헬라어 문장 검색 - ΠολψβίΗιστορί22́010́

(폴리비오스, Histories, book 22, chapter 10)

Μετὰ δὲ ταῦτα, τῆσ πανηγύρεωσ ἀκμαζούσησ, ἦλθε Κόιντοσ Καικίλιοσ ἐκ Μακεδονίασ, ἀνακάμπτων ἀπὸ τῆσ πρεσβείασ ἧσ ἐπρέσβευσε πρὸσ Φίλιππον. καὶ συναγαγόντοσ Ἀρισταίνου τοῦ στρατηγοῦ τὰσ ἀρχὰσ εἰσ τὴν τῶν Ἀργείων πόλιν, εἰσελθὼν ὁ Κόιντοσ ἐμέμφετο, φάσκων αὐτοὺσ βαρύτερον καὶ πικρότερον τοῦ δέοντοσ κεχρῆσθαι τοῖσ Λακεδαιμονίοισ, καὶ παρεκάλει διὰ πλειόνων διορθώσασθαι τὴν προγεγενημένην ἄγνοιαν.

ὁ μὲν οὖν Ἀρίσταινοσ εἶχε τὴν ἡσυχίαν, δῆλοσ ὢν ἐξ αὐτοῦ τοῦ σιωπᾶν ὅτι δυσαρεστεῖται τοῖσ ᾠκονομημένοισ καὶ συνευδοκεῖ τοῖσ ὑπὸ Καικιλίου λεγομένοισ·

ὁ δὲ Διοφάνησ ὁ Μεγαλοπολίτησ, ἄνθρωποσ στρατιωτικώτεροσ ἢ πολιτικώτεροσ, ἀναστὰσ οὐχ οἱο͂ν ἀπελογήθη τι περὶ τῶν Ἀχαιῶν, ἀλλὰ καὶ προσυπέδειξε τῷ Καικιλίῳ διὰ τὴν πρὸσ τὸν Φιλοποίμενα παρατριβὴν ἕτερον ἔγκλημα κατὰ τῶν Ἀχαιῶν.

ἔφη γὰρ οὐ μόνον τὰ κατὰ Λακεδαίμονα κεχειρίσθαι κακῶσ, ἀλλὰ καὶ τὰ κατὰ Μεσσήνην·

ἦσαν δὲ περὶ τῶν φυγαδικῶν τοῖσ Μεσσηνίοισ ἀντιρρήσεισ τινὲσ πρὸσ ἀλλήλουσ περὶ τὸ τοῦ Τίτου διάγραμμα καὶ τὴν τοῦ Φιλοποίμενοσ διόρθωσιν.

ὅθεν ὁ Καικίλιοσ, δοκῶν ἔχειν καὶ τῶν Ἀχαιῶν αὐτῶν τινασ ὁμογνώμονασ, μᾶλλον ἠγανάκτει τῷ μὴ κατακολουθεῖν ἑτοίμωσ τοῖσ ὑπ’ αὐτοῦ παρακαλουμένοισ τοὺσ συνεληλυθότασ.

μένειν ἔδοξε τοῖσ παροῦσιν ἐπὶ τῶν ὑποκειμένων καὶ ταύτην δοῦναι τῷ πρεσβευτῇ τὴν ἀπόκρισιν.

ὁ δὲ Καικίλιοσ ὁρῶν τὴν τούτων προαίρεσιν, ἠξίου τοὺσ πολλοὺσ αὑτῷ συναγαγεῖν εἰσ ἐκκλησίαν.

οἱ δὲ τῶν Ἀχαιῶν ἄρχοντεσ ἐκέλευον αὐτὸν δεῖξαι τὰσ ἐντολάσ, ἃσ εἶχε παρὰ τῆσ συγκλήτου περὶ τούτων.

τοῦ δὲ παρασιωπῶντοσ, οὐκ ἔφασαν αὐτῷ συνάξειν τὴν ἐκκλησίαν· τοὺσ γὰρ νόμουσ οὐκ ἐᾶν, ἐὰν μὴ φέρῃ τισ ἔγγραπτα παρὰ τῆσ συγκλήτου, περὶ ὧν οἰέται δεῖν συνάγειν.

ὁ δὲ Καικίλιοσ ἐπὶ τοσοῦτον ὠργίσθη διὰ τὸ μηθὲν αὐτῷ συγχωρεῖσθαι τῶν ἀξιουμένων, ὥστ’ οὐδὲ τὴν ἀπόκρισιν ἠβουλήθη δέξασθαι παρὰ τῶν ἀρχόντων, ἀλλ’ ἀναπόκριτοσ ἀπῆλθεν.

οἱ δ’ Ἀχαιοὶ τὴν αἰτίαν ἀνέφερον καὶ τῆσ πρότερον παρουσίασ ἅμα τῆσ Μάρκου τοῦ Φολουίου καὶ τῆσ τότε τῶν περὶ τὸν Καικίλιον ἐπὶ τὸν Ἀρίσταινον καὶ τὸν Διοφάνην, ὡσ τούτουσ ἀντισπασαμένουσ διὰ τὴν ἀντιπολιτείαν τὴν πρὸσ τὸν Φιλοποίμενα·

καί τισ ἦν ὑποψία τῶν πολλῶν πρὸσ τοὺσ προειρημένουσ ἄνδρασ.

καὶ τὰ μὲν κατὰ Πελοπόννησον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 22, chapter 10

(폴리비오스, Histories, book 22, chapter 10)

상위

목록

SEARCH

MENU NAVIGATION