Strabo, Geography, Book 8, chapter 3 22:

(스트라본, 지리학, Book 8, chapter 3 22:)

λεγομένων δέ τινων ἐν τῇ Τριφυλίᾳ Καυκώνων πρὸσ τῇ Μεσσηνίᾳ, λεγομένησ δὲ καὶ τῆσ Δύμησ Καυκωνίδοσ ὑπό τινων, ὄντοσ δὲ καὶ ποταμοῦ ἐν τῇ Δυμαίᾳ μεταξὺ Δύμησ καὶ Τριταίασ ὃσ καλεῖται Καύκων, ζητοῦσι περὶ τῶν Καυκώνων μὴ διττοὶ λέγονται, οἱ μὲν περὶ τὴν Τριφυλίαν οἱ δὲ περὶ Δύμην καὶ Ἦλιν καὶ τὸν Καύκωνα· ἐμβάλλει δ’ οὗτοσ εἰσ ἕτερον, ὃσ Τευθέασ ἀρσενικῶσ καλεῖται, ὁμώνυμοσ πολίχνῃ τινὶ τῶν εἰσ τὴν Δύμην συνῳκισμένων, πλὴν ὅτι χωρὶσ τοῦ σίγμα Τευθέα λέγεται θηλυκῶσ αὕτη, ἐκτεινόντων τὴν ἐσχάτην συλλαβήν, ὅπου τὸ τῆσ Νεμυδίασ Ἀρτέμιδοσ ἱερόν. ὁ δὲ Τευθέασ εἰσ τὸν Ἀχελῶον ἐμβάλλει τὸν κατὰ Λύμην ῥέοντα, ὁμώνυμον τῷ κατὰ Ἀκαρνανίαν, καλούμενον καὶ Πεῖρον. τοῦ δ’ Ἡσιόδου εἰπόντοσ ᾤκεε δ’ Ὠλενίην πέτρην ποταμοῖο παρ’ ὄχθασ εὐρεῖοσ Πείροιο, μεταγράφουσί τινεσ Πιέροιο οὐκ εὖ. οὔτε γὰρ τὴν Δύμην ὁπόθεν Καυκωνίδα εἰρῆσθαι συμβέβηκε παραλιπεῖν ἄξιον, οὔτε τὸν ποταμὸν ὁπόθεν Καύκων εἴρηται, διὰ τὸ τοὺσ Καύκωνασ παρέχειν ζήτησιν, οἵ τινέσ ποτέ εἰσιν, ὅπου φησὶν ἡ Ἀθηνᾶ βαδίζειν κατὰ τὴν τοῦ χρέουσ κομιδήν. εἰ γὰρ δὴ δεχοίμεθα τοὺσ ἐν τῇ Τριφυλίᾳ λέγεσθαι τοὺσ περὶ Λέπρειον, οὐκ οἶδ’ ὅπωσ πιθανὸσ ἔσται ὁ λόγοσ· διὸ καὶ γράφουσί τινεσ ἔνθα χρεῖόσ μοι ὀφείλεται Ἤλιδι δίῃ, οὐκ ὀλίγον. σαφεστέραν δ’ ἕξει τὴν ἐπίσκεψιν τοῦτο, ἐπειδὰν τὴν ἑξῆσ χώραν περιοδεύσωμεν τήν τε Πισᾶτιν καὶ τὴν Τριφυλίαν μέχρι τῆσ τῶν Μεσσηνίων μεθορίασ.

일치하는 문장이 없습니다.

SEARCH

MENU NAVIGATION