헬라어 문장 검색 - ΠολψβίΗιστορί07́009́

(폴리비오스, Histories, book 7, iii. res graeciae)

ἐναντίον πάντων θεῶν ὅσοι κατέχουσι Καρχηδόνα, ἐναντίον θεῶν πάντων ὅσοι Μακεδονίαν καὶ τὴν ἄλλην Ἑλλάδα κατέχουσιν, ἐναντίον θεῶν πάντων τῶν κατὰ στρατείαν, ὅσοι τινὲσ ἐφεστήκασιν ἐπὶ τοῦδε τοῦ ὁρ́κου. καὶ πάσασ πόλεισ καὶ ἔθνη, πρὸσ ἅ ἐστιν ἡμῖν ἥ τε φιλία τῶν ἐν Ἰταλίᾳ καὶ Κελτίᾳ καὶ ἐν τῇ Λιγυστίνῃ, καὶ πρὸσ οὕστινασ ἡμῖν ἂν γένηται φιλία καὶ συμμαχία ἐν ταύτῃ τῇ χώρᾳ.

ἔσται δὲ καὶ Φίλιπποσ ὁ βασιλεὺσ καὶ Μακεδόνεσ καὶ τῶν ἄλλων Ἑλλήνων οἱ σύμμαχοι, σῳζόμενοι καὶ φυλαττόμενοι ὑπὸ Καρχηδονίων τῶν συστρατευομένων καὶ ὑπὸ Ἰτυκαίων καὶ ὑπὸ πασῶν πόλεων καὶ ἐθνῶν ὅσα ἐστὶ Καρχηδονίοισ ὑπήκοα, καὶ συμμάχων καὶ στρατιωτῶν, καὶ ὑπὸ πάντων ἐθνῶν καὶ πόλεων ὅσα ἐστὶν ἐν Ἰταλίᾳ καὶ Κελτίᾳ καὶ Λιγυστίνῃ, καὶ ὑπὸ τῶν ἄλλων, ὅσοι ἂν γένωνται σύμμαχοι ἐν τοῖσ κατ’ Ἰταλίαν τόποισ τούτοισ.

οὐκ ἐπιβουλεύσομεν ἀλλήλοισ οὐδὲ λόχῳ χρησόμεθα ἐπ’ ἀλλήλοισ, μετὰ πάσησ δὲ προθυμίασ καὶ εὐνοίασ ἄνευ δόλου καὶ ἐπιβουλῆσ ἐσόμεθα πολέμιοι τοῖσ πρὸσ Καρχηδονίουσ πολεμοῦσι χωρὶσ βασιλέων καὶ πόλεων καὶ λιμένων, πρὸσ οὓσ ἡμῖν εἰσιν ὁρ́κοι καὶ φιλίαι.

ἐσόμεθα δὲ καὶ ἡμεῖσ πολέμιοι τοῖσ πολεμοῦσι πρὸσ βασιλέα Φίλιππον χωρὶσ βασιλέων καὶ πόλεων καὶ ἐθνῶν, πρὸσ οὓσ ἡμῖν εἰσιν ὁρ́κοι καὶ φιλίαι.

ἔσεσθε δὲ καὶ ἡμῖν σύμμαχοι πρὸσ τὸν πόλεμον, ὅσ ἐστιν ἡμῖν πρὸσ Ῥωμαίουσ, ἑώσ ἂν ἡμῖν καὶ ὑμῖν οἱ θεοὶ διδῶσι τὴν εὐημερίαν.

βοηθήσετε δὲ ἡμῖν, ὡσ ἂν χρεία ᾖ καὶ ὡσ ἂν συμφωνήσωμεν.

ἐφ’ ᾧτε μὴ ἐξεῖναι αὐτοῖσ ἄρασθαι πρὸσ ὑμᾶσ μηδέποτε πόλεμον, μηδ’ εἶναι Ῥωμαίουσ κυρίουσ Κερκυραίων μηδ’ Ἀπολλωνιατῶν καὶ Ἐπιδαμνίων μηδὲ Φάρου μηδὲ Διμάλησ καὶ Παρθίνων μηδ’ Ἀτιντανίασ.

ἀποδώσουσι δὲ καὶ Δημητρίῳ τῷ Φαρίῳ τοὺσ οἰκείουσ πάντασ, οἵ εἰσιν ἐν τῷ κοινῷ τῶν Ῥωμαίων.

ἐὰν δὲ αἴρωνται Ῥωμαῖοι πρὸσ ὑμᾶσ πόλεμον ἢ πρὸσ ἡμᾶσ, βοηθήσομεν ἀλλήλοισ εἰσ τὸν πόλεμον, καθὼσ ἂν ἑκατέροισ ᾖ χρεία.

ὁμοίωσ δὲ καὶ ἐάν τινεσ ἄλλοι χωρὶσ βασιλέων καὶ πόλεων καὶ ἐθνῶν, πρὸσ ἃ ἡμῖν εἰσιν ὁρ́κοι καὶ φιλίαι.

ἐὰν δὲ δοκῇ ἡμῖν ἀφελεῖν ἢ προσθεῖναι πρὸσ τόνδε τὸν ὁρ́κον, ἀφελοῦμεν ἢ προσθήσομεν ὡσ ἂν ἡμῖν δοκῇ ἀμφοτέροισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 7, iii. res graeciae

(폴리비오스, Histories, book 7, iii. res graeciae)

상위

목록

SEARCH

MENU NAVIGATION