Strabo, Geography, Book 8, chapter 3 8:

(스트라본, 지리학, Book 8, chapter 3 8:)

ἔστι δέ τισ ἄκρα τῆσ Ἠλείασ πρόσβορροσ ἀπὸ ἑξήκοντα Δύμησ Ἀχαϊκῆσ πόλεωσ Ἄραξοσ. ταύτην μὲν οὖν ἀρχὴν τίθεμεν τῆσ τῶν Ἠλείων παραλίασ· μετὰ δὲ ταύτην ἐστὶν ἐπὶ τὴν ἑσπέραν προϊοῦσι τὸ τῶν Ἠλείων ἐπίνειον ἡ Κυλλήνη, ἀνάβασιν ἔχουσα ἐπὶ τὴν νῦν πόλιν ἑκατὸν καὶ εἴκοσι σταδίων. μέμνηται δὲ τῆσ Κυλλήνησ ταύτησ καὶ Ὅμηροσ λέγων Ὦτον Κυλλήνιον ἀρχὸν Ἐπειῶν. οὐ γὰρ ἀπὸ τοῦ Ἀρκαδικοῦ ὄρουσ ὄντα ἔμελλεν ἡγεμόνα τῶν Ἐπειῶν ἀποφῆναι· ἔστι δὲ κώμη μετρία, τὸν Ἀσκληπιὸν ἔχουσα τὸν Κολώτου, θαυμαστὸν ἰδεῖν ξόανον ἐλεφάντινον. μετὰ δὲ Κυλλήνην ἀκρωτήριόν ἐστιν ὁ Χελωνάτασ, δυσμικώτατον τῆσ Πελοποννήσου σημεῖον. πρόκειται δ’ αὐτοῦ νησίον καὶ βραχέα ἐν μεθορίοισ τῆσ τε κοίλησ Ἤλιδοσ καὶ τῆσ Πισατῶν, ὅθεν εἰσ Κεφαλληνίαν πλέοντι εἰσὶν οὐ πλείουσ στάδιοι ὀγδοήκοντα. αὐτοῦ δέ που καὶ ὁ Ἐλίσων ἢ Ἔλισα ῥεῖ ποταμὸσ ἐν τῇ λεχθείσῃ μεθορίᾳ.

일치하는 문장이 없습니다.

SEARCH

MENU NAVIGATION