헬라어 문장 검색 - ΠολψβίΗιστορί07́002́

(폴리비오스, Histories, book 7, ii. res siciliae)

Ὅτι μετὰ τὴν ἐπιβουλὴν τὴν κατὰ Ιἑρωνύμου τοῦ βασιλέωσ Συρακοσίων, ἐκχωρήσαντοσ τοῦ Θράσωνοσ, οἱ περὶ τὸν Ζώιππον καὶ Ἀδρανόδωρον πείθουσι τὸν Ιἑρώνυμον εὐθέωσ πρεσβευτὰσ πρὸσ τὸν Ἀννίβαν πέμψαι. προχειρισάμενοσ δὲ Πολύκλειτον τὸν Κυρηναῖον καὶ Φιλόδημον τὸν Ἀργεῖον, τούτουσ μὲν εἰσ Ἰταλίαν ἀπέστειλε, δοὺσ ἐντολὰσ λαλεῖν ὑπὲρ κοινοπραγίασ τοῖσ Καρχηδονίοισ, ἅμα δὲ καὶ τοὺσ ἀδελφοὺσ εἰσ Ἀλεξάνδρειαν ἀπέπεμψεν.

Ἀννίβασ δὲ τοὺσ περὶ Πολύκλειτον καὶ Φιλόδημον ἀποδεξάμενοσ φιλανθρώπωσ, καὶ πολλὰσ ἐλπίδασ ὑπογράψασ τῷ μειρακίῳ [Ιἑρωνύμῳ], σπουδῇ πάλιν ἀπέπεμψε τοὺσ πρέσβεισ, σὺν δὲ τούτοισ Ἀννίβαν τὸν Καρχηδόνιον, ὄντα τότε τριήραρχον, καὶ τοὺσ Συρακοσίουσ Ἱπποκράτην καὶ τὸν ἀδελφὸν αὐτοῦ τὸν νεώτερον Ἐπικύδην.

συνέβαινε δὲ τούτουσ τοὺσ ἄνδρασ καὶ πλείω χρόνον ἤδη στρατεύεσθαι μετ’ Ἀννίβου, πολιτευομένουσ παρὰ Καρχηδονίοισ διὰ τὸ φεύγειν αὐτῶν τὸν πάππον ἐκ Συρακουσῶν δόξαντα προσενηνοχέναι τὰσ χεῖρασ ἑνὶ τῶν Ἀγαθοκλέουσ υἱῶν Ἀγαθάρχῳ.

παραγενομένων δὲ τούτων εἰσ τὰσ Συρακούσασ, καὶ τῶν μὲν περὶ Πολύκλειτον ἀποπρεσβευσάντων, τοῦ δὲ Καρχηδονίου διαλεχθέντοσ κατὰ τὰσ ὑπ’ Ἀννίβου δεδομένασ ἐντολάσ, εὐθέωσ ἕτοιμοσ ἦν κοινωνεῖν Καρχηδονίοισ τῶν πραγμάτων·

καὶ τόν τε παραγεγονότα πρὸσ αὑτὸν Ἀννίβαν ἔφη δεῖν πορεύεσθαι κατὰ τάχοσ εἰσ τὴν Καρχηδόνα, καὶ παρ’ αὑτοῦ συμπέμπειν ἐπηγγείλατο τοὺσ διαλεχθησομένουσ τοῖσ Καρχηδονίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 7, ii. res siciliae

(폴리비오스, Histories, book 7, ii. res siciliae)

상위

목록

SEARCH

MENU NAVIGATION