헬라어 문장 검색 - ΣτραβόΓεογραπ́08́05́016́

(스트라본, 지리학, Book 8, chapter 5 16:)

ὅτι δὲ Λακεδαίμων ὁμωνύμωσ λέγεται καὶ ἡ χώρα καὶ ἡ πόλισ, δηλοῖ καὶ Ὅμηροσ· λέγω δὲ χώραν σὺν τῇ Μεσσηνίᾳ. περὶ μὲν δὴ τῶν τόξων ὅταν λέγῃ καλά, τὰ οἱ ξεῖνοσ Λακεδαίμονι δῶκε τυχήσασ, Ἴφιτοσ Εὐρυτίδησ, εἶτ’ ἐπενέγκῃ τὼ δ’ ἐν Μεσσήνῃ ξυμβλήτην ἀλλήλοιιν οἴκῳ ἐν Ὀρτιλόχοιο, τὴν χώραν λέγει, ἧσ μέροσ ἦν καὶ ἡ Μεσσηνία· οὐ διήνεγκεν οὖν αὐτῷ καὶ οὕτωσ εἰπεῖν ξεῖνοσ Λακεδαίμονι δῶκε τυχήσασ, καὶ τὼ δ’ ἐν Μεσσήνῃ ξυμβλήτην. ὅτι γὰρ αἱ Φηραὶ εἰσὶν ὁ τοῦ Ὀρτιλόχου οἶκοσ δῆλον· ἐσ Φηρὰσ δ’ ἵκοντο Διοκλῆοσ ποτὶ δῶμα, υἱέοσ Ὀρτιλόχοιο, ὅ τε Τηλέμαχοσ καὶ ὁ Πεισίστρατοσ· αἱ δὲ Φηραὶ τῆσ Μεσσηνίασ εἰσίν. ὅταν δ’ ἐκ τῶν Φηρῶν ὁρμηθέντασ τοὺσ περὶ Τηλέμαχον πανημερίουσ φῇ σείειν ζυγόν, εἶτ’ εἴπῃ δύσετό τ’ ἠέλιοσ, . . . οἱ δ’ ἷξον κοίλην Λακεδαίμονα κητώεσσαν· πρὸσ δ’ ἄρα δώματ’ ἔλων Μενελάου, τὴν πόλιν δεῖ δέχεσθαι· εἰ δὲ μή, ἐκ Λακεδαίμονοσ εἰσ Λακεδαίμονα φανεῖται λέγων τὴν ἄφιξιν· ἄλλωσ τε οὐ πιθανὸν μὴ ἐν Σπάρτῃ τὴν οἴκησιν εἶναι τοῦ Μενελάου, οὐδὲ μὴ οὔσησ ἐκεῖ τὸν Τηλέμαχον λέγειν εἶμι γὰρ ἐσ Σπάρτην τε καὶ εἰσ Πύλον. δοκεῖ δὲ συμπίπτειν τούτῳ τὸ τοῖσ τῆσ χώρασ ἐπιθέτοισ αὐ . . . εἰ μὴ νὴ Δία ποιητικῇ τισ τοῦτο συγχωρήσει ἐξουσίᾳ. βέλτιον γὰρ τὴν Μεσσήνην μετὰ τῆσ Λακωνικῆσ καὶ Πύλου τῆσ ὑπὸ τῷ Νέστορι, μηδὲ δὴ καθ’ αὑτὴν τάττεσθαι ἐν τῷ καταλόγῳ μηδὲ κοινωνοῦσαν τῆσ στρατείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 8, chapter 5 16:

(스트라본, 지리학, Book 8, chapter 5 16:)

상위

목록

SEARCH

MENU NAVIGATION