헬라어 문장 검색 - ΠολψβίΗιστορί07́020́

(폴리비오스, Histories, book 7, chapter 17)

Ἑτοίμων δὲ πάντων αὐτοῖσ γενομένων, ἅμα τῷ κρυφθῆναι τὴν σελήνην λάθρᾳ πρὸσ τοὺσ κρημνοὺσ οἱ περὶ τὸν Λαγόραν ἀφικόμενοι μετὰ τῶν κλιμάκων ὑπέστειλαν ἑαυτοὺσ ὑπό τινα προπεπτωκυῖαν ὀφρύν. καὶ τῶν μὲν φυλάκων ἀπολυομένων ἀπὸ τοῦ τόπου τούτου, τοῦ δὲ βασιλέωσ κατὰ τὸν ἐθισμὸν τοὺσ μὲν εἰσ τὰσ ἐφεδρείασ ἐκπέμποντοσ, τοὺσ δὲ πολλοὺσ εἰσ τὸν ἱππόδρομον ἐξαγαγόντοσ καὶ παρατάττοντοσ, τὸ μὲν πρῶτον ἀνύποπτον ἦν πᾶσι τὸ γενόμενον.

προστεθεισῶν δὲ δυεῖν κλιμάκων, καὶ δι’ ἧσ μὲν Διονυσίου, δι’ ἧσ δὲ Λαγόρα πρῶτον πορευομένων, ἐγίνετο ταραχὴ καὶ κίνημα περὶ τὸ στρατόπεδον.

συνέβαινε γὰρ τοῖσ μὲν ἐκ τῆσ πόλεωσ καὶ τοῖσ περὶ τὸν Ἀχαιὸν ἐκ τῆσ ἄκρασ ἀδήλουσ εἶναι τοὺσ προσβαίνοντασ διὰ τῆσ προπεπτωκυίασ ἐπὶ τὸν κρημνὸν ὀφρύοσ·

τοῖσ δ’ ἐκ τοῦ στρατοπέδου σύνοπτοσ ἦν ἡ τόλμα τῶν ἀναβαινόντων καὶ παραβαλλομένων. διόπερ οἱ μὲν ἐκπεπληγμένοι τὸ παράδοξον, οἱ δὲ προορώμενοι καὶ δεδιότεσ τὸ συμβησόμενον, ἀχανεῖσ ἅμα δὲ περιχαρεῖσ ὄντεσ, ἕστασαν.

ὅθεν ὁ βασιλεύσ, θεωρῶν τὸ περὶ τὴν ὅλην παρεμβολὴν κίνημα, καὶ βουλόμενοσ ἀποσπᾶν ἀπὸ τοῦ προκειμένου τούσ τε παρ’ αὑτοῦ καὶ τοὺσ ἐκ τῆσ πόλεωσ, προῆγε τὴν δύναμιν καὶ προσέβαλε πρὸσ τὰσ ἐπὶ θάτερα πύλασ κειμένασ, Περσίδασ δὲ προσαγορευομένασ. συνθεωρῶν ἐκ τῆσ ἄκρασ τὸ περὶ τοὺσ ὑπεναντίουσ κίνημα παρηλλαγμένον τῆσ συνηθείασ, ἐπὶ πολὺ διηπορεῖτο δυσχρηστούμενοσ καὶ συννοῆσαι τὸ γινόμενον οὐδαμῶσ δυνάμενοσ.

πλὴν ὅμωσ ἐξαπέστειλε τοὺσ ἀπαντήσοντασ εἰσ τὴν πύλην·

ὧν διὰ στενῆσ καὶ κρημνώδουσ ποιουμένων τὴν κατάβασιν βραδεῖαν συνέβαινε γίνεσθαι τὴν ἐπικουρίαν. ὁ δ’ ἐπὶ τῆσ πόλεωσ τεταγμένοσ Ἀρίβαζοσ ἀκάκωσ ὡρ́μησε πρὸσ τὰσ πύλασ, αἷσ ἑώρα προσβάλλοντα τὸν Ἀντίοχον, καὶ τοὺσ μὲν ἐπὶ τὸ τεῖχοσ ἀνεβίβαζε, τοὺσ δὲ διὰ τῆσ πύλησ ἀφιεὶσ εἴργειν τοὺσ συνεγγίζοντασ καὶ συμπλέκεσθαι παρεκελεύετο τοῖσ πολεμίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 7, chapter 17

(폴리비오스, Histories, book 7, chapter 17)

상위

목록

SEARCH

MENU NAVIGATION