헬라어 문장 검색 - ΣτραβόΓεογραπ́08́05́004́

(스트라본, 지리학, Book 8, chapter 5 4:)

μετὰ δὲ Ταίναρον πλέοντι ἐπὶ τὴν Ὄνου γνάθον καὶ Μαλέασ Ψαμαθοῦσ ἐστι πόλισ· εἶτ’ Ἀσίνη καὶ Γύθειον τὸ τῆσ Σπάρτησ ἐπίνειον ἐν διακοσίοισ καὶ τετταράκοντα σταδίοισ ἱδρυμένον· ἔχει δ’, ὥσ φασι, τὸ ναύσταθμον ὀρυκτόν· εἶθ’ ὁ Εὐρώτασ ἐκδίδωσι μεταξὺ Γυθείου καὶ Ἀκραίων. τέωσ μὲν οὖν ὁ πλοῦσ ἐστι παρ’ αἰγιαλὸν ὅσον διακοσίων καὶ τετταράκοντα σταδίων· εἶθ’ ἑλῶδεσ ὑπέρκειται χωρίον καὶ κώμη Ἕλοσ· πρότερον δ’ ἦν πόλισ, καθάπερ καὶ Ὅμηρόσ φησιν οἵ τ’ ἄρ’ Ἀμύκλασ εἶχον Ἕλοσ τ’ ἔφαλον πτολίεθρον κτίσμα δ’ Ἑλίου φασὶ τοῦ Περσέωσ. ἔστι δὲ καὶ πεδίον καλούμενον Λεύκη· εἶτα πόλισ ἐπὶ χερρονήσου ἱδρυμένη Κυπαρισσία λιμένα ἔχουσα· εἶτα ἡ Ὄνου γνάθοσ λιμένα ἔχουσα· εἶτα Βοία πόλισ, εἶτα Μαλέαι· στάδιοι δ’ εἰσ αὐτὰσ ἀπὸ τῆσ Ὄνου γνάθου πεντήκοντα καὶ ἑκατόν· ἔστι δὲ καὶ Ἀσωπὸσ πόλισ ἐν τῇ Λακωνικῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 8, chapter 5 4:

(스트라본, 지리학, Book 8, chapter 5 4:)

상위

목록

SEARCH

MENU NAVIGATION