헬라어 문장 검색 - ΠολψβίΗιστορί22́008́

(폴리비오스, Histories, book 22, chapter 8)

κατέπαυσαν τὸν λόγον. εἰσ ἣν δίδοται, πασῶν αἰσχίστην καὶ παρανομωτάτην.

τῶν γὰρ νόμων κωλυόντων μηθένα μήτε τῶν ἰδιωτῶν μήτε τῶν ἀρχόντων παρὰ βασιλέωσ δῶρα λαμβάνειν κατὰ μηδ’ ὁποίαν πρόφασιν, πάντασ ἅμα δωροδοκεῖσθαι προφανῶσ, προσδεξαμένουσ τὰ χρήματα, πάντων εἶναι παρανομώτατον, πρὸσ δὲ τούτοισ αἴσχιστον ὁμολογουμένωσ.

τὸ γὰρ ὀψωνιάζεσθαι τὴν βουλὴν ὑπ’ Εὐμένουσ καθ’ ἕκαστον ἔτοσ καὶ βουλεύεσθαι περὶ τῶν κοινῶν καταπεπωκότασ οἱονεὶ δέλεαρ, πρόδηλον ἔχειν τὴν αἰσχύνην καὶ τὴν βλάβην.

νῦν μὲν γὰρ Εὐμένη διδόναι χρήματα, μετὰ δὲ ταῦτα Προυσίαν δώσειν, καὶ πάλιν Σέλευκον.

φανερῶσ ἀνάγκη δυεῖν θάτερον ἢ τὸ τῶν βασιλέων λυσιτελὲσ ἐπίπροσθεν γίνεσθαι τοῦ κατ’ ἰδίαν συμφέροντοσ ἢ τούτου μὴ συμβαίνοντοσ ἀχαρίστουσ φαίνεσθαι πᾶσιν, ἀντιπράττοντασ τοῖσ αὑτῶν μισθοδόταισ.

διὸ μὴ μόνον ἀπείπασθαι παρεκάλει τοὺσ Ἀχαιούσ, ἀλλὰ καὶ μισεῖν τὸν Εὐμένη διὰ τὴν ἐπίνοιαν τῆσ δόσεωσ.

Μετὰ δὲ τοῦτον ἀναστὰσ Κάσσανδροσ Αἰγινήτησ ἀνέμνησε τοὺσ Ἀχαιοὺσ τῆσ Αἰγινητῶν ἀκληρίασ, ᾗ περιέπεσον διὰ τὸ μετὰ τῶν Ἀχαιῶν συμπολιτεύεσθαι, ὅτε Πόπλιοσ Σολπίκιοσ ἐπιπλεύσασ τῷ στόλῳ πάντασ ἐξηνδραποδίσατο τοὺσ ταλαιπώρουσ Αἰγινήτασ·

ὑπὲρ ὧν διεσαφήσαμεν, τίνα τρόπον Αἰτωλοί, κύριοι γενόμενοι τῆσ πόλεωσ κατὰ τὰσ πρὸσ Ῥωμαίουσ συνθήκασ, Ἀττάλῳ παραδοῖεν, τριάκοντα τάλαντα παρ’ αὐτοῦ λαβόντεσ.

ταῦτ’ οὖν τιθεὶσ τοῖσ Ἀχαιοῖσ πρὸ ὀφθαλμῶν ἠξίου τὸν Εὐμένη μὴ διάφορα προτείνοντα θηρεύειν τὴν τῶν Ἀχαιῶν εὔνοιαν, ἀλλὰ τὴν πόλιν ἀποδιδόντα τυγχάνειν πάντων τῶν φιλανθρώπων ἀναντιρρήτωσ.

τοὺσ δ’ Ἀχαιοὺσ παρεκάλει μὴ δέχεσθαι τοιαύτασ δωρεάσ, δι’ ὧν φανήσονται καὶ τὰσ εἰσ τὸ μέλλον ἐλπίδασ ἀφαιρούμενοι τῆσ Αἰγινητῶν σωτηρίασ.

ἐπὶ τοσοῦτον παρέστη τὸ πλῆθοσ ὥστε μὴ τολμῆσαι μηθένα συνειπεῖν τῷ βασιλεῖ, πάντασ δὲ μετὰ κραυγῆσ ἐκβαλεῖν τὴν προτεινομένην δωρεάν, καίτοι δοκούσησ αὐτῆσ ἔχειν τι δυσαντοφθάλμητον διὰ τὸ πλῆθοσ τῶν προτεινομένων χρημάτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 22, chapter 8

(폴리비오스, Histories, book 22, chapter 8)

상위

목록

SEARCH

MENU NAVIGATION