Strabo, Geography, Book 8, chapter 3 20:

(스트라본, 지리학, Book 8, chapter 3 20:)

Ὑρμίνη μὲν οὖν πολίχνιον ἦν, νῦν δ’ οὐκ ἔστιν· ἀλλ’ ἀκρωτήριον πλησίον Κυλλήνησ ὀρεινόν ἐστι, καλούμενον Ὅρμινα ἢ Ὕρμινα· Μύρσινοσ δὲ τὸ νῦν Μυρτούντιον, ἐπὶ θάλατταν καθήκουσα κατὰ τὴν ἐκ Δύμησ εἰσ Ἦλιν ὁδὸν κατοικία, στάδια τῆσ Ἠλείων πόλεωσ διέχουσα ἑβδομήκοντα. πέτρην δ’ Ὠλενίην εἰκάζουσι τὴν νῦν Σκόλλιν· ἀνάγκη γὰρ εἰκότα λέγειν, καὶ τῶν τόπων καὶ τῶν ὀνομάτων μεταβεβλημένων, ἐκείνου τε μὴ σφόδρα ἐπὶ πολλῶν σαφηνίζοντοσ· ἔστι δ’ ὄροσ πετρῶδεσ κοινὸν Δυμαίων τε καὶ Τριταιέων καὶ Ἠλείων, ἐχόμενον ἑτέρου τινὸσ Ἀρκαδικοῦ ὄρουσ Λαμπείασ, ὃ τῆσ Ἤλιδοσ μὲν διέστηκεν ἑκατὸν καὶ τριάκοντα σταδίουσ, Τριταίασ δὲ ἑκατόν, καὶ Δύμησ τοὺσ ἴσουσ, Ἀχαϊκῶν πόλεων. τὸ δ’ Ἀλείσιον ἔστι τὸ νῦν Ἀλεσιαῖον, χώρα περὶ τὴν Ἀμφιδολίδα, ἐν ᾗ καὶ κατὰ μῆνα ἀγορὰν συνάγουσιν οἱ περίοικοι· κεῖται δὲ ἐπὶ τῆσ ὀρεινῆσ ὁδοῦ τῆσ ἐξ Ἤλιδοσ εἰσ Ὀλυμπίαν· πρότερον δ’ ἦν πόλισ τῆσ Πισάτιδοσ, ἄλλοτ’ ἄλλωσ τῶν ὁρ́ων ἐπαλλαττόντων διὰ τὰσ τῶν ἡγεμόνων μεταβολάσ· τὸ δ’ Ἀλείσιον καὶ Ἀλεισίου κολώνην ὁ ποιητὴσ καλεῖ ὅταν φῇ μέσφ’ ἐπὶ Βουπρασίου πολυπύρου βήσαμεν ἵππουσ πέτρησ τ’ Ὠλενίησ καὶ Ἀλεισίου ἔνθα κολώνη κέκληται. ὑπερβατῶσ γὰρ δεῖ δέξασθαι ἴσον τῷ "καὶ ἔνθ’ Ἀλεισίου κολώνη κέκληται. " ἔνιοι δὲ καὶ ποταμὸν δεικνύουσιν Ἀλείσιον.

일치하는 문장이 없습니다.

SEARCH

MENU NAVIGATION