Strabo, Geography, Book 8, chapter 3 60:

(스트라본, 지리학, Book 8, chapter 3 60:)

λοιπὸν δ’ ἐστὶν εἰπεῖν περὶ τῆσ Ὀλυμπίασ καὶ τῆσ εἰσ τοὺσ Ἠλείουσ ἁπάντων μεταπτώσεωσ. ἔστι δ’ ἐν τῇ Πισάτιδι τὸ ἱερὸν σταδίουσ τῆσ Ἤλιδοσ ἐλάττουσ ἢ τριακοσίουσ διέχον· πρόκειται δ’ ἄλσοσ ἀγριελαίων ἐν ᾧ τὸ στάδιον· παραρρεῖ δ’ ὁ Ἀλφειὸσ ἐκ τῆσ Ἀρκαδίασ ῥέων εἰσ τὴν Τριφυλιακὴν θάλατταν μεταξὺ δύσεωσ καὶ μεσημβρίασ. τὴν δ’ ἐπιφάνειαν ἔσχεν ἐξ ἀρχῆσ μὲν διὰ τὸ μαντεῖον τοῦ Ὀλυμπίου Διόσ· ἐκείνου δ’ ἐκλειφθέντοσ οὐδὲν ἧττον συνέμεινεν ἡ δόξα τοῦ ἱεροῦ, καὶ τὴν αὔξησιν ὅσην ἴσμεν ἔλαβε διά τε τὴν πανήγυριν καὶ τὸν ἀγῶνα τὸν Ὀλυμπιακόν, στεφανίτην τε καὶ ἱερὸν νομισθέντα, μέγιστον τῶν πάντων. ἐκοσμήθη δ’ ἐκ τοῦ πλήθουσ τῶν ἀναθημάτων, ἅπερ ἐκ πάσησ ἀνετίθετο τῆσ Ἑλλάδοσ· ὧν ἦν καὶ ὁ χρυσοῦσ σφυρήλατοσ Ζεύσ, ἀνάθημα Κυψέλου τοῦ Κορινθίων τυράννου. μέγιστον δὲ τούτων ὑπῆρξε τὸ τοῦ Διὸσ ξόανον, ὃ ἐποίει Φειδίασ Χαρμίδου Ἀθηναῖοσ ἐλεφάντινον, τηλικοῦτον τὸ μέγεθοσ ὡσ καίπερ μεγίστου ὄντοσ τοῦ νεὼ δοκεῖν ἀστοχῆσαι τῆσ συμμετρίασ τὸν τεχνίτην, καθήμενον ποιήσαντα, ἁπτόμενον δὲ σχεδόν τι τῇ κορυφῇ τῆσ ὀροφῆσ ὥστ’ ἔμφασιν ποιεῖν, ἐὰν ὀρθὸσ γένηται διαναστάσ, ἀποστεγάσειν τὸν νεών. ἀνέγραψαν δέ τινεσ τὰ μέτρα τοῦ ξοάνου, καὶ Καλλίμαχοσ ἐν ἰάμβῳ τινὶ ἐξεῖπε. πολλὰ δὲ συνέπραξε τῷ Φειδίᾳ Πάναινοσ ὁ ζωγράφοσ, ἀδελφιδοῦσ ὢν αὐτοῦ καὶ συνεργολάβοσ, πρὸσ τὴν τοῦ ξοάνου διὰ τῶν χρωμάτων κόσμησιν καὶ μάλιστα τῆσ ἐσθῆτοσ. δείκνυνται δὲ καὶ γραφαὶ πολλαί τε καὶ θαυμασταὶ περὶ τὸ ἱερὸν ἐκείνου ἔργα. ἀπομνημονεύουσι δὲ τοῦ Φειδίου, διότι πρὸσ τὸν Πάναινον εἶπε πυνθανόμενον πρὸσ τί παράδειγμα μέλλοι ποιήσειν τὴν εἰκόνα τοῦ Διόσ, ὅτι πρὸσ τὴν Ὁμήρου δι’ ἐπῶν ἐκτεθεῖσαν τούτων ἦ καὶ κυανέῃσιν ἐπ’ ὀφρύσι νεῦσε Κρονίων· ἀμβρόσιαι δ’ ἄρα χαῖται ἐπερρώσαντο ἄνακτοσ κρατὸσ ἀπ’ ἀθανάτοιο, μέγαν δ’ ἐλέλιξεν Ὄλυμπον. ἄξιοι δὲ μάλιστα τὴν αἰτίαν ἔχειν τῆσ περὶ τὸ Ὀλυμπίασιν ἱερὸν μεγαλοπρεπείασ τε καὶ τιμῆσ Ἠλεῖοι. κατὰ μὲν γὰρ τὰ Τρωικὰ καὶ ἔτι πρὸ τούτων οὐκ ηὐτύχουν, ὑπό τε τῶν Πυλίων ταπεινωθέντεσ καὶ ὑφ’ Ἡρακλέουσ ὕστερον, ἡνίκα Αὐγέασ ὁ βασιλεύων αὐτῶν κατελύθη. σημεῖον δέ· εἰσ γὰρ τὴν Τροίαν ἐκεῖνοι μὲν τετταράκοντα ναῦσ ἔστειλαν, Πύλιοι δὲ καὶ Νέστωρ ἐνενήκοντα. ὕστερον δὲ μετὰ τὴν τῶν Ἡρακλειδῶν κάθοδον συνέβη τἀναντία. Αἰτωλοὶ γὰρ συγκατελθόντεσ τοῖσ Ἡρακλείδαισ μετὰ Ὀξύλου καὶ συνοικήσαντεσ Ἐπειοῖσ κατὰ συγγένειαν παλαιὰν ηὔξησαν τὴν κοίλην Ἦλιν καὶ τῆσ τε Πισάτιδοσ ἀφείλοντο πολλήν, καὶ Ὀλυμπία ὑπ’ ἐκείνοισ ἐγένετο· καὶ δὴ καὶ ὁ ἀγὼν εὑρ́ημά ἐστιν ἐκείνων ὁ Ὀλυμπιακόσ, καὶ τὰσ Ὀλυμπιάδασ τὰσ πρώτασ ἐκεῖνοι συνετέλουν. ἐᾶσαι γὰρ δεῖ τὰ παλαιὰ καὶ περὶ τῆσ κτίσεωσ τοῦ ἱεροῦ καὶ περὶ τῆσ θέσεωσ τοῦ ἀγῶνοσ, τῶν μὲν ἕνα τῶν Ἰδαίων δακτύλων Ἡρακλέα λεγόντων ἀρχηγέτην τούτων, τῶν δὲ τὸν Ἀλκμήνησ καὶ Διόσ, ὃν καὶ ἀγωνίσασθαι πρῶτον καὶ νικῆσαι· τὰ γὰρ τοιαῦτα πολλαχῶσ λέγεται καὶ οὐ πάνυ πιστεύεται. ἐγγυτέρω δὲ πίστεωσ, ὅτι μέχρι τῆσ ἕκτησ καὶ εἰκοστῆσ Ὀλυμπιάδοσ ἀπὸ τῆσ πρώτησ, ἐν ᾗ Κόροιβοσ ἐνίκα στάδιον Ἠλεῖοσ, τὴν προστασίαν εἶχον τοῦ τε ἱεροῦ καὶ τοῦ ἀγῶνοσ Ἠλεῖοι. κατὰ δὲ τὰ Τρωικὰ ἢ οὐκ ἦν ἀγὼν στεφανίτησ ἢ οὐκ ἔνδοξοσ, οὔθ’ οὗτοσ οὔτ’ ἄλλοσ οὐδεὶσ τῶν νῦν ἐνδόξων· οὐδὲ μέμνηται τούτων Ὅμηροσ οὐδενόσ, ἀλλ’ ἑτέρων τινῶν ἐπιταφίων. καίτοι δοκεῖ τισὶ τοῦ Ὀλυμπιακοῦ μεμνῆσθαι, ὅταν φῇ τὸν Αὐγέαν ἀποστερῆσαι τέσσαρασ ἀθλοφόρουσ ἵππουσ, ἐλθόντασ μετ’ ἀέθλα· φασὶ δὲ τοὺσ Πισάτασ μὴ μετασχεῖν τοῦ Τρωικοῦ πολέμου ἱεροὺσ νομισθέντασ τοῦ Διόσ. ἀλλ’ οὔθ’ ἡ Πισᾶτισ ὑπὸ Αὐγέᾳ τόθ’ ὑπῆρχεν, ἐν ᾗ ἐστι καὶ ἡ Ὀλυμπία, ἀλλ’ ἡ Ἠλεία μόνον, οὔτ’ ἐν Ἠλείᾳ συνετελέσθη ὁ Ὀλυμπιακὸσ ἀγὼν οὐδ’ ἅπαξ, ἀλλ’ ἀεὶ ἐν Ὀλυμπίᾳ. ὁ δὲ νῦν παρατεθεὶσ ἐν Ἤλιδι φαίνεται γενόμενοσ, ἐν ᾗ καὶ τὸ χρέοσ ὠφείλετο καὶ γὰρ τῷ χρεῖοσ μέγ’ ὀφείλετ’ ἐν Ἤλιδι δίῃ, τέσσαρεσ ἀθλοφόροι ἵπποι. καὶ οὗτοσ μὲν οὐ στεφανίτησ περὶ τρίποδοσ γὰρ ἔμελλον θεύσεσθαι, ἐκεῖνοσ δέ. μετὰ δὲ τὴν ἕκτην καὶ εἰκοστὴν Ὀλυμπιάδα οἱ Πισᾶται τὴν οἰκείαν ἀπολαβόντεσ αὐτοὶ συνετέλουν, τὸν ἀγῶνα ὁρῶντεσ εὐδοκιμοῦντα· χρόνοισ δ’ ὕστερον μεταπεσούσησ πάλιν τῆσ Πισάτιδοσ εἰσ τοὺσ Ἠλείουσ μετέπεσεν εἰσ αὐτοὺσ πάλιν καὶ ἡ ἀγωνοθεσία. συνέπραξαν δὲ καὶ οἱ Λακεδαιμόνιοι μετὰ τὴν ἐσχάτην κατάλυσιν τῶν Μεσσηνίων συμμαχήσασιν αὐτοῖσ τἀναντία τῶν Νέστοροσ ἀπογόνων καὶ τῶν Ἀρκάδων συμπολεμησάντων τοῖσ Μεσσηνίοισ· καὶ ἐπὶ τοσοῦτόν γε συνέπραξαν ὥστε τὴν χώραν ἅπασαν τὴν μέχρι Μεσσήνησ Ἠλείαν ῥηθῆναι καὶ διαμεῖναι μέχρι νῦν, Πισατῶν δὲ καὶ Τριφυλίων καὶ Καυκώνων μηδ’ ὄνομα λειφθῆναι. καὶ αὐτὸν δὲ τὸν Πύλον τὸν ἠμαθόεντα εἰσ τὸ Λέπρειον συνῴκισαν, χαριζόμενοι τοῖσ Λεπρεάταισ κρατήσασι πολέμῳ, καὶ ἄλλασ πολλὰσ τῶν κατοικιῶν κατέσπασαν, ὅσασ γ’ ἑώρων αὐτοπραγεῖν ἐθελούσασ, καὶ φόρουσ ἐπράξαντο.

일치하는 문장이 없습니다.

SEARCH

MENU NAVIGATION