헬라어 문장 검색 - ΠολψβίΗιστορί31́022́

(폴리비오스, Histories, book 31, d. olymp. 154, 4. i. res italiae)

Ὅτι τὸ μέγιστον καὶ κάλλιστον σημεῖον τῆσ Λευκίου Αἰμιλίου προαιρέσεωσ μεταλλάξαντοσ τὸν βίον ἐγένετο πᾶσιν ἔκδηλον· οἱο͂σ γὰρ ὁ τρόποσ ζῶντοσ [αὐτοῦ] ἐδοξάζετο, τοιοῦτοσ εὑρέθη τὸν βίον μεταλλάξαντοσ, ὃ μέγιστον εἴποι τισ ἂν ὑπάρχειν τεκμήριον ἀρετῆσ.

ὁ γὰρ πλεῖστον μὲν τῶν καθ’ αὑτὸν ἐξ Ἰβηρίασ χρυσὸν εἰσ τὴν Ῥώμην μετενηνοχώσ, μεγίστων δὲ θησαυρῶν κύριοσ γενόμενοσ ἐν Μακεδονίᾳ, πλείστησ δὲ περὶ τὰ προειρημένα τετευχὼσ ἐξουσίασ τοσοῦτον ἀπέλειπε τὸν ἴδιον βίον ὥστε μὴ δύνασθαι τὴν φερνὴν τῇ γυναικὶ διαλῦσαι πᾶσαν ἐκ τῶν ἐπίπλων, εἰ μὴ τῶν ἐγγείων τινὰσ προσαπέδοντο κτήσεων.

ὑπὲρ ὧν ἡμεῖσ τὰ κατὰ μέροσ ἐν τοῖσ πρὸ τούτων εἰρήκαμεν.

ἐξ ὧν εἴποι τισ ἂν καταλελύσθαι τὴν δόξαν τῶν θαυμαζομένων παρὰ τοῖσ Ἕλλησι περὶ τοῦτο τὸ μέροσ ἀνδρῶν·

τὸ κύριον γενόμενον αὐτὸν ἁπάσησ τῆσ βασιλείασ καὶ λαβόντα τὴν ἐξουσίαν ὡσ βούλεται χρήσασθαι, μηδενὸσ ἐπιθυμῆσαι πόσῳ θαυμαστότερόν ἐστιν;

εἰ δ’ ἀπίστῳ τὸ λεγόμενον ἐοικέναι δόξει τισίν, ἐκεῖνο δεῖ λαμβάνειν ἐν νῷ, διότι σαφῶσ ὁ γράφων ᾔδει μάλιστα Ῥωμαίουσ ἀναληψομένουσ εἰσ τὰσ χεῖρασ τὰ βυβλία ταῦτα διὰ τὸ τὰσ ἐπιφανεστάτασ καὶ τὰσ πλείστασ αὐτῶν πράξεισ ἐν τούτοισ περιέχεσθαι·

διόπερ οὐδεὶσ ἂν ἑκὼν εἰσ πρόδηλον ἀπιστίαν καὶ καταφρόνησιν ἔδωκεν αὑτόν.

καὶ τοῦτο μνημονευέσθω παρ’ ὅλην τὴν πραγματείαν ἡμῖν, ὅταν τι παράδοξον δοκῶμεν λέγειν περὶ Ῥωμαίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 31, d. olymp. 154, 4. i. res italiae

(폴리비오스, Histories, book 31, d. olymp. 154, 4. i. res italiae)

상위

목록

SEARCH

MENU NAVIGATION