Sophocles, Ajax, choral, strophe 1

(소포클레스, Ajax, choral, strophe 1)

τίσ ἂν δῆτά μοι, τίσ ἂν φιλοπόνων ἁλιαδᾶν ἔχων ἀύ̈πνουσ ἄγρασ, ἢ τίσ Ὀλυμπιάδων θεᾶν ἢ ῥυτῶν Βοσπορίων ποταμῶν, τὸν ὠμόθυμον εἴ ποθι πλαζόμενον λεύσσων ἀπύοι; σχέτλια γὰρ ἐμέ γε τὸν μακρῶν ἀλάταν πόνων οὐρίῳ μὴ πελάσαι δρόμῳ, ἀλλ’ ἀμενηνὸν ἄνδρα μὴ λεύσσειν ὅπου. ἰώ μοί μοι. τίνοσ βοὴ πάραυλοσ ἐξέβη νάπουσ; ἰὼ τλήμων. τὴν δουρίληπτον δύσμορον νύμφην ὁρῶ Τέκμησσαν, οἴκτῳ, τῷδε συγκεκραμένην. ᾤχωκ’, ὄλωλα, διαπεπόρθημαι, φίλοι. τί δ’ ἔστιν; Αἰάσ ὅδ’ ἡμῖν ἀρτίωσ νεοσφαγὴσ κεῖται, κρυφαίῳ φασγάνῳ περιπτυχήσ. ὤμοι ἐμῶν νόστων· ὤμοι, κατέπεφνεσ, ἄναξ, τόνδε συνναύταν, τάλασ ὦ ταλαίφρων γύναι· ὡσ ὧδε τοῦδ’ ἔχοντοσ αἰάζειν πάρα. τίνοσ ποτ’ ἆρ’ ἔπραξε χειρὶ δύσμοροσ; αὐτὸσ πρὸσ αὑτοῦ, δῆλον· ἐν γάρ οἱ χθονὶ πηκτὸν τόδ’ ἔγχοσ περιπετὲσ κατηγορεῖ. ὤμοι ἐμᾶσ ἄτασ, οἰο͂σ ἄρ’ αἱμάχθησ, ἄφαρκτοσ φίλων· ἐγὼ δ’ ὁ πάντα κωφόσ, ὁ πάντ’ ἀί̈δρισ, κατημέλησα. πᾷ πᾷ κεῖται ὁ δυστράπελοσ, δυσώνυμοσ Αἰάσ;

상위

Ajax

목록

일치하는 문장이 없습니다.

SEARCH

MENU NAVIGATION