헬라어 문장 검색 - ΠολψβίΗιστορί13́004́

(폴리비오스, Histories, book 13, chapter 3)

Ἐγένετο περὶ τὴν τοιαύτην κακοπραγμοσύνην, ἣν δὴ βασιλικὴν μὲν οὐδαμῶσ οὐδεὶσ ἂν εἶναι φήσειεν, ἀναγκαίαν δὲ βούλονται λέγειν ἔνιοι πρὸσ τὸν πραγματικὸν τρόπον διὰ τὴν νῦν ἐπιπολάζουσαν κακοπραγμοσύνην. οἱ μὲν γὰρ ἀρχαῖοι πολύ τι τοῦ τοιούτου μέρουσ ἐκτὸσ ἦσαν·

ὑπολαμβάνοντεσ οὐδὲν οὔτε λαμπρὸν οὐδὲ μὴν βέβαιον εἶναι τῶν κατορθωμάτων, ἐὰν μή τισ ἐκ τοῦ προφανοῦσ μαχόμενοσ ἡττήσῃ ταῖσ ψυχαῖσ τοὺσ ἀντιταττομένουσ.

διὸ καὶ συνετίθεντο πρὸσ σφᾶσ μήτ’ ἀδήλοισ βέλεσι μήθ’ ἑκηβόλοισ χρήσασθαι κατ’ ἀλλήλων, μόνην δὲ τὴν ἐκ χειρὸσ καὶ συστάδην γινομένην μάχην ἀληθινὴν ὑπελάμβανον εἶναι κρίσιν πραγμάτων.

ᾗ καὶ τοὺσ πολέμουσ ἀλλήλοισ προύλεγον καὶ τὰσ μάχασ, ὅτε πρόθοιντο διακινδυνεύειν, καὶ τοὺσ τόπουσ, εἰσ οὓσ μέλλοιεν ἐξιέναι παραταξόμενοι.

νῦν δὲ καὶ φαύλου φασὶν εἶναι στρατηγοῦ τὸ προφανῶσ τι πράττειν τῶν πολεμικῶν.

βραχὺ δέ τι λείπεται παρὰ Ῥωμαίοισ ἴχνοσ ἔτι τῆσ ἀρχαίασ αἱρέσεωσ περὶ τὰ πολεμικά·

καὶ γὰρ προλέγουσι τοὺσ πολέμουσ καὶ ταῖσ ἐνέδραισ σπανίωσ χρῶνται καὶ τὴν μάχην ἐκ χειρὸσ ποιοῦνται καὶ συστάδην. ταῦτα μὲν οὖν εἰρήσθω πρὸσ τὸν ἐπιπολάζοντα νῦν ὑπὲρ τὸ δέον ἐν τῇ κακοπραγμοσύνῃ ζῆλον περὶ τοὺσ ἡγουμένουσ ἔν τε ταῖσ πολιτικαῖσ καὶ πολεμικαῖσ οἰκονομίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 13, chapter 3

(폴리비오스, Histories, book 13, chapter 3)

상위

목록

SEARCH

MENU NAVIGATION