헬라어 문장 검색 - ΣτραβόΓεογραπ́08́03́050́

(스트라본, 지리학, Book 8, chapter 3 50:)

ὁ δὲ Κυπαρισσήεισ ἔστι μὲν περὶ τὴν πρότερον Μακιστίαν, ἡνίκα καὶ πέραν τῆσ Νέδασ ἔτι ἦν Μακιστία, ἀλλ’ οὐκ οἰκεῖται, ὡσ οὐδὲ τὸ Μάκιστον· ἄλλη δ’ ἐστὶν ἡ Μεσσηνιακὴ Κυπαρισσία, ὁμώνυμοσ μὲν οὔ, ὁμοίωσ δὲ νῦν κἀκείνη λέγεται Κυπαρισσία ἑνικῶσ τε καὶ θηλυκῶσ, ὁ δὲ ποταμὸσ Κυπαρισσήεισ. καὶ Ἀμφιγένεια δὲ τῆσ Μακιστίασ ἐστὶ περὶ τὸν Ὑψόεντα, ὅπου τὸ τῆσ Λητοῦσ ἱερόν. τὸ δὲ Πτελεὸν κτίσμα μὲν γέγονε τῶν ἐκ Πτελεοῦ τοῦ Θετταλικοῦ ἐποικησάντων· λέγεται γὰρ κἀκεῖ Ἀγχίαλόν τ’ Ἀντρῶνα ἰδὲ Πτελεὸν λεχεποίην. ἔστι δὲ δρυμῶδεσ χωρίον ἀοίκητον, Πτελεάσιον καλούμενον. Ἕλοσ δ’ οἱ μὲν περὶ τὸν Ἀλφειὸν χώραν τινά φασιν, οἱ δὲ καὶ πόλιν, ὡσ τὴν Λακωνικήν Ἕλοσ τ’ ἔφαλον πτολίεθρον. οἱ δὲ περὶ τὸ Ἀλώριον ἕλοσ, οὗ τὸ τῆσ Ἑλείασ Ἀρτέμιδοσ ἱερὸν τῆσ ὑπὸ τοῖσ Ἀρκάσιν· ἐκεῖνοι γὰρ ἔσχον τὴν ἱερωσύνην. Δώριον δ’ οἱ μὲν ὄροσ, οἱ δὲ πεδίον, οἱ δὲ πολίδιον φασίν· οὐδὲν δὲ νῦν δείκνυται· ὅμωσ δ’ ἔνιοι τὴν νῦν Ὄλουριν ἢ Ὄλουραν ἐν τῷ καλουμένῳ αὐλῶνι τῆσ Μεσσηνίασ κειμένην Δώριον λέγουσιν. αὐτοῦ δέ που καὶ ἡ Οἰχαλία ἐστὶν ἡ τοῦ Εὐρύτου ἡ νῦν Ἀνδανία, πολίχνιον Ἀρκαδικὸν ὁμώνυμον τῷ Θετταλικῷ καὶ τῷ Εὐβοϊκῷ· ὅθεν φησὶν ὁ ποιητὴσ ἐσ τὸ Δώριον ἀφικόμενον Θάμυριν τὸν Θρᾷκα ὑπὸ Μουσῶν ἀφαιρεθῆναι τὴν μουσικήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Strabo, Geography, Book 8, chapter 3 50:

(스트라본, 지리학, Book 8, chapter 3 50:)

상위

목록

SEARCH

MENU NAVIGATION