헬라어 문장 검색 - ΣτραβόΓεογραπ́08́08́001́

(스트라본, 지리학, Book 8, chapter 8 1:)

Ἀρκαδία δ’ ἐστὶν ἐν μέσῳ μὲν τῆσ Πελοποννήσου, πλείστην δὲ χώραν ὀρεινὴν ἀποτέμνεται. καὶ ἡ τῶν Αἰτωλῶν δὲ καὶ Ἀκαρνάνων ἐρημία πρὸσ ἱπποτροφίαν εὐφυὴσ γέγονεν οὐχ ἧττον τῆσ Θετταλίασ. μέγιστον δ’ ὄροσ ἐν αὐτῇ Κυλλήνη· τὴν γοῦν κάθετον οἱ μὲν εἴκοσι σταδίων φασὶν οἱ δ’ ὅσον πεντεκαίδεκα. δοκεῖ δὲ παλαιότατα ἔθνη τῶν Ἑλλήνων εἶναι τὰ Ἀρκαδικά, Ἀζᾶνέσ τε καὶ Παρράσιοι καὶ ἄλλοι τοιοῦτοι. διὰ δὲ τὴν τῆσ χώρασ παντελῆ κάκωσιν οὐκ ἂν προσήκοι μακρολογεῖν περὶ αὐτῶν· αἵ τε γὰρ πόλεισ ὑπὸ τῶν συνεχῶν πολέμων ἠφανίσθησαν ἔνδοξοι γενόμεναι πρότερον, τήν τε χώραν οἱ γεωργήσαντεσ ἐκλελοίπασιν ἐξ ἐκείνων ἔτι τῶν χρόνων ἐξ ὧν εἰσ τὴν προσαγορευθεῖσαν Μεγάλην πόλιν αἱ πλεῖσται συνῳκίσθησαν. νυνὶ δὲ καὶ αὐτὴ ἡ Μεγάλη πόλισ τὸ τοῦ κωμικοῦ πέπονθε καὶ ἐρημία μεγάλη ’στὶν ἡ Μεγάλη πόλισ. βοσκήμασι δ’ εἰσὶ νομαὶ δαψιλεῖσ, καὶ μάλιστα ἵπποισ καὶ ὄνοισ τοῖσ ἱπποβάταισ· ἔστι δὲ καὶ τὸ γένοσ τῶν ἵππων ἄριστον τὸ Ἀρκαδικόν, καθάπερ καὶ τὸ Ἀργολικὸν καὶ τὸ Ἐπιδαύριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 8, chapter 8 1:

(스트라본, 지리학, Book 8, chapter 8 1:)

상위

목록

SEARCH

MENU NAVIGATION