헬라어 문장 검색 - ΠολψβίΗιστορί24́008́

(폴리비오스, Histories, book 24, chapter 8)

οἱ μὲν περὶ τὸν Λυκόρταν παρεκάλουν μένειν ἐπὶ τῶν ὑποκειμένων, διότι Ῥωμαῖοι ποιοῦσι μὲν τὸ καθῆκον αὐτοῖσ, συνυπακούοντεσ τοῖσ ἀκληρεῖν δοκοῦσιν εἰσ τὰ μέτρια τῶν ἀξιουμένων· ὅταν μέντοι γε διδάξῃ τισ αὐτοὺσ ὅτι τῶν παρακαλουμένων τὰ μέν ἐστιν ἀδύνατα, τὰ δὲ μεγάλην αἰσχύνην ἐπιφέροντα καὶ βλάβην τοῖσ φίλοισ, οὔτε φιλονικεῖν εἰώθασιν οὔτε παραβιάζεσθαι περὶ τῶν τοιούτων.

διὸ καὶ νῦν, ἐάν τισ αὐτοὺσ διδάξῃ διότι συμβήσεται τοῖσ Ἀχαιοῖσ, ἂν πειθαρχήσωσι τοῖσ γραφομένοισ, παραβῆναι τοὺσ ὁρ́κουσ, τοὺσ νόμουσ, τὰσ στήλασ, ἃ συνέχει τὴν κοινὴν συμπολιτείαν ἡμῶν, ἀναχωρήσουσιν καὶ συγκαταθήσονται διότι καλῶσ ἐπέχομεν καὶ παραιτούμεθα περὶ τῶν γραφομένων.

ταῦτα μὲν οὖν οἱ περὶ τὸν Λυκόρταν ἔλεγον·

οἱ δὲ περὶ τὸν Ὑπέρβατον καὶ Καλλικράτην πειθαρχεῖν τοῖσ γραφομένοισ παρῄνουν καὶ μήτε νόμον μήτε στήλην μήτ’ ἄλλο μηθὲν τούτου νομίζειν ἀναγκαιότερον.

τοιαύτησ δ’ οὔσησ τῆσ ἀντιλογίασ ἔδοξε τοῖσ Ἀχαιοῖσ πρεσβευτὰσ ἐξαποστεῖλαι πρὸσ τὴν σύγκλητον τοὺσ διδάξοντασ ἃ Λυκόρτασ λέγει.

καὶ παραυτίκα κατέστησαν πρεσβευτὰσ Καλλικράτην Λεοντήσιον, Λυδιάδαν Μεγαλοπολίτην, Ἄρατον Σικυώνιον·

καὶ δόντεσ ἐντολὰσ ἀκολούθουσ τοῖσ προειρημένοισ ἐξαπέστειλαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 24, chapter 8

(폴리비오스, Histories, book 24, chapter 8)

상위

목록

SEARCH

MENU NAVIGATION