헬라어 문장 검색 - ΠολψβίΗιστορί22́014́

(폴리비오스, Histories, book 22, chapter 14)

του προβάντεσ ἔλυσαν· κατὰ δὲ τὴν ἐπιοῦσαν ἡμέραν οἱ περὶ τὸν Ἄππιον πέμπειν ἐπέταττον τῷ Φιλίππῳ τὸν Ὀνόμαστον καὶ τὸν Κάσσανδρον ἐξ αὐτῆσ εἰσ τὴν Ῥώμην [ἵνα πύθηται περὶ τῶν γεγονότων]. ὁ δὲ βασιλεύσ, διατραπεὶσ ὡσ ἔνι μάλιστα καὶ ἀπορήσασ ἐπὶ πολὺν χρόνον, τὸν μὲν Κάσσανδρον ἔφη πέμψειν, τὸν αὐθέντην γεγονότα τῆσ πράξεωσ, ὡσ ἐκεῖνοί φασιν, ἵνα πύθηται παρὰ τούτου τὰσ ἀληθείασ ἡ σύγκλητοσ.

τῇ δ’ ἀληθείᾳ δεδιὼσ μὴ παραγενηθεὶσ εἰσ τὴν Ῥώμην, καὶ πολλῶν ἔργων αὐτῷ κεκοινωνηκὼσ τοιούτων, οὐ μόνον τὰ κατὰ τοὺσ Μαρωνείτασ, ἀλλὰ καὶ τἄλλα πάντα διασαφήσῃ τοῖσ Ῥωμαίοισ.

καὶ τέλοσ τὸν μὲν Ὀνόμαστον ἐξείλετο, τὸν δὲ Κάσσανδρον μετὰ τὸ τοὺσ πρεσβευτὰσ ἀπελθεῖν ἀποστείλασ καὶ παραπέμψασ ἑώσ Ἠπείρου φαρμάκῳ διέφθειρεν.

οἱ δὲ περὶ τὸν Ἄππιον, κατεγνωκότεσ τοῦ Φιλίππου καὶ περὶ τῆσ εἰσ τοὺσ Μαρωνείτασ παρανομίασ καὶ περὶ τῆσ πρὸσ Ῥωμαίουσ ἀλλοτριότητοσ, τοιαύτασ ἔχοντεσ διαλήψεισ ἐχωρίσθησαν.

Ὁ δὲ βασιλεὺσ γενόμενοσ καθ’ ἑαυτὸν καὶ συμμεταδοὺσ τῶν φίλων Ἀπελλῇ καὶ Φιλοκλεῖ περὶ τῶν ἐνεστώτων, ἔγνω σαφῶσ ἐπὶ πολὺ προβεβηκυῖαν αὑτοῦ τὴν πρὸσ Ῥωμαίουσ διαφοράν, καὶ ταύτην οὐκέτι λανθάνουσαν, ἀλλὰ καταφανῆ τοῖσ πλείστοισ οὖσαν.

καθόλου μὲν οὖν πρόθυμοσ ἦν εἰσ τὸ κατὰ πάντα τρόπον ἀμύνασθαι καὶ μετελθεῖν αὐτούσ·

πρὸσ ἔνια δὲ τῶν ἐπινοουμένων ἀπόχειροσ ὢν ἐπεβάλετο πῶσ ἂν ἔτι γένοιτό τισ ἀναστροφὴ καὶ λάβοι χρόνον πρὸσ τὰσ εἰσ τὸν πόλεμον παρασκευάσ. ἔδοξεν οὖν αὐτῷ τὸν νεώτατον υἱὸν Δημήτριον πέμπειν εἰσ τὴν Ῥώμην, τὰ μὲν ἀπολογησόμενον ὑπὲρ τῶν ἐγκαλουμένων, τὰ δὲ καὶ παραιτησόμενον, εἰ καί τισ ἄγνοιά ποτ’ ἐγεγόνει περὶ αὐτόν.

πάνυ γὰρ ἐπέπειστο διὰ τούτου πᾶν τὸ προτεθὲν ἀνύεσθαι παρὰ τῆσ συγκλήτου διὰ τὴν ὑπεροχὴν τὴν γεγενημένην τοῦ νεανίσκου κατὰ τὴν ὁμηρείαν.

ἅμα δὲ τοῖσ Βυζαντίοισ ὑπέσχετο βοηθήσειν, οὐχ οὕτωσ ἐκείνων στοχαζόμενοσ ὡσ ἐπὶ τῇ ’κείνων προφάσει βουλόμενοσ καταπλήξασθαι τοὺσ τῶν Θρᾳκῶν δυνάστασ τῶν ὑπὲρ τὴν Προποντίδα κατοικούντων χάριν τῆσ προκειμένησ ἐπιβολῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 22, chapter 14

(폴리비오스, Histories, book 22, chapter 14)

상위

목록

SEARCH

MENU NAVIGATION