헬라어 문장 검색 - ΠολψβίΗιστορί32́006́

(폴리비오스, Histories, book 32, chapter 6)

Ἐπειδὴ δὲ πάντασ καὶ πάσασ ἐξηργυρίσαντο κατὰ τὸ δυνατόν, εἰσῆγον εἰσ τὸν δῆμον οὐδὲν ἧττον ἅπαντασ τοὺσ προγεγραμμένουσ. οἱ δὲ πολλοὶ τῶν ἐν τῇ Φοινίκῃ τὰ μὲν διὰ τὸν φόβον, τὰ δὲ καὶ δελεαζόμενοι διὰ τῶν περὶ τὸν Χάροπα κατέκριναν οὐ φυγῆσ ἀλλὰ θανάτου πάντασ τοὺσ προσαγγελθέντασ ὡσ ἀλλότρια φρονοῦντασ Ῥωμαίων.

οὗτοι μὲν οὖν πάντεσ ἔφυγον, ὁ δὲ Χάροψ ὡρ́μησεν εἰσ τὴν Ῥώμην, ἔχων χρήματα καὶ τοὺσ περὶ τὸν Μύρτωνα μεθ’ αὑτοῦ, βουλόμενοσ ἐπισφραγίσασθαι διὰ τῆσ συγκλήτου τὴν αὑτοῦ παρανομίαν.

ἐν ᾧ καιρῷ κάλλιστον μὲν ἐγένετο δεῖγμα τῆσ Ῥωμαίων αἱρέσεωσ, κάλλιστον δὲ θέαμα πᾶσι τοῖσ Ἕλλησι τοῖσ παρεπιδήμοισ, μάλιστα δὲ τοῖσ ἀνακεκλημένοισ·

ὅ τε γὰρ Μάρκοσ, ἀρχιερεὺσ ὢν καὶ πρῶτοσ τῆσ συγκλήτου γραφόμενοσ, ὅ τε Λεύκιοσ ὁ τὸν Περσέα νικήσασ, μεγίστην ἔχων πίστιν καὶ δύναμιν, πυνθανόμενοι τὰ πεπραγμένα τῷ Χάροπι κατὰ τὴν Ἤπειρον ἐκώλυσαν εἰσ τὰσ οἰκίασ αὑτῶν εἰσιέναι τὸν Χάροπα.

οὗ γενομένου περιβοήτου πάντεσ ἐγενήθησαν οἱ παρεπιδημοῦντεσ περιχαρεῖσ, ἀποδεχόμενοι τὸ μισοπόνηρον τῶν Ῥωμαίων.

ἀλλὰ τοῖσ ἀποστελλομένοισ πρεσβευταῖσ ἔφη δώσειν ἐντολὰσ ἐπισκέψασθαι περὶ τῶν γεγονότων.

ὁ δὲ Χάροψ ἀναχωρήσασ ταύτην μὲν τὴν ἀπόκρισιν ἀπεσιώπησε, γράψασ δὲ πρὸσ τὴν ἰδίαν ὑπόθεσιν ἁρμόζουσαν ἀπήγγειλεν ὡσ συνευδοκούντων Ῥωμαίων τοῖσ ὑπ’ αὐτοῦ πραττομένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 32, chapter 6

(폴리비오스, Histories, book 32, chapter 6)

상위

목록

SEARCH

MENU NAVIGATION