헬라어 문장 검색 - ΠολψβίΗιστορί36́009́

(폴리비오스, Histories, book 36, ii. res graeciae)

Ὅτι περὶ Καρχηδονίων, ὅτε κατεπολέμησαν αὐτοὺσ οἱ Ῥωμαῖοι, καὶ περὶ τῶν κατὰ τὸν Ψευδοφίλιππον κατὰ τὴν Ἑλλάδα πολλοὶ καὶ παντοῖοι διεφέροντο λόγοι, τὰσ μὲν ἀρχὰσ ὑπὲρ τῶν κατὰ Καρχηδονίουσ, μετὰ δὲ ταῦτα πάλιν ὑπὲρ τῶν κατὰ τὸν Ψευδοφίλιππον. τὰ μὲν οὖν περὶ Καρχηδονίουσ ἀμφιδοξουμένασ εἶχε τὰσ ἀποφάσεισ καὶ τὰσ διαλήψεισ·

ἔνιοι μὲν γὰρ συγκατῄνουν τοῖσ Ῥωμαίοισ, φάσκοντεσ αὐτοὺσ φρονίμωσ καὶ πραγματικῶσ βουλεύσασθαι περὶ τῆσ δυναστείασ·

τὸ γὰρ τὸν ἐπικρεμάμενον φόβον καὶ τὴν πολλάκισ μὲν ἠμφισβητηκυῖαν πρὸσ αὐτοὺσ πόλιν ὑπὲρ τῆσ ἡγεμονίασ, ἔτι δὲ καὶ νῦν δυναμένην ἀμφισβητῆσαι σὺν καιρῷ, ταύτην ἐπανελομένουσ βεβαιῶσαι τῇ σφετέρᾳ πατρίδι τὴν ἀρχὴν νοῦν ἐχόντων εἶναι καὶ μακρὰν βλεπόντων ἀνθρώπων.

Ἔνιοι δὲ τούτοισ ἀντέλεγον, φάσκοντεσ οὐ ταύτην ἔχοντασ αὐτοὺσ τὴν προαίρεσιν κατεκτῆσθαι τὴν ἡγεμονίαν καὶ κατὰ μικρὸν εἰσ τὴν Ἀθηναίων καὶ Λακεδαιμονίων ἐκτρέπεσθαι φιλαρχίαν καὶ βραδύτερον μὲν ἐκείνων ὁρμᾶν, ἥξειν δ’ ἐπὶ ταὐτὸ τέλοσ ἐκ τῶν προφαινομένων.

πρότερον μὲν γὰρ πᾶσι πεπολεμηκέναι μέχρι τοῦ κρατῆσαι καὶ συγχωρῆσαι τοὺσ ἀντιταξαμένουσ ὅτι δεῖ πείθεσθαι σφίσι καὶ ποιεῖν τὸ παραγγελλόμενον·

νῦν δὲ προοίμιον μὲν ἐκτεθεῖσθαι τῆσ ἰδίασ προαιρέσεωσ τὰ κατὰ Περσέα, βαστάσαντασ ἐκ ῥιζῶν τὴν Μακεδόνων βασιλείαν, τετελειωκέναι δὲ κατὰ τὸ παρὸν διὰ τῆσ περὶ Καρχηδονίων διαλήψεωσ·

μηδενὸσ γὰρ ἀνηκέστου γεγονότοσ ἐξ ἐκείνων, ἀνηκέστωσ καὶ βαρέωσ βεβουλεῦσθαι περὶ αὐτῶν, πᾶν ἀναδεχομένων καὶ πᾶν ὑπομενόντων ποιήσειν τὸ προσταττόμενον.

Ἕτεροι δὲ καθόλου μὲν πολιτικὸν εἶναι τὸ Ῥωμαϊκὸν ἔθνοσ ἔφασαν καὶ τοῦτ’ ἴδιον εἶναι καὶ ἐπὶ τούτῳ σεμνύνεσθαι τοὺσ Ῥωμαίουσ, ἐπὶ τῷ καὶ τοὺσ πολέμουσ ἁπλῶσ καὶ γενναίωσ πολεμεῖν, μὴ νυκτεριναῖσ ἐπιθέσεσι χρωμένουσ μηδ’ ἐνέδραισ, πᾶν δὲ τὸ δι’ ἀπάτησ καὶ δόλου γινόμενον ἀποδοκιμάζοντασ, μόνουσ δὲ τοὺσ ἐκ προδήλου καὶ κατὰ πρόσωπον κινδύνουσ ὑπολαμβάνοντασ αὑτοῖσ καθήκειν.

νῦν δὲ πάντα περὶ τοὺσ Καρχηδονίουσ δι’ ἀπάτησ καὶ δόλου κεχειρικέναι, κατὰ βραχὺ τὸ μὲν προτείνοντασ, τὸ δ’ ἐπικρυπτομένουσ, ἑώσ οὗ παρείλαντο πάσασ τὰσ ἐλπίδασ τοῦ βοηθεῖν αὐτοῖσ τοὺσ συμμάχουσ.

τοῦτο δὲ μοναρχικῆσ πραγματοποιίασ οἰκεῖον εἶναι μᾶλλον ἢ πολιτικῆσ καὶ Ῥωμαϊκῆσ αἱρέσεωσ καὶ προσεοικὸσ ἀσεβήματι καὶ παρασπονδήματι κατὰ τὸν ὀρθὸν λόγον.

ἦσαν δέ τινεσ οἱ καὶ τούτοισ ἀντιλέγοντεσ. εἰ μὲν γὰρ πρὶν ἢ δοῦναι τοὺσ Καρχηδονίουσ τὴν ἐπιτροπὴν αὑτῶν οὕτωσ ἐχείριζον τὰ πράγματα, κατὰ βραχὺ τὰ μὲν προτείνοντεσ, τὰ δὲ παραγυμνοῦντεσ, εἰκότωσ ἂν αὐτοὺσ ἐνόχουσ φαίνεσθαι τοῖσ ἐγκαλουμένοισ εἰ δὲ δόντων αὐτῶν τῶν Καρχηδονίων τὴν ἐπιτροπὴν ὥστε βουλεύεσθαι Ῥωμαίουσ ὅ, τι ποτὲ φαίνοιτο περὶ αὐτῶν, οὕτω κατὰ τὴν ἐξουσίαν, ὥσ ποτε δοκοῖ σφίσι, τὸ κριθὲν ἐπέταττον καὶ παρήγγελλον, οὐκέτι τὸ γινόμενον ἀσεβήματι παραπλήσιον εἶναι καὶ μὴν οὐδὲ παρασπονδήματι μικροῦ δεῖν·

ἔνιοι δ’ ἔφασαν οὐκ ἀδικήματι τὸ παράπαν·

τριῶν γὰρ οὐσῶν διαφορῶν, εἰσ ἃσ τὸ πᾶν ἔγκλημα φύσει καταντᾶν, εἰσ οὐδεμίαν ἐμπίπτειν τούτων τὸ γινόμενον ὑπὸ Ῥωμαίων·

ἀσέβημα μὲν γὰρ εἶναι τὸ περὶ τοὺσ θεοὺσ καὶ τοὺσ γονεῖσ καὶ τοὺσ τεθνεῶτασ ἁμαρτάνειν, παρασπόνδημα δὲ τὸ παρὰ τὰσ ἐνόρκουσ καὶ τὰσ ἐγγράπτουσ ὁμολογίασ πραττόμενον, ἀδίκημα δὲ τὸ παρὰ τοὺσ νόμουσ καὶ τοὺσ ἐθισμοὺσ ἐπιτελούμενον·

ὧν οὐδὲν κατὰ τὸ παρὸν ἐνόχουσ εἶναι Ῥωμαίουσ·

οὐ γὰρ εἰσ τοὺσ θεοὺσ οὐδ’ εἰσ τοὺσ γονεῖσ οὐδ’ εἰσ τοὺσ τεθνεῶτασ ἐξαμαρτάνειν, οὐδὲ μὴν ὁρ́κουσ οὐδὲ συνθήκασ παραβαίνειν, τὸ δ’ ἐναντίον αὐτοὺσ ἐγκαλεῖν τοῖσ Καρχηδονίοισ ὅτι παραβεβήκασι. καὶ μὴν οὐδὲ νόμουσ οὐδ’ ἐθισμοὺσ οὐδὲ τὴν κατ’ ἰδίαν πίστιν ἀθετεῖν·

λαβόντασ γὰρ τὴν ἐπιτροπὴν παρ’ ἑκόντων ὃ βούλοιντο πράττειν, οὐ πειθαρχούντων τοῖσ παραγγελλομένοισ, οὕτωσ αὐτοῖσ προσάγειν τὴν ἀνάγκην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 36, ii. res graeciae

(폴리비오스, Histories, book 36, ii. res graeciae)

상위

목록

SEARCH

MENU NAVIGATION