Sophocles, Antigone, episode 2:

(소포클레스, Antigone, episode 2:)

σὲ δή, σὲ τὴν νεύουσαν εἰσ πέδον κάρα, φὴσ ἢ καταρνεῖ μὴ δεδρακέναι τάδε· καὶ φημὶ δρᾶσαι κοὐκ ἀπαρνοῦμαι τὸ μή. σὺ μὲν κομίζοισ ἂν σεαυτὸν ᾖ θέλεισ ἔξω βαρείασ αἰτίασ ἐλεύθερον· σὺ δ’ εἰπέ μοι μὴ μῆκοσ, ἀλλὰ συντόμωσ, ᾔδησθα κηρυχθέντα μὴ πράσσειν τάδε; ᾔδη· τί δ’ οὐκ ἔμελλον; ἐμφανῆ γὰρ ἦν. καὶ δῆτ’ ἐτόλμασ τούσδ’ ὑπερβαίνειν νόμουσ; οὐ γάρ τί μοι Ζεὺσ ἦν ὁ κηρύξασ τάδε, οὐδ’ ἡ ξύνοικοσ τῶν κάτω θεῶν Δίκη τοιούσδ’ ἐν ἀνθρώποισιν ὡρ́ισεν νόμουσ. οὐδὲ σθένειν τοσοῦτον ᾠόμην τὰ σὰ κηρύγμαθ’, ὥστ’ ἄγραπτα κἀσφαλῆ θεῶν νόμιμα δύνασθαι θνητὸν ὄνθ’ ὑπερδραμεῖν. οὐ γάρ τι νῦν γε κἀχθέσ, ἀλλ’ ἀεί ποτε ζῇ ταῦτα, κοὐδεὶσ οἶδεν ἐξ ὅτου ’φάνη. τούτων ἐγὼ οὐκ ἔμελλον, ἀνδρὸσ οὐδενὸσ φρόνημα δείσασ’, ἐν θεοῖσι τὴν δίκην δώσειν· θανουμένη γὰρ ἐξῄδη, τί δ’ οὔ; κεἰ μὴ σὺ προὐκήρυξασ. εἰ δὲ τοῦ χρόνου πρόσθεν θανοῦμαι, κέρδοσ αὔτ’ ἐγὼ λέγω. ὅστισ γὰρ ἐν πολλοῖσιν ὡσ ἐγὼ κακοῖσ ζῇ, πῶσ ὅδ’ Οὐχὶ κατθανὼν κέρδοσ φέρει; οὕτωσ ἔμοιγε τοῦδε τοῦ μόρου τυχεῖν παρ’ οὐδὲν ἄλγοσ· ἀλλ’ ἄν, εἰ τὸν ἐξ ἐμῆσ μητρὸσ θανόντ’ ἄθαπτον ἠνσχόμην νέκυν, κείνοισ ἂν ἤλγουν· τοῖσδε δ’ οὐκ ἀλγύνομαι. σοὶ δ’ εἰ δοκῶ νῦν μῶρα δρῶσα τυγχάνειν, σχεδόν τι μώρῳ μωρίαν ὀφλισκάνω.

상위

Antigone

목록

일치하는 문장이 없습니다.

SEARCH

MENU NAVIGATION