헬라어 문장 검색 - ΠολψβίΗιστορί22́004́

(폴리비오스, Histories, book 22, chapter 4)

Ὅτι κατὰ τὴν Βοιωτίαν μετὰ τὸ συντελεσθῆναι τὰσ πρὸσ Ἀντίοχον Ῥωμαίοισ συνθήκασ ἀποκοπεισῶν τῶν ἐλπίδων πᾶσι τοῖσ καινοτομεῖν ἐπιβαλλομένοισ, ἄλλην ἀρχὴν καὶ διάθεσιν ἐλάμβανον αἱ πολιτεῖαι. διὸ καὶ τῆσ δικαιοδοσίασ ἑλκομένησ παρ’ αὐτοῖσ σχεδὸν ἐξ εἴκοσι καὶ πέντ’ ἐτῶν, τότε λόγοι διεδίδοντο κατὰ τὰσ πόλεισ, φασκόντων τινῶν διότι δεῖ γίνεσθαι διέξοδον καὶ συντέλειαν τῶν πρὸσ ἀλλήλουσ.

πολλῆσ δὲ περὶ τούτων ἀμφισβητήσεωσ ὑπαρχούσησ διὰ τὸ πλείουσ εἶναι τοὺσ καχέκτασ τῶν εὐπόρων, ἐγίνετό τι συνέργημα τοῖσ τὰ βέλτισθ’ αἱρουμένοισ ἐκ ταὐτομάτου τοιοῦτον.

ὁ γὰρ Τίτοσ ἐν τῇ Ῥώμῃ πάλαι μὲν ἐσπούδαζε περὶ τοῦ καταπορευθῆναι τὸν Ζεύξιππον εἰσ τὴν Βοιωτίαν, ἅτε κεχρημένοσ αὐτῷ συνεργῷ πρὸσ πολλὰ κατὰ τοὺσ Ἀντιοχικοὺσ καὶ Φιλιππικοὺσ καιρούσ.

κατὰ δὲ τοὺσ τότε χρόνουσ ἐξείργαστο γράψαι τὴν σύγκλητον τοῖσ Βοιωτοῖσ διότι δεῖ κατάγειν Ζεύξιππον καὶ τοὺσ ἅμ’ αὐτῷ φυγόντασ εἰσ τὴν οἰκείαν.

καὶ τούτῳ τῷ τρόπῳ τῶν δικῶν μίαν μὲν αὐτῶν κατεδίκασαν ἱεροσυλίασ, διότι λεπίσαιεν τὴν τοῦ Διὸσ τράπεζαν ἀργυρᾶν οὖσαν, μίαν δὲ θανάτου διὰ τὸν Βραχύλλου φόνον.

ταῦτα δὲ διοικήσαντεσ οὐκέτι προσεῖχον τοῖσ γραφομένοισ, ἀλλ’ ἔπεμπον πρεσβευτὰσ εἰσ τὴν Ῥώμην τοὺσ περὶ Καλλίκριτον, φάσκοντεσ οὐ δύνασθαι τὰ κατὰ τοὺσ νόμουσ ᾠκονομημένα παρ’ αὑτοῖσ ἄκυρα ποιεῖν.

ἐν δὲ τοῖσ καιροῖσ τούτοισ πρεσβεύσαντοσ αὐτοῦ τοῦ Ζευξίππου πρὸσ τὴν σύγκλητον, οἱ Ῥωμαῖοι τὴν τῶν Βοιωτῶν προαίρεσιν ἔγραψαν πρόσ τε τοὺσ Αἰτωλοὺσ καὶ πρὸσ Ἀχαιούσ, κελεύοντεσ κατάγειν Ζεύξιππον εἰσ τὴν οἰκείαν.

οἱ δ’ Ἀχαιοὶ τοῦ μὲν διὰ στρατοπέδων ποιεῖσθαι τὴν ἔφοδον ἀπέσχον, πρεσβευτὰσ δὲ προεχειρίσαντο πέμπειν τοὺσ παρακαλέσοντασ τοὺσ Βοιωτοὺσ τοῖσ λεγομένοισ ὑπὸ τῶν Ῥωμαίων πειθαρχεῖν καὶ τὴν δικαιοδοσίαν, καθάπερ καὶ τὴν ἐν αὐτοῖσ, οὕτω καὶ τὴν πρὸσ αὐτοὺσ ἐπὶ τέλοσ ἀγαγεῖν.

συνέβαινε γὰρ καὶ τὰ πρὸσ τούτουσ συναλλάγματα παρέλκεσθαι πολὺν ἤδη χρόνον.

ὧν διακούσαντεσ οἱ Βοιωτοί, στρατηγοῦντοσ Ἱππίου παρ’ αὐτοῖσ, παραχρῆμα μὲν ὑπέσχοντο ποιήσειν τὰ παρακαλούμενα, μετ’ ὀλίγον δὲ πάντων ὠλιγώρησαν. Ἱππίου μὲν ἀποτεθειμένου τὴν ἀρχήν, Ἀλκέτου δὲ παρειληφότοσ, ἀπέδωκε τοῖσ αἰτουμένοισ τὰ ῥύσια κατὰ τῶν Βοιωτῶν.

ἐξ ὧν ἐγίνετο καταρχὴ διαφορᾶσ τοῖσ ἔθνεσιν οὐκ εὐκαταφρόνητοσ.

παραυτίκα γὰρ ἔλαχε τῶν Μυρρίχου θρεμμάτων καὶ τοῦ Σίμωνοσ· καὶ περὶ ταῦτα γενομένησ συμπλοκῆσ, οὐκέτι πολιτικῆσ διαφορᾶσ, ἀλλὰ πολεμικῆσ ἔχθρασ ἐγένετο καταρχὴ καὶ προοίμιον.

εἰ μὲν οὖν ἡ σύγκλητοσ προσέθηκε τἀκόλουθον περὶ τῆσ καθόδου τῶν περὶ τὸν Ζεύξιππον, ταχέωσ ἂν ἐξεκαύθη πόλεμοσ·

οἵ τε Μεγαρεῖσ ἐπέσχον τὰ ῥύσια, διαπρεσβευσαμένων τοῖσ συναλλάγμασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 22, chapter 4

(폴리비오스, Histories, book 22, chapter 4)

상위

목록

SEARCH

MENU NAVIGATION