Strabo, Geography, Book 8, chapter 6 15:

(스트라본, 지리학, Book 8, chapter 6 15:)

εἷσ μὲν δὴ Ἴναχόσ ἐστιν ὁ διαρρέων τὴν Ἀργείαν· " τὴν μὲν οὖν χώραν συγχωροῦσιν εὐυδρεῖν, αὐτὴν δὲ τὴν πόλιν ἐν ἀνύδρῳ χωρίῳ κεῖσθαι, φρεάτων δ’ εὐπορεῖν, ἃ ταῖσ Δαναί̈σιν ἀνάπτουσιν, ὡσ ἐκείνων ἐξευρουσῶν, ἀφ’ οὗ καὶ τὸ ἔποσ εἰπεῖν τοῦτο Ἄργοσ ἄνυδρον ἐὸν Δανααὶ θέσαν Ἄργοσ ἔνυδρον, τῶν δὲ φρεάτων τέτταρα καὶ ἱερὰ ἀποδειχθῆναι καὶ τιμᾶσθαι διαφερόντωσ, ἐν εὐπορίᾳ ὑδάτων ἀπορίαν εἰσάγοντεσ. ἄλλοσ δὲ ποταμὸσ Ἐρασῖνοσ ἐν τῇ Ἀργείᾳ ἐστίν· οὗτοσ δὲ τὰσ ἀρχὰσ ἐκ Στυμφάλου τῆσ Ἀρκαδίασ λαμβάνει καὶ τῆσ ἐκεῖ λίμνησ τῆσ καλουμένησ Στυμφαλίδοσ, ἐν ᾗ τὰσ ὄρνεισ μυθολογοῦσι τὰσ ὑπὸ τοῦ Ἡρακλέουσ τοξεύμασι καὶ τυμπάνοισ ἐξελαθείσασ, ἃσ καὶ αὐτὰσ καλοῦσι Στυμφαλίδασ· δύντα δ’ ὑπὸ γῆσ φασὶ τὸν ποταμὸν τοῦτον ἐκπίπτειν εἰσ τὴν Ἀργείαν καὶ ποιεῖν ἐπίρρυτον τὸ πεδίον· ῥεῖ δὲ καὶ ἄλλοσ ὁμώνυμοσ ἐκ τῆσ Ἀρκαδίασ εἰσ τὸν κατὰ Βοῦραν αἰγιαλόν· ἄλλοσ δ’ ἐστὶν ὁ Ἐρετρικόσ, καὶ ὁ ἐν τῇ Ἀττικῇ κατὰ Βραυρῶνα. δείκνυται δὲ καὶ Ἀμυμώνη τισ κρήνη κατὰ Λέρνην. ἡ δὲ Λέρνη λίμνη τῆσ Ἀργείασ ἐστὶ καὶ τῆσ Μυκηναίασ, ἐν ᾗ τὴν Ὕδραν ἱστοροῦσι· διὰ δὲ τοὺσ γινομένουσ καθαρμοὺσ ἐν αὐτῇ παροιμία τισ ἐξέπεσε "Λέρνη κακῶν.

일치하는 문장이 없습니다.

SEARCH

MENU NAVIGATION