Strabo, Geography, Book 8, chapter 3 16:

(스트라본, 지리학, Book 8, chapter 3 16:)

ὁ δὲ ποιητὴσ εἰσ τέτταρα μέρη διελὼν τήνδε τὴν χώραν, τέτταρασ δὲ καὶ τοὺσ ἡγεμόνασ εἰπών, οὐ σαφῶσ εἴρηκεν οἳ δ’ ἄρα Βουπράσιόν τε καὶ Ἤλιδα δῖαν ἔναιον, ὅσσον ἐφ’ Ὑρμίνη καὶ Μύρσινοσ ἐσχατόωσα πέτρη τ’ Ὠλενίη καὶ Ἀλείσιον ἐντὸσ ἐέργει, τῶν αὖ τέσσαρεσ ἀρχοὶ ἔσαν, δέκα δ’ ἀνδρὶ ἑκάστῳ νῆεσ ἕποντο θοαί· πολέεσ δ’ ἔμβαινον Ἐπειοί. τῷ μὲν γὰρ Ἐπειοὺσ ἀμφοτέρουσ προσαγορεύειν τούσ τε Βουπρασιεῖσ καὶ τοὺσ Ἠλείουσ, Ἠλείουσ δὲ μηκέτι καλεῖν τοὺσ Βουπρασιεῖσ, οὐ τὴν Ἠλείαν δόξειεν ἂν εἰσ τέτταρα μέρη διαιρεῖν, ἀλλὰ τὴν τῶν Ἐπειῶν, ἣν εἰσ δύο μέρη διεῖλε πρότερον· οὐδ’ ἂν μέροσ εἰή τῆσ Ἤλιδοσ τὸ Βουπράσιον, ἀλλὰ τῶν Ἐπειῶν μᾶλλον. ὅτι γὰρ Ἐπειοὺσ καλεῖ τοὺσ Βουπρασίουσ, δῆλον ὡσ ὁπότε κρείοντ’ Ἀμαρυγκέα θάπτον Ἐπειοὶ Βουπρασίῳ. πάλιν δὲ τῷ συγκαταριθμεῖσθαι Βουπράσιόν τε καὶ Ἤλιδα δῖαν λέγοντα, εἶτ’ εἰσ τέτταρασ διαιρεῖν μερίδασ, ὡσ ἂν κοινῷ δοκεῖ τῷ τε Βουπρασίῳ καὶ τῇ Ἤλιδι αὐτὰσ ὑποτάττειν. ἦν δ’, ὡσ ἐοίκε, κατοικία τῆσ Ἠλείασ τὸ Βουπράσιον ἀξιόλογοσ, ἣ νῦν οὐκέτ’ ἐστίν· ἡ δὲ χώρα καλεῖται μόνον οὕτωσ ἡ ἐπὶ τῆσ ὁδοῦ τῆσ ἐπὶ Δύμην ἐξ Ἤλιδοσ τῆσ νῦν πόλεωσ. ὑπολάβοι δ’ ἄν τισ καὶ ὑπεροχήν τινα ἔχειν τότε τὸ Βουπράσιον παρὰ τὴν Ἦλιν, ὥσπερ καὶ οἱ Ἐπειοὶ παρὰ τούτουσ· ὕστερον δ’ ἀντ’ Ἐπειῶν Ἠλεῖοι ἐκλήθησαν. καὶ τὸ Βουπράσιον μὲν δὴ μέροσ ἦν τῆσ Ἤλιδοσ. ποιητικῷ δέ τινι σχήματι συγκαταλέγειν τὸ μέροσ τῷ ὅλῳ φασὶ τὸν Ὅμηρον, ὡσ τό ἀν’ Ἑλλάδα καὶ μέσον Ἄργοσ καί ἀν’ Ἑλλάδα τε Φθίην τε ; καὶ Κουρῆτέσ τ’ ἐμάχοντο καὶ Αἰτωλοί, καὶ οἱ δ’ ἐκ Δουλιχίοιο Ἐχινάων θ’ ἱεράων. καὶ γὰρ τὸ Δουλίχιον τῶν Ἐχινάδων. χρῶνται δὲ καὶ οἱ νεώτεροι· Ἱππῶναξ μέν Κυπρίων βέκοσ φαγοῦσι καὶ Ἀμαθουσίων πυρόν· Κύπριοι γὰρ καὶ οἱ Ἀμαθούσιοι· καὶ Ἀλκμὰν δέ Κύπρον ἱμερτὰν λιποῖσα καὶ Πάφον περιρρύταν καὶ Αἰσχύλοσ Κύπρου Πάφου τ’ ἔχουσα πάντα κλῆρον. εἰ δ’ οὐκ εἴρηκεν Ἠλείουσ τοὺσ Βουπρασίουσ, οὐδ’ ἄλλα πολλὰ τῶν ὄντων, φήσομεν· ἀλλὰ τοῦτ’ οὐκ ἔστιν ἀπόδειξισ τοῦ μὴ εἶναι, ἀλλὰ τοῦ μὴ εἰπεῖν μόνον.

일치하는 문장이 없습니다.

SEARCH

MENU NAVIGATION