헬라어 문장 검색 - Σοπηοξ́Αντιγον́05́0́3́

(소포클레스, Antigone, episode 3:)

δηλοῖ τὸ γέννημ’ ὠμὸν ἐξ ὠμοῦ πατρὸσ τῆσ παιδόσ. εἴκειν δ’ οὐκ ἐπίσταται κακοῖσ. ἀλλ’ ἴσθι τοι τὰ σκλήρ’ ἄγαν φρονήματα πίπτειν μάλιστα, καὶ τὸν ἐγκρατέστατον σίδηρον ὀπτὸν ἐκ πυρὸσ περισκελῆ θραυσθέντα καὶ ῥαγέντα πλεῖστ’ ἂν εἰσίδοισ· σμικρῷ χαλινῷ δ’ οἶδα τοὺσ θυμουμένουσ ἵππουσ καταρτυθέντασ· οὐ γὰρ ἐκπέλει φρονεῖν μέγ’ ὅστισ δοῦλόσ ἐστι τῶν πέλασ. αὕτη δ’ ὑβρίζειν μὲν τότ’ ἐξηπίστατο, νόμουσ ὑπερβαίνουσα τοὺσ προκειμένουσ· ὕβρισ δ’, ἐπεὶ δέδρακεν, ἥδε δευτέρα, τούτοισ ἐπαυχεῖν καὶ δεδρακυῖαν γελᾶν. ἦ νῦν ἐγὼ μὲν οὐκ ἀνήρ, αὕτη δ’ ἀνήρ, εἰ ταῦτ’ ἀνατὶ τῇδε κείσεται κράτη. ἀλλ’ εἴτ’ ἀδελφῆσ εἴθ’ ὁμαιμονεστέρα τοῦ παντὸσ ἡμῖν Ζηνὸσ ἑρκείου κυρεῖ, αὐτή τε χἠ ξύναιμοσ οὐκ ἀλύξετον μόρου κακίστου· καὶ γὰρ οὖν κείνην ἴσον ἐπαιτιῶμαι τοῦδε βουλεῦσαι τάφου. καί νιν καλεῖτ’· ἔσω γὰρ εἶδον ἀρτίωσ λυσσῶσαν αὐτὴν οὐδ’ ἐπήβολον φρενῶν. φιλεῖ δ’ ὁ θυμὸσ πρόσθεν, ᾑρῆσθαι κλοπεὺσ τῶν μηδὲν ὀρθῶσ ἐν σκότῳ τεχνωμένων· μισῶ γε μέντοι χὤταν ἐν κακοῖσί τισ ἁλοὺσ ἔπειτα τοῦτο καλλύνειν θέλῃ. θέλεισ τι μεῖζον ἢ κατακτεῖναί μ’ ἑλών; ἐγὼ μὲν οὐδέν· τοῦτ’ ἔχων ἅπαντ’ ἔχω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Antigone, episode 3:

(소포클레스, Antigone, episode 3:)

상위

목록

SEARCH

MENU NAVIGATION