헬라어 문장 검색 - ΠολψβίΗιστορί22́018́

(폴리비오스, Histories, book 22, e. olymp. 148, 4. i. res macedoniae et graeciae)

Ὅτι φησὶν ὁ Πολύβιοσ ἐν τῷ εἰκοστῷ δευτέρῳ· περὶ δὲ τὴν τῶν ἐν Μακεδονίᾳ βασιλέων οἰκίαν ἤδη τισ ἀπὸ τούτων τῶν καιρῶν ἐφύετο κακῶν ἀνηκέστων ἀρχή. καίτοι γ’ οὐκ ἀγνοῶ διότι τινὲσ τῶν συγγραφόντων περὶ τοῦ συστάντοσ Ῥωμαίοισ πολέμου πρὸσ Περσέα, βουλόμενοι τὰσ αἰτίασ ἡμῖν ἐπιδεικνύναι τῆσ διαφορᾶσ, πρῶτον μὲν ἀποφαίνουσι τὴν Ἀβρουπόλιοσ ἔκπτωσιν ἐκ τῆσ ἰδίασ δυναστείασ, ὡσ καταδραμόντοσ αὐτοῦ τὰ περὶ τὸ Πάγγαιον μέταλλα μετὰ τὸν τοῦ Φιλίππου θάνατον·

Περσεὺσ δὲ παραβοηθήσασ καὶ τρεψάμενοσ ὁλοσχερῶσ ἐξέβαλε τὸν προειρημένον ἐκ τῆσ ἰδίασ ἀρχῆσ·

ἔτι δὲ τὴν κατ’ Εὐμένουσ τοῦ βασιλέωσ ἐπιβουλὴν γενομένην ἐν Δελφοῖσ καὶ τὴν τῶν ἐκ Βοιωτίασ πρεσβευτῶν ἐπαναίρεσιν, ἐξ ὧν ἔνιοί φασι φῦναι Περσεῖ τὸν πρὸσ Ῥωμαίουσ πόλεμον.

ἐγὼ δέ φημι κυριώτατον μὲν εἶναι καὶ τοῖσ συγγράφουσι καὶ τοῖσ φιλομαθοῦσι τὸ γινώσκειν τὰσ αἰτίασ, ἐξ ὧν ἕκαστα γεννᾶται καὶ φύεται τῶν πραγμάτων·

συγκέχυται δὲ ταῦτα παρὰ τοῖσ πλείστοισ τῶν συγγραφέων διὰ τὸ μὴ κρατεῖσθαι τίνι διαφέρει πρόφασισ αἰτίασ καὶ πάλιν προφάσεωσ ἀρχὴ πολέμου. καὶ νῦν δὲ τῶν πραγμάτων αὐτῶν προσυπομιμνησκόντων ἠνάγκασμαι πάλιν ἀνανεώσασθαι τὸν αὐτὸν λόγον.

τῶν γὰρ ἄρτι ῥηθέντων πραγμάτων τὰ μὲν πρῶτα προφάσεισ εἰσί, τὰ δὲ τελευταῖα τὰ περὶ τὴν κατὰ τοῦ βασιλέωσ Εὐμένουσ ἐπιβουλὴν καὶ τὰ περὶ τὴν τῶν πρεσβευτῶν ἀναίρεσιν καὶ τούτοισ ἕτερα παραπλήσια τῶν κατὰ τοὺσ αὐτοὺσ καιροὺσ γεγονότων ἀρχαὶ πρόδηλοι τοῦ συστάντοσ Ῥωμαίοισ καὶ Περσεῖ πολέμου καὶ τοῦ καταλυθῆναι τὴν Μακεδόνων ἀρχήν·

αἰτία δὲ τούτων ἁπλῶσ ἐστιν οὐδεμία.

δῆλον δὲ τοῦτ’ ἔσται διὰ τῶν ἑξῆσ ῥηθησομένων. καθάπερ γὰρ εἴπομεν Φίλιππον τὸν Ἀμύντου διανοηθῆναι καὶ προθέσθαι συντελεῖν τὸν πρὸσ τοὺσ Πέρσασ πόλεμον, Ἀλέξανδρον δὲ τοῖσ ὑπ’ ἐκείνου κεκριμένοισ ἐπιγενέσθαι χειριστὴν τῶν πράξεων, οὕτω καὶ νῦν Φίλιππον μὲν τὸν Δημητρίου φαμὲν διανοηθῆναι πρότερον πολεμεῖν Ῥωμαίοισ τὸν τελευταῖον πόλεμον καὶ τὰσ παρασκευὰσ ἑτοίμασ πάσασ πρὸσ ταύτην ἔχειν τὴν ἐπιβολήν, ἐκείνου δ’ ἐκχωρήσαντοσ Περσέα γενέσθαι χειριστὴν τῶν πράξεων·

εἰ δὲ τοῦτ’ ἀληθέσ, κἀκεῖνο σαφέσ·

οὐ γὰρ οἱο͂́ν τε τὰσ αἰτίασ ὕστερον γενέσθαι τῆσ τελευτῆσ τοῦ κρίναντοσ καὶ προθεμένου πολεμεῖν· ὃ συμβαίνει τοῖσ ὑπὸ τῶν ἄλλων συγγραφέων εἰρημένοισ· πάντα γάρ ἐστι τὰ λεγόμενα παρ’ αὐτοῖσ ὕστερα τῆσ Φιλίππου τελευτῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 22, e. olymp. 148, 4. i. res macedoniae et graeciae

(폴리비오스, Histories, book 22, e. olymp. 148, 4. i. res macedoniae et graeciae)

상위

목록

SEARCH

MENU NAVIGATION