Strabo, Geography, Book 9, chapter 5 33:

(스트라본, 지리학, Book 9, chapter 5 33:)

τὰ καθ’ ἕκαστα μὲν ταῦτα περὶ Θετταλίασ, καθ’ ὅλου δ’ ὅτι Πυρραία πρότερον ἐκαλεῖτο ἀπὸ Πύρρασ τῆσ Δευκαλίωνοσ γυναικόσ, Αἱμονία δὲ ἀπὸ Αἵμονοσ, Θετταλία δὲ ἀπὸ Θετταλοῦ τοῦ Αἵμονοσ. ἔνιοι δὲ διελόντεσ δίχα τὴν μὲν πρὸσ νότον λαχεῖν φασι Δευκαλίωνι καὶ καλέσαι Πανδώραν ἀπὸ τῆσ μητρόσ, τὴν δ’ ἑτέραν Αἵμονι, ἀφ’ οὗ Αἱμονίαν λεχθῆναι· μετωνομάσθαι δὲ τὴν μὲν Ἑλλάδα ἀπὸ Ἕλληνοσ τοῦ Δευκαλίωνοσ, τὴν δὲ Θετταλίαν ἀπὸ τοῦ υἱοῦ Αἵμονοσ· τινὲσ δὲ ἀπὸ Ἐφύρασ τῆσ Θεσπρωτίδοσ ἀπογόνουσ Ἀντίφου καὶ Φειδίππου, τῶν Θετταλοῦ τοῦ Ἡρακλέουσ, ἐπελθόντασ ἀπὸ Θετταλοῦ τοῦ ἑαυτῶν προγόνου τὴν χώραν ὀνομάσαι. εἴρηται δὲ καὶ Νεσσωνὶσ ὀνομασθῆναί ποτε ἀπὸ Νέσσωνοσ τοῦ Θετταλοῦ, καθάπερ καὶ ἡ λίμνη.

일치하는 문장이 없습니다.

SEARCH

MENU NAVIGATION