헬라어 문장 검색 - ΠολψβίΗιστορί07́011́

(폴리비오스, Histories, book 7, chapter 11)

Ἐγὼ δὲ κατὰ τὸ παρὸν ἐπιστήσασ τὴν διήγησιν βραχέα βούλομαι διαλεχθῆναι περὶ Φιλίππου, διὰ τὸ ταύτην τὴν ἀρχὴν γενέσθαι τῆσ εἰσ τοὔμπαλιν μεταβολῆσ αὐτοῦ καὶ τῆσ ἐπὶ χεῖρον ὁρμῆσ καὶ μεταθέσεωσ. δοκεῖ γάρ μοι τοῖσ καὶ κατὰ βραχὺ βουλομένοισ τῶν πραγματικῶν ἀνδρῶν περιποιεῖσθαι τὴν ἐκ τῆσ ἱστορίασ διόρθωσιν ἐναργέστατον εἶναι τοῦτο παράδειγμα.

καὶ γὰρ διὰ τὸ τῆσ ἀρχῆσ ἐπιφανὲσ καὶ διὰ τὸ τῆσ φύσεωσ λαμπρὸν ἐκφανεστάτασ συμβαίνει καὶ γνωριμωτάτασ γεγονέναι πᾶσι τοῖσ Ἕλλησι τὰσ εἰσ ἑκάτερον τὸ μέροσ ὁρμὰσ τοῦ βασιλέωσ τούτου, παραπλησίωσ δὲ καὶ τὰ συνεξακολουθήσαντα ταῖσ ὁρμαῖσ ἑκατέραισ ἐκ παραθέσεωσ.

ὅτι μὲν οὖν αὐτῷ μετὰ τὸ παραλαβεῖν τὴν βασιλείαν τά τε κατὰ Θετταλίαν καὶ Μακεδονίαν καὶ συλλήβδην τὰ κατὰ τὴν ἰδίαν ἀρχὴν οὕτωσ ὑπετέτακτο καὶ συνέκλινε ταῖσ εὐνοίαισ ὡσ οὐδενὶ τῶν πρότερον βασιλέων, καίτοι νέῳ ὄντι παραλαβόντι τὴν Μακεδόνων δυναστείαν, εὐχερὲσ καταμαθεῖν ἐκ τούτων.

συνεχέστατα γὰρ αὐτοῦ περισπασθέντοσ ἐκ Μακεδονίασ διὰ τὸν πρὸσ Αἰτωλοὺσ καὶ Λακεδαιμονίουσ πόλεμον, οὐχ οἱο͂ν ἐστασίασέ τι τῶν προειρημένων ἐθνῶν, ἀλλ’ οὐδὲ τῶν περιοικούντων ἐτόλμησε βαρβάρων οὐδεὶσ ἅψασθαι τῆσ Μακεδονίασ.

καὶ μὴν περὶ τῆσ Ἀλεξάνδρου καὶ Χρυσογόνου καὶ τῶν ἄλλων φίλων εὐνοίασ καὶ προθυμίασ εἰσ αὐτὸν οὐδ’ ἂν εἰπεῖν τισ δύναιτ’ ἀξίωσ.

ἅμα δὲ τούτοισ Ἠπειρωτῶν, Ἀκαρνάνων, ὅσων ἑκάστοισ ἀγαθῶν ἐν βραχεῖ χρόνῳ παραίτιοσ ἐγένετο.

καθόλου γε μήν, εἰ δεῖ μικρὸν ὑπερβολικώτερον εἰπεῖν, οἰκειότατ’ ἂν οἶμαι περὶ Φιλίππου τοῦτο ῥηθῆναι, διότι κοινόσ τισ οἱο͂ν ἐρώμενοσ ἐγένετο τῶν Ἑλλήνων διὰ τὸ τῆσ αἱρέσεωσ εὐεργετικόν.

ἐκφανέστατον δὲ καὶ μέγιστον δεῖγμα περὶ τοῦ τί δύναται προαίρεσισ καλοκἀγαθικὴ καὶ πίστισ, τὸ πάντασ Κρηταιεῖσ συμφρονήσαντασ καὶ τῆσ αὐτῆσ μετασχόντασ συμμαχίασ ἕνα προστάτην ἑλέσθαι τῆσ νήσου Φίλιππον, καὶ ταῦτα συντελεσθῆναι χωρὶσ ὅπλων καὶ κινδύνων, ὃ πρότερον οὐ ῥᾳδίωσ ἂν εὑρ́οι τισ γεγονόσ.

ἀπὸ τοίνυν τῶν κατὰ Μεσσηνίουσ ἐπιτελεσθέντων ἅπαντα τὴν ἐναντίαν ἐλάμβανε διάθεσιν αὐτῷ·

καὶ τοῦτο συνέβαινε κατὰ λόγον· τραπεὶσ γὰρ ἐπὶ τὴν ἀντικειμένην προαίρεσιν τῇ πρόσθεν, καὶ ταύτῃ προστιθεὶσ ἀεὶ τἀκόλουθον, ἔμελλε καὶ τὰσ τῶν ἄλλων διαλήψεισ περὶ αὑτοῦ τρέψειν εἰσ τἀναντία καὶ ταῖσ τῶν πραγμάτων συντελείαισ ἐγκυρήσειν ἐναντίαισ ἢ πρότερον.

ὃ καὶ συνέβη γενέσθαι.

δῆλον δὲ τοῦτ’ ἔσται τοῖσ προσέχουσιν ἐπιμελῶσ διὰ τῶν ἑξῆσ ῥηθησομένων πράξεων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 7, chapter 11

(폴리비오스, Histories, book 7, chapter 11)

상위

목록

SEARCH

MENU NAVIGATION