헬라어 문장 검색 - ΣτραβόΓεογραπ́08́05́002́

(스트라본, 지리학, Book 8, chapter 5 2:)

ἔστι δ’ οὖν μετὰ τὸν Μεσσηνιακὸν κόλπον ὁ Λακωνικὸσ μεταξὺ Ταινάρου καὶ Μαλεῶν, ἐκκλίνων μικρὸν ἀπὸ μεσημβρίασ πρὸσ ἑώ· διέχουσι δὲ σταδίουσ ἑκατὸν τριάκοντα αἱ Θυρίδεσ τοῦ Ταινάρου ἐν τῷ Μεσσηνιακῷ οὖσαι κόλπῳ, ῥοώδησ κρημνόσ. τούτων δ’ ὑπέρκειται τὸ Ταύ̈γετον· ἔστι δ’ ὄροσ μικρὸν ὑπὲρ τῆσ θαλάττησ ὑψηλόν τε καὶ ὄρθιον, συνάπτον κατὰ τὰ προσάρκτια μέρη ταῖσ Ἀρκαδικαῖσ ὑπωρείαισ, ὥστε καταλείπεσθαι μεταξὺ αὐλῶνα, καθ’ ὃν ἡ Μεσσηνία συνεχήσ ἐστι τῇ Λακωνικῇ. ὑποπέπτωκε δὲ τῷ Ταϋγέτῳ ἡ Σπάρτη ἐν μεσογαίᾳ καὶ Ἀμύκλαι, οὗ τὸ τοῦ Ἀπόλλωνοσ ἱερόν, καὶ ἡ Φᾶρισ. ἔστι μὲν οὖν ἐν κοιλοτέρῳ χωρίῳ τὸ τῆσ πόλεωσ ἔδαφοσ καίπερ ἀπολαμβάνον ὄρη μεταξύ· ἀλλ’ οὐδέν γε μέροσ αὐτοῦ λιμνάζει, τὸ δὲ παλαιὸν ἐλίμναζε τὸ προάστειον, καὶ ἐκάλουν αὐτὸ Λίμνασ· καὶ τὸ τοῦ Διονύσου ἱερὸν ἐν Λίμναισ ἐφ’ ὑγροῦ βεβηκὸσ ἐτύγχανε, νῦν δ’ ἐπὶ ξηροῦ τὴν ἵδρυσιν ἔχει. ἐν δὲ τῷ κόλπῳ τῆσ παραλίασ τὸ μὲν Ταίναρον ἀκτή ἐστιν ἐκκειμένη τὸ ἱερὸν ἔχουσα τοῦ Ποσειδῶνοσ ἐν ἄλσει ἱδρυμένον· πλησίον δ’ ἐστὶν ἄντρον, δι’ οὗ τὸν Κέρβερον ἀναχθῆναι μυθεύουσιν ὑφ’ Ἡρακλέουσ ἐξ ᾅδου. ἐντεῦθεν δ’ εἰσ μὲν Φυκοῦντα ἄκραν τῆσ Κυρηναίασ πρὸσ νότον δίαρμά ἐστι σταδίων τρισχιλίων· εἰσ δὲ Πάχυνον πρὸσ δύσιν, τὸ τῆσ Σικελίασ ἀκρωτήριον, τετρακισχιλίων ἑξακοσίων, τινὲσ δὲ τετρακισχιλίων φασίν· εἰσ δὲ Μαλέασ πρὸσ ἑώ ἑξακοσίων ἑβδομήκοντα κατακολπίζοντι· εἰσ δὲ Ὄνου γνάθον, ταπεινὴν χερρόνησον ἐνδοτέρω τῶν Μαλεῶν, πεντακοσίων εἴκοσι πρόκειται δὲ κατὰ τούτου Κύθηρα ἐν τετταράκοντα σταδίοισ, νῆσοσ εὐλίμενοσ, πόλιν ἔχουσα ὁμώνυμον, ἣν ἔσχεν Εὐρυκλῆσ ἐν μέρει κτήσεωσ ἰδίασ ὁ καθ’ ἡμᾶσ τῶν Λακεδαιμονίων ἡγεμών· περίκειται δὲ νησίδια πλείω τὰ μὲν ἐγγὺσ τὰ δὲ καὶ μικρὸν ἀπωτέρω· εἰσ δὲ Κώρυκον ἄκραν τῆσ Κρήτησ ἐγγυτάτω πλοῦσ ἐστι σταδίων ἑπτακοσίων πεντήκοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 8, chapter 5 2:

(스트라본, 지리학, Book 8, chapter 5 2:)

상위

목록

SEARCH

MENU NAVIGATION