헬라어 문장 검색 - Σοπηοξ́Αντιγον́05́0́1́

(소포클레스, Antigone, episode 1:)

τοιοῦτον ἦν τὸ πρᾶγμ’. ὅπωσ γὰρ ἥκομεν, πρὸσ σοῦ τὰ δείν’ ἐκεῖν’ ἐπηπειλημένοι, πᾶσαν κόνιν σήραντεσ, ἣ κατεῖχε τὸν νέκυν, μυδῶν τε σῶμα γυμνώσαντεσ εὖ, καθήμεθ’ ἄκρων ἐκ πάγων ὑπήνεμοι, ὀσμὴν ἀπ’ αὐτοῦ μὴ βάλοι πεφευγότεσ, ἐγερτὶ κινῶν ἄνδρ’ ἀνὴρ ἐπιρρόθοισ κακοῖσιν, εἴ τισ τοῦδ’ ἀκηδήσοι πόνου. χρόνον τάδ’ ἦν τοσοῦτον, ἔστ’ ἐν αἰθέρι μέσῳ κατέστη λαμπρὸσ ἡλίου κύκλοσ καὶ καῦμ’ ἔθαλπε· καὶ τότ’ ἐξαίφνησ χθονὸσ τυφὼσ ἀείρασ σκηπτόν οὐράνιον ἄχοσ, πίμπλησι πεδίον, πᾶσαν αἰκίζων φόβην ὕλησ πεδιάδοσ, ἐν δ’ ἐμεστώθη μέγασ αἰθήρ· μύσαντεσ δ’ εἴχομεν θείαν νόσον. καὶ τοῦδ’ ἀπαλλαγέντοσ ἐν χρόνῳ μακρῷ, ἡ παῖσ ὁρᾶται, κἀνακωκύει πικρᾶσ ὄρνιθοσ ὀξὺν φθόγγον, ἐσ ὅταν κενῆσ εὐνῆσ νεοσσῶν ὀρφανὸν βλέψῃ λέχοσ. οὕτω δὲ χαὔτη, ψιλὸν ὡσ ὁρᾷ νέκυν, γόοισιν ἐξῴμωξεν, ἐκ δ’ ἀρὰσ κακὰσ ἠρᾶτο τοῖσι τοὔργον ἐξειργασμένοισ. καὶ χερσὶν εὐθὺσ διψίαν φέρει κόνιν, ἔκ τ’ εὐκροτήτου χαλκέασ ἄρδην πρόχου χοαῖσι τρισπόνδοισι τὸν νέκυν στέφει. χἠμεῖσ ἰδόντεσ ἱέμεσθα, σὺν δέ νιν θηρώμεθ’ εὐθὺσ οὐδὲν ἐκπεπληγμένην, καὶ τάσ τε πρόσθεν τάσ τε νῦν ἠλέγχομεν πράξεισ· ἄπαρνοσ δ’ οὐδενὸσ καθίστατο, ἅμ’ ἡδέωσ ἔμοιγε κἀλγεινῶσ ἅμα. τὸ μὲν γὰρ αὐτὸν ἐκ κακῶν πεφευγέναι ἥδιστον, ἐσ κακὸν δὲ τοὺσ φίλουσ ἄγειν ἀλγεινόν· ἀλλὰ πάντα ταῦθ’ ἥσσω λαβεῖν ἐμοὶ πέφυκε τῆσ ἐμῆσ σωτηρίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Antigone, episode 1:

(소포클레스, Antigone, episode 1:)

상위

목록

SEARCH

MENU NAVIGATION