Strabo, Geography, Book 8, chapter 3 28:

(스트라본, 지리학, Book 8, chapter 3 28:)

κατὰ ταῦτα δέ πωσ τὰ ἱερὰ ὑπέρκειται τῆσ θαλάττησ ἐν τριάκοντα ἢ μικρῷ πλείοσι σταδίοισ ὁ Τριφυλιακὸσ Πύλοσ ὁ καὶ Λεπρεατικόσ, ὃν καλεῖ ὁ ποιητὴσ ἠμαθόεντα καὶ παραδίδωσι τοῦ Νέστοροσ πατρίδα, ὡσ ἄν τισ ἐκ τῶν ἐπῶν τεκμαίροιτο· εἴτε τοῦ παραρρέοντοσ ποταμοῦ πρὸσ ἄρκτον Ἀμάθου καλουμένου πρότερον, ὃσ νῦν Μάμαοσ καὶ Ἀρκαδικὸσ καλεῖται, ὥστ’ ἐντεῦθεν ἠμαθόεντα κεκλῆσθαι· εἴτε τούτου μὲν Παμισοῦ καλουμένου ὁμωνύμωσ τοῖσ ἐν τῇ Μεσσηνίᾳ δυσί, τῆσ δὲ πόλεωσ ἄδηλον ἐχούσησ τὴν ἐτυμολογίαν τοῦ ἐπιθέτου· καὶ γὰρ τὸ ἀμαθώδη τὸν ποταμὸν ἢ τὴν χώραν εἶναι ψεῦδόσ φασι. πρὸσ ἑώ δ’ ἐστὶν ὄροσ τοῦ Πύλου πλησίον ἐπώνυμον Μίνθησ, ἣν μυθεύουσι παλλακὴν τοῦ Αἵδου γενομένην πατηθεῖσαν ὑπὸ τῆσ κόρησ εἰσ τὴν κηπαίαν μίνθην μεταβαλεῖν, ἥν τινεσ ἡδύοσμον καλοῦσι. καὶ δὴ καὶ τέμενόσ ἐστιν Αἵδου πρὸσ τῷ ὄρει τιμώμενον καὶ ὑπὸ Μακιστίων, καὶ Δήμητροσ ἄλσοσ ὑπερκείμενον τοῦ Πυλιακοῦ πεδίου. τὸ δὲ πεδίον εὔγεών ἐστι τοῦτο, τῇ θαλάττῃ δὲ συνάψαν παρατείνει παρ’ ἅπαν τὸ μεταξὺ τοῦ τε Σαμικοῦ καὶ ποταμοῦ Νέδασ διάστημα. θινώδησ δὲ καὶ στενόσ ἐστιν ὁ τῆσ θαλάττησ αἰγιαλόσ, ὥστ’ οὐκ ἂν ἀπογνοίη τισ ἐντεῦθεν ἠμαθόεντα ὠνομάσθαι τὸν Πύλον.

일치하는 문장이 없습니다.

SEARCH

MENU NAVIGATION