헬라어 문장 검색 - ΠολψβίΗιστορί07́007́

(폴리비오스, Histories, book 7, chapter 7)

τραγῳδοῦντεσ δὲ τὴν ὠμότητα τῶν τρόπων καὶ τὴν ἀσέβειαν τῶν πράξεων, ἐπὶ δὲ πᾶσι τὸ παράλογον καὶ τὸ δεινὸν τῶν περὶ τὴν καταστροφὴν αὐτοῦ συμβάντων, ὥστε μήτε Φάλαριν μήτ’ Ἀπολλόδωρον μήτ’ ἄλλον μηδένα γεγονέναι τύραννον ἐκείνου πικρότερον. καίτοι παῖσ παραλαβὼν τὴν ἀρχήν, εἶτα μῆνασ οὐ πλείουσ τριῶν καὶ δέκα βιώσασ μετήλλαξε τὸν βίον.

κατὰ δὲ τὸν χρόνον τοῦτον ἕνα μέν τινα καὶ δεύτερον ἐστρεβλῶσθαι καί τινασ τῶν φίλων καὶ τῶν ἄλλων Συρακοσίων ἀπεκτάνθαι δυνατόν, ὑπερβολὴν δὲ γεγονέναι παρανομίασ καὶ παρηλλαγμένην ἀσέβειαν οὐκ εἰκόσ.

καὶ τῷ μὲν τρόπῳ διαφερόντωσ εἰκαῖον αὐτὸν γεγονέναι καὶ παράνομον φατέον, οὐ μὴν εἴσ γε σύγκρισιν ἀκτέον οὐδενὶ τῶν προειρημένων τυράννων.

ἀλλά μοι δοκοῦσιν οἱ τὰσ ἐπὶ μέρουσ γράφοντεσ πράξεισ, ἐπειδὰν ὑποθέσεισ εὐπεριλήπτουσ ὑποστήσωνται καὶ στενάσ, πτωχεύοντεσ πραγμάτων ἀναγκάζεσθαι τὰ μικρὰ μεγάλα ποιεῖν καὶ περὶ τῶν μηδὲ μνήμησ ἀξίων πολλούσ τινασ διατίθεσθαι λόγουσ.

ἔνιοι δὲ καὶ δι’ ἀκρισίαν εἰσ τὸ παραπλήσιον τούτοισ ἐμπίπτουσιν. ὅσῳ γὰρ ἄν τισ εὐλογώτερον καὶ περὶ ταῦτα τὸν ἀναπληροῦντα τὰσ βύβλουσ καὶ τὸν ἐπιμετροῦντα λόγον τῆσ διηγήσεωσ εἰσ Ιἕρωνα καὶ Γέλωνα διάθοιτο, παρεὶσ Ιἑρώνυμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 7, chapter 7

(폴리비오스, Histories, book 7, chapter 7)

상위

목록

SEARCH

MENU NAVIGATION