Strabo, Geography, Book 8, chapter 3 46:

(스트라본, 지리학, Book 8, chapter 3 46:)

ἐφεξῆσ δ’ οὖν τῷ Κυπαρισσήεντι ἐπὶ τὴν Μεσσηνιακὴν Πύλον παραπλέοντι καὶ τὸ Κορυφάσιον ἥ τε Ἔρανα ἔστιν, ἥν τινεσ οὐκ εὖ Ἀρήνην νομίζουσιν κεκλῆσθαι πρότερον ὁμωνύμωσ τῇ Πυλιακῇ, καὶ ἡ ἄκρα Πλαταμώδησ, ἀφ’ ἧσ ἐπὶ τὸ Κορυφάσιον καὶ τὴν νῦν καλουμένην Πύλον ἑκατόν εἰσι στάδιοι. ἔστι δὲ καὶ νησίον καὶ πολίχνιον ἐν αὐτῷ ὁμώνυμον Πρωτή. οὐκ ἂν δ’ ἐξητάζομεν ἴσωσ ἐπὶ τοσοῦτον τὰ παλαιά, ἀλλ’ ἤρκει λέγειν ὡσ ἔχει νῦν ἕκαστα, εἰ μή τισ ἦν ἐκ παίδων ἡμῖν παραδεδομένη φήμη περὶ τούτων· ἄλλων δ’ ἄλλα εἰπόντων ἀνάγκη διαιτᾶν. πιστεύονται δ’ ὡσ ἐπὶ τὸ πολὺ οἱ ἐνδοξότατοί τε καὶ πρεσβύτατοι καὶ κατ’ ἐμπειρίαν πρῶτοι· Ὁμήρου δ’ εἰσ ταῦτα ὑπερβεβλημένου πάντασ, ἀνάγκη συνεπισκοπεῖν καὶ τὰ ὑπ’ ἐκείνου λεχθέντα καὶ συγκρούειν πρὸσ τὰ νῦν, καθάπερ καὶ μικρὸν ἔμπροσθεν ἔφαμεν.

일치하는 문장이 없습니다.

SEARCH

MENU NAVIGATION