Pseudo-Plutarch, Placita Philosophorum, book 2, Ἀπὸ ποίου πρώτου στοιχείου ἠρ́ξατο κοσμοποιεῖν ὁ θεόσ. 1:

οἱ φυσικοὶ ἀπὸ γῆσ ἄρξασθαί φασι τὴν γένεσιν τοῦ κόσμου καθάπερ ἀπὸ κέντρου· ἀρχὴ δὲ σφαίρασ τὸ κέντρον. Πυθαγόρασ ἀπὸ πυρὸσ καὶ τοῦ πέμπτου στοιχείου. Ἐμπεδοκλῆσ τὸν μὲν αἰθέρα πρῶτον διακριθῆναι, δεύτερον δὲ τὸ πῦρ, ἐφ’ ᾧ τὴν γῆν, ἐξ ἧσ ἄγαν περισφιγγομένησ τῇ ῥύμῃ τῆσ περιφορᾶσ ἀναβλύσαι τὸ ὕδωρ ἐξ οὗ ἀναθυμιαθῆναι τὸν ἀέρα καὶ γενέσθαι τὸν μὲν οὐρανὸν ἐκ τοῦ αἰθέροσ τὸν δ’ ἥλιον ἐκ τοῦ πυρόσ, πιληθῆναι δ’ ἐκ τῶν ἄλλων τὰ περίγεια.