἀλλ’ οἱο͂ν τὸν Τηλεφίδην κατενήρατο χαλκῷ ὁ Νεοπτόλεμοσ ἡρ́ω Εὐρύπυλον. ταῦτα δὴ πεπορθῆσθαι λέγει καὶ αὐτὴν τὴν Λέσβον ὅτε Λέσβον ἐυκτιμένην ἕλεν αὐτόσ. καὶ πέρσε δὲ Λυρνησσὸν καὶ Πήδασον καὶ Λυρνησσὸν διαπορθήσασ καὶ τείχεα Θήβησ. Ἐκ μὲν Λυρνησσοῦ ἡ Βρισηὶσ ἑάλω τὴν ἐκ Λυρνησσοῦ ἐξείλετο. ἧσ ἐν τῇ ἁλώσει τὸν Μύνητα καὶ τὸν Ἐπίστροφον πεσεῖν φησιν, ὡσ ἡ Βρισηὶσ θρηνοῦσα τὸν Πάτροκλον δηλοῖ οὐδὲ μὲν οὐδέ μ’ ἐάσκεσ, ὅτ’ ἄνδρ’ ἐμὸν ὠκὺσ Ἀχιλλεὺσ ἔκτεινεν, πέρσεν δὲ πόλιν θείοιο Μύνητοσ, κλαίειν. ἐμφαίνει γὰρ τὴν Λυρνησσὸν λέγων "πόλιν θείοιο Μύνητοσ," ὡσ ἂν δυναστευομένην ὑπ’ αὐτοῦ, καὶ ἐνταῦθα πεσεῖν αὐτὸν μαχόμενον. ἐκ δὲ τῆσ Θήβησ ἡ Χρυσηὶσ ἐλήφθη ᾠχόμεθ’ ἐσ Θήβην ἱερὴν πόλιν Ηἐτίωνοσ. ἐκ δὲ τῶν ἀχθέντων ἐκεῖθεν φησὶν εἶναι τὴν Χρυσηίδα. ἐνθένδε δ’ ἦν καὶ ἡ Ἀνδρομάχη. Ἀνδρομάχη θυγάτηρ μεγαλήτοροσ Ηἐτίωνοσ, Ηἐτίων, ὃσ ἔναιεν ὑπὸ Πλάκῳ ὑληέσσῃ, Θήβῃ ὑποπλακίῃ, Κιλίκεσσ’ ἄνδρεσσιν ἀνάσσων. δευτέρα οὖν αὕτη δυναστεία Τρωικὴ μετὰ τὴν ὑπὸ Μύνητι. οἰκείωσ δὲ τούτοισ καὶ τὸ ὑπὸ τῆσ Ἀνδρομάχησ λεχθὲν οὕτωσ Ἕκτορ, ἐγὼ δύστηνοσ· ἰῇ ἄρα γεινόμεθ’ αἴσῃ ἀμφότεροι, σὺ μὲν ἐν Τροίῃ Πριάμου ἐνὶ οἴκῳ, αὐτὰρ ἐγὼ Θήβῃσιν, οὐκ οἰόνται δεῖν ἐξ εὐθείασ ἀκούειν, "σὺ μὲν ἐν Τροίῃ, αὐτὰρ ἐγὼ Θήβῃσιν" ἢ Θήβηθεν, ἀλλὰ καθ’ ὑπερβατόν "ἀμφότεροι ἐν Τροίῃ, σὺ μὲν Πριάμου ἐνὶ οἴκῳ, αὐτὰρ ἐγὼ Θήβῃσι. " τρίτη δ’ ἐστὶν ἡ τῶν Λελέγων, καὶ αὕτη Τρωική, Ἄλτεω, ὃσ Λελέγεσσι φιλοπτολέμοισιν ἀνάσσει. οὗ τῇ θυγατρὶ συνελθὼν Πρίαμοσ γεννᾷ τὸν Λυκάονα καὶ Πολύδωρον. καὶ μὴν οἵ γε ὑπὸ τῷ Ἕκτορι ἐν τῷ καταλόγῳ ταττόμενοι λέγονται Τρῶεσ Τρωσὶ μὲν ἡγεμόνευε μέγασ κορυθαίολοσ Ἕκτωρ. εἶθ’ οἱ ὑπὸ τῷ Αἰνείᾳ Δαρδανίων αὖτ’ ἦρχεν ἐὺσ πάισ Ἀγχίσαο καὶ οὗτοι Τρῶεσ· φησὶ γοῦν Αἰνεία, Τρώων βουληφόρε. εἶθ’ οἱ ὑπὸ Πανδάρῳ Λύκιοι, οὓσ καὶ αὐτοὺσ καλεῖ Τρῶασ· οἳ δὲ Ζέλειαν ἔναιον ὑπαὶ πόδα νείατον Ἴδησ, Ἀφνειοί, πίνοντεσ ὕδωρ μέλαν Αἰσήποιο, Τρῶεσ· τῶν αὖτ’ ἦρχε Λυκάονοσ ἀγλαὸσ υἱόσ, Πάνδαροσ. ἕκτη δ’ αὕτη δυναστεία. καὶ μὴν οἵ γε μεταξὺ τοῦ Αἰσήπου καὶ Ἀβύδου Τρῶεσ· ὑπὸ μὲν γὰρ τῷ Ἀσίῳ ἐστὶ τὰ περὶ Ἄβυδον οἳ δ’ ἄρα Περκώτην καὶ Πράκτιον ἀμφενέμοντο, καὶ Σηστὸν καὶ Ἄβυδον ἔχον καὶ δῖαν Ἀρίσβην, τῶν αὖθ’ Ὑρτακίδησ ἦρχ’ Ἄσιοσ. ἀλλ’ ἐν Ἀβύδῳ μὲν υἱὸσ τοῦ Πριάμου διέτριβεν, ἵππουσ νέμων, πατρῴασ δηλονότι ἀλλ’ υἱὸν Πριάμοιο νόθον βάλε Δημοκόωντα, ὅσ οἱ Ἀβυδόθεν ἦλθε παρ’ ἵππων ὠκειάων. ἐν δὲ Περκώτῃ υἱὸσ Ἱκετάονοσ ἐβουνόμει οὐκ ἀλλοτρίασ οὐδ’ οὗτοσ βοῦσ πρῶτον δ’ Ἱκεταονίδην ἐνένιπεν, ἴφθιμον Μελάνιππον· ὁ δ’ ὄφρα μὲν εἰλίποδασ βοῦσ βόσκ’ ἐν Περκώτῃ. ὥστε καὶ αὕτη ἂν εἰή Τρῳὰσ καὶ ἡ ἐφεξῆσ ἑώσ Ἀδραστείασ· ἦρχον γὰρ αὐτῆσ υἱε͂ δύω Μέροποσ Περκωσίου. πάντεσ μὲν δὴ Τρῶεσ οἱ ἀπὸ Ἀβύδου μέχρι Ἀδραστείασ, δίχα μέντοι διῃρημένοι, οἱ μὲν ὑπὸ τῷ Ἀσίῳ οἱ δ’ ὑπὸ τοῖσ Μεροπίδαισ· καθάπερ καὶ ἡ τῶν Κιλίκων διττή, ἡ μὲν Θηβαϊκὴ ἡ δὲ Λυρνησσίσ· ἐν αὐτῇ δ’ ἂν λεχθείη ἡ ὑπὸ Εὐρυπύλῳ ἐφεξῆσ οὖσα τῇ Λυρνησσίδι. ὅτι δὲ τούτων ἁπάντων ἦρχεν ὁ Πρίαμοσ οἱ τοῦ Ἀχιλλέωσ λόγοι πρὸσ τὸν Πρίαμον σαφῶσ ἐμφανίζουσι καί σε, γέρον, τὸ πρὶν μὲν ἀκούομεν ὄλβιον εἶναι, ὅσσον Λέσβοσ ἄνω Μάκαροσ πόλισ ἐντὸσ ἐέργει, καὶ Φρυγίη καθύπερθε καὶ Ἑλλήσποντοσ ἀπείρων.

상위

Geography (지리학)

목록

일치하는 문장이 없습니다.

SEARCH

MENU NAVIGATION