헬라어 문장 검색 - ΣτραβόΓεογραπ́08́02́

(스트라본, 지리학, Book 8, chapter 2)

ἔστι τοίνυν ἡ Πελοπόννησοσ ἐοικυῖα φύλλῳ πλατάνου τὸ σχῆμα, ἴση σχεδόν τι κατὰ μῆκοσ καὶ κατὰ πλάτοσ ὅσον χιλίων καὶ τετρακοσίων σταδίων, τὸ μὲν ἀπὸ τῆσ ἑσπέρασ ἐπὶ τὴν ἑώ, τοῦτο δ’ ἐστὶ τὸ ἀπὸ τοῦ Χελωνάτα δι’ Ὀλυμπίασ καὶ τῆσ Μεγαλοπολίτιδοσ ἐπὶ Ἰσθμόν· τὸ δ’ ἀπὸ τοῦ νότου πρὸσ τὴν ἄρκτον, ὅ ἐστι τὸ ἀπὸ Μαλεῶν δι’ Ἀρκαδίασ εἰσ Αἴγιον· ἡ δὲ περίμετροσ μὴ κατακολπίζοντι τετρακισχιλίων σταδίων, ὡσ Πολύβιοσ· Ἀρτεμίδωροσ δὲ καὶ τετρακοσίουσ προστίθησι· κατακολπίζοντι δὲ πλείουσ τῶν ἑξακοσίων ἐπὶ τοῖσ πεντακισχιλίοισ. ὁ δ’ Ἰσθμὸσ κατὰ τὸν δίολκον, δι’ οὗ τὰ πορθμεῖα ὑπερνεωλκοῦσιν ἀπὸ τῆσ ἑτέρασ εἰσ τὴν ἑτέραν θάλατταν, εἴρηται ὅτι τετταράκοντα σταδίων ἐστίν. ἔχουσι δὲ τῆσ χερρονήσου ταύτησ τὸ μὲν ἑσπέριον μέροσ Ἠλεῖοι καὶ Μεσσήνιοι, κλυζόμενοι τῷ Σικελικῷ πελάγει·

προσλαμβάνουσι δὲ καὶ τῆσ ἑκατέρωθεν παραλίασ, ἡ μὲν Ἠλεία πρὸσ ἄρκτον ἐπιστρέφουσα καὶ τὴν ἀρχὴν τοῦ Κορινθιακοῦ κόλπου μέχρι ἄκρασ Ἀράξου, καθ’ ἣν ἀντίπορθμόσ ἐστιν ἥ τε Ἀκαρνανία καὶ αἱ προκείμεναι νῆσοι, Ζάκυνθοσ καὶ Κεφαλληνία καὶ Ἰθάκη καὶ αἱ Ἐχινάδεσ, ὧν ἐστι καὶ τὸ Δουλίχιον· τῆσ δὲ Μεσσηνίασ τὸ πλέον ἀνεῳγμένον πρὸσ νότον καὶ τὸ Λιβυκὸν πέλαγοσ μέχρι τῶν καλουμένων Θυρίδων πλησίον Ταινάρου. ἑξῆσ δὲ μετὰ μὲν τὴν Ἠλείαν ἐστὶ τὸ τῶν Ἀχαιῶν ἔθνοσ πρὸσ ἄρκτουσ βλέπον καὶ τῷ Κορινθιακῷ κόλπῳ παρατεῖνον, τελευτᾷ δ’ εἰσ τὴν Σικυωνίαν· ἐντεῦθεν δὲ Σικυὼν καὶ Κόρινθοσ ἐκδέχεται μέχρι τοῦ Ἰσθμοῦ· μετὰ δὲ τὴν Μεσσηνίαν ἡ Λακωνικὴ καὶ ἡ Ἀργεία, μέχρι τοῦ Ἰσθμοῦ καὶ αὕτη. κόλποι δ’ εἰσὶν ἐνταῦθα ὅ τε Μεσσηνιακὸσ καὶ ὁ Λακωνικὸσ καὶ τρίτοσ ὁ Ἀργολικόσ, τέταρτοσ δ’ ὁ Ἑρμιονικὸσ καὶ Σαρωνικόσ οἱ δὲ Σαλαμινιακὸν καλοῦσιν, ὧν τοὺσ μὲν ἡ Λιβυκὴ τοὺσ δ’ ἡ Κρητικὴ θάλαττα πληροῖ καὶ τὸ Μυρτῷον πέλαγοσ· τινὲσ δὲ καὶ τὸν Σαρωνικὸν πόρον ἢ πέλαγοσ ὀνομάζουσι. μέση δ’ ἐστὶν ἡ Ἀρκαδία πᾶσιν ἐπικειμένη καὶ γειτνιῶσα τοῖσ ἄλλοισ ἔθνεσιν. ὁ δὲ Κορινθιακὸσ κόλποσ ἄρχεται μὲν ἀπὸ τῶν ἐκβολῶν τοῦ Εὐήνου τινὲσ δέ φασιν τοῦ Ἀχελώου τοῦ ὁρίζοντοσ Ἀκαρνᾶνασ καὶ τοὺσ Αἰτωλοὺσ καὶ τοῦ Ἀράξου.

ἐνταῦθα γὰρ πρῶτον ἀξιόλογον συναγωγὴν λαμβάνουσι πρὸσ ἀλλήλασ αἱ ἑκατέρωθεν ἀκταί· προϊοῦσαι δὲ πλέον τελέωσ συμπίπτουσι κατὰ τὸ Ῥίον καὶ τὸ Ἀντίρριον, ὅσον δὴ πέντε σταδίων ἀπολείπουσαι πορθμόν. ἔστι δὲ τὸ μὲν Ῥίον τῶν Ἀχαιῶν ἁλιτενὴσ ἄκρα, δρεπανοειδῆ τινα ἐπιστροφὴν εἰσ τὸ ἐντὸσ ἔχουσα· καὶ δὴ καὶ καλεῖται Δρέπανον· κεῖται δὲ μεταξὺ Πατρῶν καὶ Αἰγίου Ποσειδῶνοσ ἱερὸν ἔχουσα· τὸ δ’ Ἀντίρριον ἐν μεθορίοισ τῆσ Αἰτωλίασ καὶ τῆσ Λοκρίδοσ ἵδρυται, καλοῦσι δὲ καὶ Μολύκριον Ῥίον. εἶτ’ ἐντεῦθεν διίσταται πάλιν ἡ παραλία μετρίωσ ἑκατέρωθεν, προελθοῦσα δ’ εἰσ τὸν Κρισαῖον κόλπον ἐνταῦθα τελευτᾷ, κλειομένη τοῖσ προσεσπερίοισ τῆσ Βοιωτίασ καὶ τῆσ Μεγαρικῆσ τέρμοσιν. ἔχει δὲ τὴν περίμετρον ὁ Κορινθιακὸσ κόλποσ ἀπὸ μὲν τοῦ Εὐήνου μέχρι Ἀράξου σταδίων δισχιλίων διακοσίων τριάκοντα· εἰ δ’ ἀπὸ τοῦ Ἀχελώου, πλεονάζοι ἂν ἑκατόν που σταδίοισ. ἀπὸ μέντοι Ἀχελώου ἐπὶ τὸν Εὐήνον Ἀκαρνᾶνέσ εἰσιν, εἶθ’ ἑξῆσ ἐπὶ τὸ Ἀντίρριον Αἰτωλοί, τὸ δὲ λοιπὸν μέχρι Ἰσθμοῦ Φωκέων ἐστὶ καὶ Βοιωτῶν καὶ τῆσ Μεγαρίδοσ, στάδιοι χίλιοι ἑκατὸν εἴκοσι δυεῖν δέοντεσ· ἡ δὲ ἀπὸ τοῦ Ἀντιρρίου μέχρι Ἰσθμοῦ θάλαττα . . . Ἀλκυονὶσ καλεῖται, μέροσ οὖσα τοῦ Κρισαίου κόλπου· ἀπὸ δὲ τοῦ Ἰσθμοῦ ἐπὶ τὸν Ἄραξον τριάκοντα ἐπὶ τοῖσ χιλίοισ. ὡσ μὲν δὴ τύπῳ εἰπεῖν τοιαύτη τισ καὶ τοσαύτη ἡ τῆσ Πελοποννήσου θέσισ καὶ τῆσ ἀντιπόρθμου γῆσ μέχρι τοῦ μυχοῦ, τοιοῦτοσ δὲ καὶ ὁ μεταξὺ ἀμφοῖν κόλποσ. εἶτα καθ’ ἕκαστα ἐροῦμεν, τὴν ἀρχὴν ἀπὸ τῆσ Ἠλείασ ποιησάμενοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 8, chapter 2

(스트라본, 지리학, Book 8, chapter 2)

상위

목록

SEARCH

MENU NAVIGATION