헬라어 문장 검색 - ΠολψβίΗιστορί32́010́

(폴리비오스, Histories, book 32, chapter 10)

Ὅτι ὁ βασιλεὺσ Ἀριαράθησ παρεγένετο εἰσ τὴν Ῥώμην ἔτι θερείασ οὔσησ· παρειληφότων ὑπάτων τὰσ ἀρχὰσ τῶν περὶ τὸν Σέξτον Ιοὔλιον καὶ Λεύκιον Αὐρήλιον, ἐγίνετο περὶ τὰσ κατ’ ἰδίαν ἐντεύξεισ, οἰκείαν ποιούμενοσ περικοπὴν καὶ φαντασίαν τῆσ ὑποκειμένησ περιστάσεωσ.

παρῆσαν δὲ καὶ παρὰ Δημητρίου πρέσβεισ οἱ περὶ τὸν Μιλτιάδην πρὸσ ἑκατέραν τὴν ὑπόθεσιν ἡρμοσμένοι·

καὶ γὰρ πρὸσ Ἀριαράθην ἀπολογεῖσθαι καὶ κατηγορεῖν αὐτοῦ παρεσκευάζοντο φιλαπεχθῶσ. ἀπεστάλκει δὲ καὶ Ὀροφέρνησ πρεσβευτὰσ τοὺσ περὶ Τιμόθεον καὶ Διογένην, στέφανόν τε κομίζοντασ τῇ Ῥώμῃ καὶ τὴν φιλίαν καὶ τὴν συμμαχίαν ἀνανεωσομένουσ, τὸ δὲ πλεῖον συγκαταστησομένουσ πρὸσ τὸν Ἀριαράθην καὶ τὰ μὲν ἀπολογησομένουσ, τὰ δὲ κατηγορήσοντασ.

ἐν μὲν οὖν ταῖσ κατ’ ἰδίαν ἐντεύξεσιν μείζω φαντασίαν εἷλκον οἱ περὶ τὸν Διογένην καὶ Μιλτιάδην, ἅτε καὶ κατὰ τὸ πλῆθοσ πρὸσ ἕνα συγκρινόμενοι καὶ κατὰ τὴν ἄλλην περικοπὴν εὐτυχοῦντεσ πρὸσ ἐπταικότα θεωρούμενοι·

παραπλησίωσ δὲ καὶ περὶ τὴν τῶν πραγμάτων ἐξήγησιν πολὺ περιῆσαν·

πᾶν μὲν γὰρ καὶ πρὸσ παντοῖα λέγειν ἐθάρρουν, οὐδένα λόγον ποιούμενοι τῆσ ἀληθείασ, τὸ δὲ λεγόμενον ἀνυπεύθυνον ἦν, οὐκ ἔχον τὸν ἀπολογησόμενον.

λοιπὸν ἀκονιτὶ τοῦ ψεύδουσ ἐπικρατοῦντοσ, ἐδόκει σφίσι τὰ πράγματα κατὰ γνώμην χωρεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 32, chapter 10

(폴리비오스, Histories, book 32, chapter 10)

상위

목록

SEARCH

MENU NAVIGATION